കുഞ്ഞുങ്ങൾ ദൈവത്തിൻറെ വരദാനമാണ്. കുഞ്ഞുങ്ങളുടെ ആരോഗ്യരീതിയും അതിൽപ്പെട്ട ഒന്നുതന്നെയാണ്. ബേ​ബി ഫു​ഡു​കൾ ഫാ​ഷ​നാ​യ​പ്പോൾ പണ്ടത്തെ രീതികളൊക്കെ മാറി തുടങ്ങി. അത് കുഞ്ഞുങ്ങളെ ആരോഗ്യപരമായും ബാധിക്കുന്നു. കുഞ്ഞുങ്ങൾക്ക് കട്ടിയാഹാരത്തിലേയ്ക്കുളള ആദ്യ പടിയാണ് കുറുക്ക്. ഇത് കുഞ്ഞിന് ബു​ദ്ധി​യും,ആ​രോ​ഗ്യ​വും നൽകുന്നു. ഒപ്പം ശരീരപുഷ്ടി കു​റ​വു​ള്ള കു​ഞ്ഞു​ങ്ങൾ​ക്ക് പ​തി​വാ​യി നൽ​കാ​വു​ന്ന ആ​ഹാ​ര​മാ​ണ് കു​റു​ക്ക്. ഇതിൽ കാൽ​സ്യം കൂ​ടു​ത​ലു​ള​ള​തി​നാൽ കു​ഞ്ഞു​ങ്ങ​ളു​ടെ എ​ല്ലി​നും പ​ല്ലി​നും വ​ളർ​ച്ച ഉ​റ​പ്പാ​ക്കാൻ കു​റു​ക്കു​കൾ സ​ഹാ​യി​ക്കും. ഓരോ ആഴ്ചയിലും വ്യത്യസ്ത രുചിയും പോഷകഗുണവുമുളള കുറുക്കുകള്‍ മാറി മാറി നല്‍കാം.

റാഗി കുറുക്ക് വളരെ നല്ലതാണ്. റാഗിയില്‍ അന്നജവും പ്രോട്ടീനും ഇരുമ്പും കാല്‍സ്യവും ഉണ്ട്. ഇത് പൊടിച്ച് സൂക്ഷിച്ച് ആവശ്യത്തിന് കുറുക്കി നല്‍കാം. പ​ഞ്ഞ​പ്പു​ല്ല് (​കൂ​വ​ര​ക് )​​,​ ഏ​ത്ത​യ്ക്കാ​പ്പൊ​ടി, കൂ​വ​പ്പൊ​ടി എ​ന്നി​വ​യാ​ണ് കു​റു​ക്കു​ണ്ടാ​ക്കാൻ ഏ​റ്റ​വും ന​ല്ല​ത്. ഏ​ത്ത​യ്ക്കാ​പ്പൊ​ടി​യിൽ നാ​രു​കൾ ധാ​രാ​ളം അ​ട​ങ്ങി​യി​ട്ടു​ള്ളതിനാൽ ഇ​ത് കുഞ്ഞി​ന്റെ ദ​ഹ​നം സു​ഗ​മ​മാ​ക്കും. ചില കു​ഞ്ഞു​ങ്ങൾ​ക്ക് എ​ല്ലാ ആ​ഹാ​ര​വും ദ​ഹി​ക്കാ​റി​ല്ല. എ​ന്നാൽ, കു​റു​ക്കു​കൾ ക​ഴി​ക്കു​ന്ന​ത് ഇ​വർ​ക്കും ന​ല്ല​താ​ണ്. എന്നും ഒരേ തരം കുറുക്ക് മടുപ്പുണ്ടാക്കും. അതിനാൽ ഓരോ ആഴ്ചയിലും വ്യത്യസ്ത രുചിയും പോഷകഗുണവുമുളള കുറുക്കുകള്‍ മാറി മാറി നല്കാവുന്നതാണ്.

കുഞ്ഞിനു ഗുണനിലവാരമുള്ള പ്രോട്ടീൻ ലഭിച്ചാൽ മാത്രമേ ശരീരവളർച്ച വരികയുള്ളു. എപ്പോഴും കുറുക്ക് അര്‍ദ്ധഖരാവസ്ഥയിലായിരിക്കണം. മൃഗങ്ങളിലെ പ്രോട്ടീന്‍ ഒഴിവാക്കാനായി കുറുക്കില്‍ പാല്‍ ചേര്‍ക്കണ്ടതില്ല. ഇത് വിളർച്ചക്ക് കാരണമാകും. കുറുക്കിൽ രുചിക്കായി പഞ്ചസാര ചേര്‍ക്കാം. പഞ്ചസാരയേക്കാള്‍ ഗുണം പനംകൽക്കണ്ടിലും കരിപ്പെട്ടിയുമാണ്. ഇവയില്‍ അയണും ബികോംപ്ളക്സും ധാരാളമുണ്ട്. ഇത് കുഞ്ഞുങ്ങൾക്ക് ആരോഗ്യവും ശരീര പുഷ്ടിയും നൽകുന്നു.