ഈ ലക്ഷണങ്ങൾ രക്താര്ബുദത്തിന്റേതുമാകാം
കാൻസർ പലതരത്തിലുണ്ട് . തുടക്കത്തില് കണ്ടെത്തിയാല് ഒട്ടുമിക്ക ക്യാന്സറുകളും ഭേദമാക്കാവുന്ന തരത്തില് വൈദ്യശാസ്ത്രം ഏറെ പുരോഗതി കൈവരിച്ചുകഴിഞ്ഞു. രക്തത്തെയോ അസ്ഥി മജ്ജയെയോ ബാധിക്കുന്ന തരം അർബുദമാണ് ലുക്കീമിയ. കാന്സറുകളുടെ കൂട്ടത്തിൽ ഏറ്റവും ഭയാനകമായ ഒന്നാണിത്. ഇത് തുടക്കത്തില് കണ്ടെത്താന് പലപ്പോഴും കഴിയാദി പോകുന്നത് രോഗം മാരകമാകാൻ കാരണമാകുന്നു.
ബ്ലഡ് കാൻസറിന്റെ പ്രാരംഭ ലക്ഷണങ്ങൾ പറയാം.
ഇടവിട്ടുണ്ടാകുന്ന പനി ലുക്കീമിയയുടെ ആദ്യകാല ലക്ഷണങ്ങളില് ഒന്നാണ് പനി. പെട്ടെന്ന് ശരീരത്തിലെ ഊഷ്മാവ് ഇടവിട്ട് കൂടുകയും കുറയുകയും ചെയ്യുന്നത് ഏതെങ്കിലുംതരത്തിലുള്ള അണുബാധയുടെ ലക്ഷണമാണ്. രോഗം കോശങ്ങളുടെ പ്രതിരോധശേഷി നശിപ്പിയ്ക്കുന്നതാണ് ഇവിടെയും പനിവരുന്നതിനുകാരണം.ശരീരത്തില് അണുബാധയുണ്ടാകുന്നതിന് സമാനമായലക്ഷണങ്ങളെല്ലാംലുക്കീമിയപിടിപെടുമ്പോഴുംതുടക്കത്തില്കണ്ടുവരാറുണ്ട്.
രക്ത സ്രാവം
മറ്റു കാരണങ്ങളില്ലാത്ത രക്തസ്രാവമാണ് മറ്റൊരു പ്രാഥമിക ലക്ഷണം. മൂക്ക്, വായ, മലദ്വാരം, മൂത്രദ്വാരം എന്നിവിടങ്ങളില് നിന്നുള്ള അസ്വഭാവിക ബ്ലീഡിംഗ് ആരംഭത്തിലെ ശ്രദ്ധിക്കുകയും വിദഗ്ദോപദേശം നേടുകയും വേണം.
ശരീരത്തില് ചുവന്ന പാടുകള്.
ലുക്കീമിയയുടെ ഏറ്റവും പ്രധാനപ്പെട്ട ലക്ഷണങ്ങളില് ഒന്നാണിത്. ലുക്കീമിയ പിടിപെടുന്നവരില് രക്തത്തിലെ പ്ലേറ്റ്ലെറ്റിന്റെ അളവ് ക്രമാതീതമായി കുറയും. ഇങ്ങനെ സംഭവിക്കുമ്പോള് രക്തക്കുഴലുകള് പൊട്ടി രക്തസ്രാവം ഉണ്ടാകും. ഇത് ത്വക്കില്ക്കൂടി രക്തം വരാനും, ചര്മ്മത്തില് ചുവന്നപാടുകള് ഉണ്ടാകാനും കാരണമാകും.
രാത്രിയില് വിയര്ക്കുക..
നല്ല തണുത്ത കാലാവസ്ഥയിലും ഉറക്കത്തില് നന്നായി വിയര്ക്കുന്നത് ലുക്കീമിയയുടെ ലക്ഷണമാകാം. വിയര്പ്പു കാരണം ഉറക്കത്തില് നിന്നുപോലും ഞെട്ടിയുണരും.എന്തുകൊണ്ടാണ് ഇങ്ങനെ സംഭവിക്കുന്നതെന്ന് ഇതുവരെ വിശദീകരിക്കാന് സാധിച്ചിട്ടില്ല.
അകാരണമായ ക്ഷീണം.
ലുക്കീമിയ ഉള്ളവരില് രക്തത്തിലെ ഹീമോഗ്ലോബിന്റെ അളവ് ക്രമാതീതമായി കുറഞ്ഞിരിക്കും. ഇത് വിളര്ച്ചയ്ക്കും, ക്ഷീണത്തിനും കാരണമാകും. എപ്പോഴും തളര്ച്ചയും തലകറക്കവും അനുഭവപ്പെടുന്നത് ഇതേ കാരണം കൊണ്ടാകും. ചിലരില് ശ്വാസതടസം അനുഭവപ്പെടുകയും ചെയ്യും.
നെഞ്ചുവേദനയും കാല്പ്പാദത്തിലെ നീര്ക്കെട്ടും..
ഇടയ്ക്കിടെ ഉണ്ടാകുന്ന നെഞ്ചുവേദനയും കാല്പ്പാദത്തിലെ നീര്ക്കെട്ടും ലുക്കീമിയയുടെ ലക്ഷണമാകാം. കാലിലെ നീര്ക്കെട്ടിലൂടെ രക്തസ്രാവവും ഉണ്ടാകാന് സാധ്യതയുണ്ട്. ചിലര് ഇത് ഹൃദ്രോഗലക്ഷണമായി തെറ്റിദ്ധരിക്കാറുണ്ട്.
ഇടയ്ക്കിടെ ഉണ്ടാകുന്ന അണുബാധകള്..
ശരീരത്തില് ഇടയ്ക്കിടെ അണുബാധ ഉണ്ടാകുന്നുണ്ടെങ്കില് ശ്രദ്ധിക്കണം. അത് ചിലപ്പോള് രക്താര്ബുദത്തിന്റെ ലക്ഷണമാകാം. രക്തത്തിലെ വെളുത്തരക്താണുക്കളുടെ അളവ് കുറയുന്നതുകൊണ്ടാണ് ഇങ്ങനെ അടിക്കടി അണുബാധ ഉണ്ടാകുന്നത്.
മേല്പ്പറഞ്ഞ ഏഴ് ലക്ഷണങ്ങളും പലപ്പോഴും പലരിലും ഏറ്റക്കുറച്ചിലോടെ കാണാറുണ്ട്. എന്നാൽ ഇത് രക്താര്ബുദം ആണെന്ന് കണക്കാക്കേണ്ടതില്ല. ഒരു രോഗത്തിനും സ്വയം ചികിത്സ പാടില്ല. അത്എ അപകടങ്ങൾ വിളിച്ചുവരുത്തും ഈ ലക്ഷണങ്ങളുള്ളവര് വൈദ്യസഹായം തേടുകയും ആവശ്യമായ രക്തപരിശോധനകള്നടത്തുകയും വേണം . തുടക്കത്തിലേ കണ്ടെത്തിയാല് രക്താര്ബുദം പൂര്ണമായും ചികില്സിച്ച് ഭേദമാക്കാനുള്ള സൗകര്യങ്ങള് കേരളത്തിലെ പ്രമുഖ ആശുപത്രികളില് ലഭ്യമാണ്.
https://www.facebook.com/Malayalivartha
