ഉപ്പുമാവ്, ഇഡലി, കേസരി, ദോശ എന്നിങ്ങനെ പലഹാരങ്ങളുടെ കൂട്ടത്തില്‍ വലിയ സ്ഥാനമാണ് റവയ്ക്കുളളത്. എങ്കിലും ഒട്ടുമിക്ക ആളുകള്‍ക്കും റവയോഗ് അത്ര താല്‍പര്യമില്ല. റവയുടെ ആരോഗ്യ ഗുണങ്ങളെക്കുറിച്ച് അറിവില്ലാത്തതാണ് ഇതിന് കാരണം. റവയ്ക്ക് ഒരുപാട് ആരോഗ്യഗുണങ്ങള്‍ ഉണ്ട്. പല അസുഖങ്ങള്‍ക്കും ഒരു ഉത്തമ പരിഹാരമാണ് റവ. പ്രമേഹരോഗികള്‍ക്ക് നിത്യേന കഴിക്കാവുന്ന എറ്റവും നല്ല ഭക്ഷണമാണ് റവ. ഇതില്‍ ഗ്ലൈസമിക്ക് ഇന്‍ഡെക്‌സ തീരെ കുറവാണ്. അതിനാല്‍ രക്തത്തിലെ ഗ്ലൂക്കോസിന്റെ തോത് നിയന്ത്രിക്കാന്‍ ഇതിന് സാധിക്കുന്നു.

റവ കഴിച്ചാല്‍ വിശപ്പുകുറയുമെന്നതിനാല്‍ അമിത ഭക്ഷണം ഒഴിവാക്കാനും തടി കുറയ്ക്കാനും കഴിയുമെന്നാണ് വിദഗ്ധര്‍ പറയുന്നത്. ശരീരത്തിന് ആവശ്യമായ ഊര്‍ജം പ്രധാനം ചെയ്യുന്ന കാര്‍ബോഹൈഡ്രേറ്റും പ്രതിരോധശേഷി നല്‍കുന്ന സിങ്കും റവയില്‍ ധാരാളമായി അടങ്ങിയിട്ടുണ്ട്. അതോടൊപ്പം ശരീരത്തിന് ഏറെ ഉത്തമമായ അയേണും ഇതില്‍ അടങ്ങിയിട്ടുണ്ട്. ഫൈബര്‍, വൈറ്റമിന്‍ ബി കോംപ്ലക്‌സ് തുടങ്ങിയ പോഷകങ്ങള്‍ ഉളളതിനാല്‍ ഹൃദയം, കിഡ്‌നി എന്നിവയുടെ സുഗമമായ പ്രവര്‍ത്തനത്തിനും റവ ഉത്തമമാണ്.

റവയില്‍ അടങ്ങിയിരിക്കുന്ന മഗ്നീഷ്യം മസിലുകള്‍, എല്ല്, നാഡി എന്നിവയുടെയെല്ലാം സുഗമമായ പ്രവര്‍ത്തനത്തിന് സഹായിക്കും. അതുപോലെ സാച്വറേറ്റ്ഡ് ഫാറ്റുകള്‍, ട്രാന്‍സ് ഫാറ്റി ആസിഡ് എന്നിവ തീരെയില്ലാത്ത ഒന്നാണ് റവ. അതുകൊണ്ടുതന്നെ കൊളസ്‌ട്രോള്‍ തടയാനും ഇത് ഉപകാരപ്രധമാണെന്നാണ് ആരോഗ്യ വിദഗ്ധര്‍ പറയുന്നത്.