മനുഷ്യ ശരീരത്തിന് ആവശ്യമായ പല ഗുണങ്ങളും പ്രധാനം ചെയ്യാന്‍ ഈന്തപ്പഴത്തിനാകും. വളരെ പോഷക സമ്പുഷ്ടമാണ് ഈന്തപ്പഴം. സ്ത്രീകളും പുരുഷന്‍മാരും മുടങ്ങാതെ കഴിക്കേണ്ട ഒന്നാണ് ഈന്തപ്പഴം. ക്ഷീണം അകറ്റാനും പേശികളുടെ ബലം വര്‍ദ്ധിപ്പിക്കാനും ഈന്തപ്പഴം സഹായിക്കും
ഹൃദയാരോഗ്യത്തിനും കൊളസ്ട്രോള്‍ കുറയ്ക്കുന്നതിനും ഈന്തപ്പഴം വളരെ സഹായിക്കുമെന്നത് പലര്‍ക്കും അറിയില്ല.
ദിവസവും മൂന്ന് ഈന്തപ്പഴം കഴിക്കുന്നതു തടി കൂടാതെ തൂക്കം വര്‍ദ്ധിപ്പിക്കാന്‍ സഹായിക്കും. ക്ഷീണം അകറ്റാനും പേശികളുടെ ആരോഗ്യം വര്‍ദ്ധിപ്പിക്കാനും ഈ ശീലം സഹായിക്കും.
ഗ്ലൂക്കോസ്, സൂക്രോസ്, ഫ്രക്റ്റോസ് എന്നിവയ്ക്കൊപ്പം വിറ്റാമിന്‍ സി, ബി 1, ബി 2, ബി 3, ബി 5, എ 1 തുടങ്ങിയ വിറ്റാമിനുകളും ഈന്തപ്പഴത്തില്‍ അടങ്ങിയിട്ടുണ്ട്. കാല്‍സ്യം, സള്‍ഫര്‍, ഫോസ്ഫറസ്, മാംഗനീസ്, കോപ്പര്‍, മഗ്നീഷ്യം തുടങ്ങിയ പോഷകങ്ങളും ഈന്തപ്പഴത്തിലുണ്ട്.
ഈന്തപ്പഴം തേനില്‍ മുറിച്ചിട്ട് 12 മണിക്കൂര്‍ വെച്ചശേഷം കഴിക്കുന്നതു അമിതവണ്ണം കുറയ്ക്കും. ആമാശയ അര്‍ബുദം തടയുന്നതിനൊപ്പം നാഡികളുടെ ആരോഗ്യത്തിന് ഈന്തപ്പഴം ഉത്തമമാണെന്ന് വിദഗ്ദ്ധര്‍ പറയുന്നു.
വിളര്‍ച്ച തടയുന്നതിനും പല്ലുകളുടെ ആരോഗ്യത്തിനും നിശാന്ധത തടയാനും ഇതുപകരിക്കും. ദിവസവും ഒരു ഈന്തപ്പഴമെങ്കിലും കഴിക്കുന്നവരുടെ കണ്ണുകളുടെ ആരോഗ്യം മികച്ചതായിരിക്കും.
ഈന്തപ്പഴം പുരുഷ ഹോര്‍മോണുകളായ ടെസ്റ്റോസ്റ്റിറോണ്‍ ഉല്‍പാദനത്തിനം വേഗത്തിലാക്കും. കിടപ്പറയില്‍ കരുത്ത് വര്‍ദ്ധിപ്പിക്കാന്‍ സ്ത്രീക്കും പുരുഷനും സഹായമാകുന്ന ഒന്നാണ് ഈന്തപ്പഴം.പുരുഷന്മാരിലെ ലൈംഗിക പ്രശ്നങ്ങൾക്കും സ്പേം കൗണ്ട് കൂടാനും സ്പേം മോട്ടിലിറ്റി കൂടാനും ഈന്തപ്പഴം ഉപയോഗിക്കുന്നു. പ്രസവത്തോട് അടുത്തുവരുന്ന നാല് ആഴ്ച ഈന്തപ്പഴം ഉപയോഗിച്ചാൽ സുഖപ്രസവമാകാൻ സാധ്യതയുണ്ട് എന്നു പഠനങ്ങളിൽ പറയുന്നുണ്ട്
അമിതമായി ഈന്തപ്പഴം ഉപയോഗിക്കുന്നത് ചിലരിൽ ഗ്യാസും പുളിച്ചുതികട്ടലും ഉണ്ടാക്കുന്നതായി കാണുന്നു. പല്ലുകൾക്ക് കേടുവരുത്താൻ സാധ്യതയുള്ള ഭക്ഷണങ്ങളിൽ ഒന്നാണ് ഈന്തപ്പഴം എന്നതുകൊണ്ട് ഈന്തപ്പഴം ഉപയോഗിച്ചശേഷം വായ് വൃത്തിയാക്കാൻ പ്രത്യേകം ശ്രദ്ധിക്കണം. ദഹിക്കാൻ അൽപം താമസം എടുക്കുന്ന ഇവ ചെറിയ കുട്ടികൾക്കും മുഴുവനായി കൊടുക്കുന്നത് അത്ര ഉത്തമമല്ല