ഗര്‍ഭിണിയുടെയും ഗര്‍ഭസ്ഥ ശിശുവിന്റെയും ആരോഗ്യത്തിന്‌ ചെറുമീനുകള്‍ ഉത്തമം
പൂരിതകൊഴുപ്പിന്റെ അളവു കുറഞ്ഞ കടല്‍ വിഭവമാണു മീന്‍. പ്രോട്ടീന്‍ സമൃദ്ധമായി അടങ്ങിയിരിക്കുന്നു. ഹൃദയാരോഗ്യത്തിനു ഫലപ്രദമായ?ഒമേഗ 3 ഫാറ്റി ആസിഡുകളുടെ സാന്നിധ്യം ഏറെ. വിറ്റാമിനുകള്‍, ധാതുക്കള്‍, പോഷകങ്ങള്‍ എന്നിവയുടെ കലവറ. ഹൃദയാരോഗ്യത്തിനു ഗുണപ്രദമായ വിഭവം. ഗര്‍ഭാവസ്ഥയിലെ ആരോഗ്യസംരക്ഷണത്തിനും മീനെണ്ണ ഗുണപ്രദം. മാസം തികയാതെയുളള പ്രസവം ഒഴിവാക്കുന്നതിനും ഗര്‍ഭാവസ്ഥയിലുണ്ടാകുന്ന ഉയര്‍ന്ന രക്തസമ്മര്‍ദം ഒഴിവാക്കുന്നതിനും ഇതു സഹായകം. ഗര്‍ഭിണിയുടെയും ഗര്‍ഭസ്ഥശിശുവിന്റെയും ആരോഗ്യത്തിന്‌ ഉത്തമം.
ഹൃദയാരോഗ്യത്തിന്‌ ഉത്തമം
* കാര്‍ഡിയോ വാസ്‌കുലാര്‍ സിസ്‌റ്റത്തിനു സംരക്ഷണം നല്‌കുന്ന ഒമേഗ 3 ഫാറ്റി ആസിഡുകള്‍ മീനില്‍ ധാരാളമായി അടങ്ങിയിരിക്കുന്നു. ഇവ ഹൃദയരോഗങ്ങളെ പ്രതിരോധിക്കുന്നു. ശരീരത്തില്‍ അധികമായി അടിഞ്ഞുകൂടുന്ന ട്രൈഗ്‌ളിസറൈഡ്‌സിന്റെ അളവു കുറയ്‌ക്കുന്നു.
* നല്ല കൊളസ്‌ട്രോളായ എച്ച്‌ഡിഎലിന്റെ അളവു കൂട്ടുന്നു. രക്തം കട്ട പിടിക്കുന്നതു തടയുന്നു. ആഴ്‌‌ചയില്‍ രണ്ട്‌തവണയെങ്കിലും മീന്‍ കറിവച്ചു കഴിക്കുന്നതു ഹൃദയരോഗങ്ങളെ പ്രതിരോധിക്കാന്‍ ഫലപ്രദമെന്നു ഗവേഷകര്‍.
രക്തസമ്മര്‍ദം കുറയ്‌ക്കുന്നതിനും മീനെണ്ണ ഫലപ്രദം.
* വ്യായാമവും മീന്‍ കഴിക്കുന്നതും ശീലമാക്കിയാല്‍ അമിതഭാരം നിയന്ത്രിക്കാനാകുമെന്നു ഗവേഷകര്‍. കാന്‍സര്‍ സാധ്യത കുറയ്‌ക്കുന്നു.
*മീനിലടങ്ങിയിരിക്കുന്ന ഒമേഗ 3 ഫാറ്റി ആസിഡ്‌ കുടല്‍, സ്‌തനം, പ്രോസ്റ്റേറ്റ്‌ എന്നിവയിലെ കാന്‍സര്‍ സാധ്യത കുറയ്‌ക്കുമെന്നു ഗവേഷകര്‍. മീനെണ്ണ കാന്‍സറുമായി ബന്ധപ്പെട്ട ഹൈപ്പര്‍ലിപ്പിഡിമിയ (രക്തത്തില്‍ ലിപ്‌ഡ്‌സിന്റെ അളവ്‌ ഉയരുന്ന അവസ്ഥ) കുറയ്‌ക്കുമെന്നും ഗവേഷണങ്ങള്‍ സൂചിപ്പിക്കുന്നു.
തലച്ചോറിന്റെ ആരോഗ്യത്തിന്‌
* മീനിലടങ്ങിയിരിക്കുന്നഒമേഗ 3 ഫാറ്റി ആസിഡുകള്‍ തലച്ചോറിന്റെ വികാസത്തിനു സഹായകം. മനസിന്റെ ഏകാഗ്രത വര്‍ധിപ്പിക്കുന്നതിനു ഗുണപ്രദം. പ്രായമായവരിലുണ്‌ടാകുന്ന ഓര്‍മക്കുറവിനു പ്രതിവിധിയെന്നു ഗവേഷകര്‍. കുഞ്ഞുങ്ങളുടെയും കൊച്ചു കുട്ടികളുടെയും തലച്ചോറിന്റെ വികാസത്തിനു മീനിലടങ്ങിയിരിക്കുന്ന ഒമേഗ 3 ഫാറ്റി ആസിഡുകള്‍ ഫലപ്രദം. കാഴ്‌ചശക്തി വര്‍ധിപ്പിക്കുന്നതിനു മീന്‍ ഗുണപ്രദം. മാകുലാര്‍ ഡീജനറേഷന്‍, ഗ്ലോക്കോമ, കണ്ണിലെ ഈര്‍പ്പം നഷ്ടപ്പെടുന്ന അവസ്ഥ എന്നിവയ്‌ക്കെതിരേ പൊരുതാന്‍ മീന്‍ഫലപ്രദം.
ചര്‍മസംരക്ഷണത്തിനു സഹായകം
* ത്വക്കിന്റെ ആരോഗ്യം സംരക്ഷിക്കുന്നതിനും മീന്‍ ഗുണപ്രദം. പ്രായാധിക്യം മൂലമുണ്ടാകുന്ന ചുളിവുകള്‍ കുറയ്ക്കാന് മീനിലടങ്ങിയിരിക്കുന്ന ഇപിഎ സഹായകം. സൂര്യതാപത്തില്‍ നിന്നു ചര്‍മത്തിനു സംരക്ഷണമേകുന്നു.
https://www.facebook.com/Malayalivartha
