സമ്പന്നരായ സഖാക്കളെ, തീക്കളി വേണ്ട: അമ്മയുടെ ഭര്ത്താവുദ്യോഗം മതിയാക്കാന് പാര്ട്ടി ഇന്നസെന്റിനോട് പറയും
അമ്മയുടെ പ്രസിഡന്റ് സ്ഥാനം രാജിവയ്ക്കാന് ഇന്നസെന്റിനോട് സി പി എം ആവശ്യപ്പെടുമെന്ന് സൂചന. അതിനു തയാറല്ലെങ്കില് എം.പി. സ്ഥാനം രാജിവയ്ക്കണം. രണ്ടാമത് പറഞ്ഞത് സംഭവിക്കാന് സി പി എമ്മിന് താല്പര്യമില്ല. കാരണം ചാലക്കുടിയില് നിന്നും സി പി എം ടിക്കറ്റില് ഒരാളെ മത്സരിപ്പിച്ച് ജയിക്കാന് സാധിക്കുമെന്ന ഉറപ്പ് പാര്ട്ടിക്കില്ല. വന് പ്രതിസന്ധിയിലാണ് പാര്ട്ടി എത്തിയിരിക്കുന്നത്. കഴിഞ്ഞ തെരഞ്ഞടുപ്പില് ജഗദീഷ് തോറ്റതും ഗണേഷ് മുന്നണി വിട്ടതും എത്ര നന്നായെന്നാണ് കോണ്ഗ്രസ് ചിന്തിക്കുന്നത്.
ഇങ്ങനെയാണ് മുന്നോട്ട് പോകുന്നതെങ്കില് സിനിമാക്കാരെ തെരഞ്ഞടുപ്പില് മത്സരിപ്പിക്കാന് ഒരു രാഷ്ട്രീയ പാര്ട്ടികളും തയാറാവുകയില്ല. ഇന്നസെന്റിന്റെ കിടക്ക പങ്കിടല് വര്ത്തമാനമാണ് സി പി എമ്മിനു തലവേദനയായി തീര്ന്നത്. മുകേഷ് മാധ്യമങ്ങളെ നോക്കി അട്ടഹസിച്ചതിനു പിന്നാലെയാണ് ഇന്നസെന്റിന്റെ വിവാദ പരാമര്ശങ്ങള് പുറത്തുവന്നത്. അത് മാധ്യമങ്ങള് ആഘോഷമാക്കുകയും ചെയ്തു. അതോടെയാണ് വിവാദങ്ങള് പാര്ട്ടിയെ ബാധിച്ച് തുടങ്ങിയത്. മുകേഷിന്റെയും ഇന്നസെന്റിന്റെയും അപക്വമായ പെരുമാറ്റം പാര്ട്ടിയെ ദോഷകരമായി ബാധിക്കുന്നു എന്ന നിലപാടിലാണ് കോടിയേരി.
മുഖ്യമന്ത്രിക്കും ഇതേ അഭിപ്രായം തന്നെയാണുള്ളത്. സിനിമാക്കാരെ കൊണ്ട് നിവൃത്തിയില്ലാത്ത അവസ്ഥയിലാണ് പാര്ട്ടി എത്തിച്ചേര്ന്നിരിക്കുന്നത്. ഒന്നുകില് സിനിമ ഇല്ലെങ്കില് പാര്ട്ടി. അങ്ങനെയാണ് സി പി എം ചിന്തിക്കുന്നത്. സിനിമാക്കാരായ ജനപ്രതിനിധികള് വില കൂടിയ കാറുകളില് നടത്തുന്ന സഞ്ചാരം പാര്ട്ടി പ്രവര്ത്തകര്ക്ക് അസഹ്യമായി മാറിയിരിക്കുകയാണ്. പ്രവര്ത്തകര്ക്ക് അവരെ കാണാന് കഴിയുന്നില്ല. പ്രവര്ത്തകരുടെ വിഷമം അവര് കേള്ക്കുന്നില്ല. പാര്ട്ടി യോഗങ്ങളില് കൃത്യമായി പങ്കെടുക്കുന്നില്ല. സി പി എം കൊല്ലം ജില്ലാ സെക്രട്ടറി കെ.എന്.ബാലഗോപാല് മുകേഷിനെ എടുത്ത് ഉടുത്തു എന്നാണ് വാര്ത്ത.
മുകേഷിന്റെയും ഇന്നസെന്റിന്റെയും പെരുമാറ്റം കാരണം സി പി എം ആരോപണ വിധേയനായ നടനെ സംരക്ഷിക്കുകയാണെന്ന തരത്തില് വാര്ത്തകള് പ്രചരിക്കുന്നു. ഇത് പാര്ട്ടിയുടെ ഇമേജിനെ ദോഷകരമായി ബാധിക്കുന്നു. പ്രമുഖ നടനെ രക്ഷിക്കാന് മുഖ്യമന്ത്രി രംഗത്തുണ്ടെന്ന വാര്ത്തകളും സര്ക്കാര് ഉന്നതരെ അലോസരപ്പെടുത്തുന്നുണ്ട്. അമ്മയും അഛനുമൊന്നുമല്ല പാര്ട്ടിയാണ് വലുതെന്ന് സി പി എം കരുതുന്നു. ആയിരകണക്കിനാളുകള് ചോര ചിന്തി സൃഷ്ടിച്ച പ്രസ്ഥാനത്തെ തകര്ക്കനതെന്നു മാത്രമാണ് സമ്പന്ന സഖാക്കളോട് സി പി എമ്മിനു പറയാനുള്ളത്.
https://www.facebook.com/Malayalivartha
