തടി കുറച്ചുകിട്ടാൻ ഏതു മാർഗ്ഗം സ്വീകരിക്കാനും ഇന്ന് ആൾക്കാർ തയ്യാറാണ്. മിതമായ വ്യായാമം ഗുണം ചെയ്യും,എന്നാൽ കൃത്രിമമാർഗ്ഗം ഉപയോഗിച്ച് തടി കുറയ്ക്കുന്നതും കടുത്ത ഡയറ്റ് നോക്കുന്നതും അപകടകരമാണ്.
തടി കുറയ്ക്കാന്‍ പ്രകൃതിദത്ത രീതികള്‍ ഒരുപാടുണ്ട്. ഇവയിൽ മിക്കതും നമ്മുടെ അടുക്കളയിൽ തന്നെ ഉള്ളതുമാണ്. പൊതുവെ അടുക്കളയിലെ പച്ചക്കറിക്കൂട്ടങ്ങളില്‍ കാണുന്നവയാണ് വഴുതനങ്ങയും നാരങ്ങയും.
വഴുതനങ്ങ പല തരത്തിലും തടി കുറയ്ക്കാന്‍ സഹായിക്കുന്നുണ്ട്. തടി കുറയുക മാത്രമല്ല, ഇവയുടെ ആരോഗ്യ ഗുണങ്ങളും നിരവധിയായാണ്.
ഇവയില്‍ കൊഴുപ്പു തീരെക്കുറവാണ്. വെള്ളം ധാരാളവും. ഇവ രണ്ടും തടി കുറയ്ക്കാന്‍ സഹായിക്കുന്ന ഘടകങ്ങളുമാണ്. ഇത് രക്തത്തിലെ ഗ്ലൂക്കോസ് തോതു കുറയ്ക്കുന്നു. ഈ വിധത്തിലും തടി കുറയ്ക്കും. കൊളസ്‌ട്രോള്‍ കുറയ്ക്കുന്നതു വഴിയും തടിയൊഴിവാക്കും.
ചെറുനാരങ്ങയിൽ അടങ്ങിയിരിക്കുന്ന ആന്റിഓക്‌സിഡന്റുകള്‍, വൈറ്റമിന്‍ സി എന്നിവ തടികുറക്കാൻ സഹായിക്കുന്നു.
തടി കുറയ്ക്കാന്‍ വഴുതനങ്ങ, ചെറുനാരങ്ങ എങ്ങനെയുപയോഗിയ്ക്കാമെന്നു നോക്കൂ
ഇടത്തരം വലിപ്പത്തില്‍ വഴുതനങ്ങ, ഓര്‍ഗാനിക്കെങ്കില്‍ കൂടുതല്‍ നല്ലത്, അധികം പഴുക്കാത്ത ചെറുനാരങ്ങ, ഒരു ലിറ്റര്‍ വെള്ളം, ഗ്ലാസ് ജാര്‍. വഴുതനങ്ങ നല്ലപോലെ കഴുകി തൊലിയോടു കൂടിയ ചെറിയ കഷ്ണങ്ങളാക്കുക. അര ഇഞ്ചു കട്ടിയുള്ള കഷ്ണങ്ങള്‍ മതി. ഗ്ലാസ് ജാറില്‍ ഇതിട്ട് വെള്ളമൊഴിയ്ക്കുക. ഇതിലേയ്ക്കു നാരങ്ങ പിഴിഞ്ഞൊഴിച്ച് ഇളക്കുക. ഈ വെള്ളം ഫ്രിഡ്ജില്‍ വയ്ക്കാം. ഈ മിശ്രിതം നല്ലപോലെ ചേരുന്നതിനാണ് ഫ്രിഡ്ജില്‍ വയ്ക്കാന്‍ പറയുന്നത്. പിറ്റേന്ന് ഈ വെള്ളം നാലു തവണയായി

കുടിയ്ക്കാം. രാവിലെ പ്രാതലിനൊപ്പം, ഉച്ചഭക്ഷണത്തിനൊപ്പം, വൈകീട്ട്, ഡിന്നറിനൊപ്പം. ഭക്ഷണം കഴിയ്ക്കുന്നതിനു മുന്‍പായി ഇത് കുടിയ്ക്കുന്നതാണ് ഏറെ ഗുണകരം.ഇത് കുറച്ചു ദിവസങ്ങള്‍ അടുപ്പിച്ചു ചെയ്യാം. ശരീരത്തിന്റെ എല്ലാ ഭാഗത്തേയും തടി നല്ലപോലെ കുറയും. ഇത് നല്ലൊരു ഡൈയൂററ്റിക്കാണ്. മൂത്രവിസര്‍ജനം സുഗഗമാക്കും. വെള്ളം കെട്ടിക്കിടന്നുള്ള തടി, അതായത് വാട്ടർ റിട്ടെന്‍ഷന്‍ വെയ്റ്റ് കുറയ്ക്കും. ഇത് കിഡ്‌നി ആരോഗ്യത്തിനും ഗുണകരമാണ്.