മാസ് ലുക്കില്‍ രജനി. രജനീകാന്ത് ആരാധകര്‍ ഏറെ ആകാംക്ഷയോടെ കാത്തിരിക്കുന്ന ചിത്രമാണ് കബാലി. ആവേശം കൊടുമുടിയില്‍ എത്തിച്ച് ചിത്രത്തിന്റെ ടീസര്‍ കഴിഞ്ഞ ദിവസം പുറത്തുവന്നു. ഇത് ഇന്റര്‍നെറ്റ് ലോകത്ത് പുതിയ തരംഗം തന്നെ തീര്‍ത്തു. ഇന്നലെ പുറത്തുവിട്ട രജനീകാന്ത് ചിത്രത്തിന്റെ ടീസര്‍ ആദ്യ രണ്ടു മണിക്കൂറിനുള്ളില്‍ 12 ലക്ഷം പേരാണ് കണ്ടത്. ഒരു മണിക്കൂര്‍ പിന്നിട്ടപ്പോള്‍ കാഴ്ച്ചക്കാരുടെ എണ്ണം 10 ലക്ഷം കവിഞ്ഞിരുന്നു. യൂട്യൂബിന് പോലും കാഴ്ചക്കാരുടെ എണ്ണം കൃത്യമായി അപ്‌ഡേറ്റ് ചെയ്യാന്‍ കഴിഞ്ഞില്ല. 1.06 സെക്കന്റാണ് ടീസറിന്റെ ദൈര്‍ഘ്യം. ഇതിനോടകം 4,968,559 ആളുകളാണ് ടീസര്‍ കണ്ടു കഴിഞ്ഞിരിക്കുന്നത്.
സാള്‍ട് ആന്‍ഡ് പെപ്പര്‍ ലുക്കും തീപാറുന്ന ഡയലോഗുമാണ് ടീസറിലെ പഞ്ച്. മാത്രമല്ല വിന്റേജ് ലുക്കില്‍ പഴയകാല രജനിയെ കാണിക്കുന്ന രംഗവും അത്യുഗ്രന്‍. നായികയായ രാധിക ആപ്‌തെ, വില്ലന്‍ വേഷത്തിലെത്തുന്ന കിഷോര്‍ എന്നിവരെയും ടീസറില്‍ കാണാം. ഫേസ്ബുക്കിലും ട്വിറ്ററിലുമെല്ലാം കബാലി ഹാഷ്ടാഗ് തന്നെയാണ് ഇപ്പോഴും തരംഗം. പല താരങ്ങളും ചിത്രത്തിന്റെ ടീസര്‍ ഷെയര്‍ ചെയ്തു.
മൈലാപ്പൂരില്‍ ജനിച്ച് മലേഷ്യയിലേക്ക് സാമ്രാജ്യം വ്യാപിപ്പിച്ച കബാലീശ്വരനെയാണ് രജനീകാന്ത് ചിത്രത്തില്‍ അവതരിപ്പിക്കുന്നത്. ഏറെ കാലത്തിന് ശേഷം പ്രായത്തിനൊത്തെ വേഷം രജനി ചെയ്യുന്നുവെന്ന പ്രത്യേകതയും കബാലിക്കുണ്ട്. ആട്ടകത്തി, മദ്രാസ് പോലുള്ള പരീക്ഷണചിത്രങ്ങള്‍ ഒരുക്കിയ പാ രഞ്ജിത്ത് സംവിധാനം ആണ് ചിത്രം സംവിധാനം ചെയ്യുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha