ഓർമശക്തി കൂട്ടാൻ പാൽ കുടിക്കൂ
കുട്ടികള്ക്കും മുതിര്ന്നവര്ക്കും ഒരേപോലെ പാല് ഗുണം ചെയ്യും. ദിവസവും ഓരോ ഗ്ലാസ് പാല് കുടിക്കുന്നത് ഓര്മശക്തി വര്ദ്ധിപ്പിക്കുമത്രേ.കൊഴുപ്പു കുറഞ്ഞ പാല് കുടിക്കുന്നതുമൂലം ആവശ്യമായ പോഷണങ്ങള് ലഭിക്കുക മാത്രമല്ല, നമ്മുടെ മാനസിക നിലയ്ക്കും തലച്ചോറിന്റെ പ്രവര്ത്തനത്തിനും അത് ഗുണം ചെയ്യുമെന്ന് വിദഗ്ധര് അഭിപ്രായപ്പെടുന്നു . പാലും പാലുല്പ്പന്നങ്ങളും ധാരാളമായി കഴിക്കുന്ന മുതിര്ന്നവര്, പാലു കുടിക്കാത്തവരെക്കാള് ഓര്മശക്തിയിലും തലച്ചോറിന്റെ പ്രവര്ത്തന പരീക്ഷകളിലും മികച്ചു നിൽക്കുന്നുണ്ട്.
എല്ലുകളുടെയും ഹൃദയത്തിന്റെയും ആരോഗ്യത്തിന് പാല് നല്ലതാണെന്ന് എല്ലാവര്ക്കും അറിയാം. പ്രായം കൂടുന്തോറും മാനസികനിലയിലുണ്ടാകുന്ന തകര്ച്ചയെ തടയാനും പാല് സഹായിക്കുന്നു എന്നത് പുതിയ അറിവാണ്.ഈ രംഗത്ത് കൂടുതല് ഗവേഷണങ്ങള് ആവശ്യമാണെങ്കിലും പാലിലടങ്ങിയ പോഷണങ്ങള് തലച്ചോറിന്റെ പ്രവര്ത്തനത്തെ നേരിട്ടു ബാധിക്കുന്നു എന്ന് ഗവേഷകര്.പാലു കുടിക്കുന്നവര് പരീക്ഷകളില് തോല്ക്കാനുള്ള സാധ്യത അഞ്ചിരട്ടി കുറവാണെന്നു കണ്ടു.
.23 നും 98 നും ഇടയില് പ്രായമുള്ള സ്ത്രീപുരുഷന്മാരെ തുടര്ച്ചയായി വിവിധ മസ്തിഷ്ക പരീക്ഷകള്ക്കു വിധയേമാക്കി.ദൃശ്യപരീക്ഷകള്, ഓര്മശക്തി പരീക്ഷകള്, വാചാ പരീക്ഷകള് എന്നിവ നടത്തി. ഇതോടൊപ്പം ഇവരുടെ പാലുപയോഗിക്കുന്ന ശീലങ്ങളും രേഖപ്പെടുത്തി.പ്രായഭേദമെന്യെ നടത്തിയ എട്ട് വ്യത്യസ്ത പരീക്ഷണങ്ങളിലും മാനസിക ശേഷി പ്രകടനങ്ങളിലും, ദിവസം ഒരു ഗ്ലാസ് പാല് എങ്കിലും കുടിക്കുന്നവര്ക്ക് ആരോഗ്യ ശേഷി വളരെ മെച്ചപ്പെട്ട നിലയിലാണ് കാണപ്പെടുന്നത്.
ജീവിത ശൈലിയില് മാറ്റം വരുത്തിക്കൊണ്ട് നാഢീമനോവൈകല്യങ്ങളെ കുറയ്ക്കുകയോ തടയുകയോ ചെയ്യാന് വളരെ എളുപ്പത്തില് വ്യക്തികള്ക്ക് സാധിക്കുന്ന കാര്യം കൂടിയാണിത്.മടി കാട്ടാതെ മുതിര്ന്നവര്ക്കും പാടനീക്കിയ കൊഴുപ്പു കുറഞ്ഞ പാല് കുടിക്കുന്നത് ശീലമാക്കാം
https://www.facebook.com/Malayalivartha
