ദിവസവും കുക്കുമ്പർ ജ്യൂസ് കുടിച്ചാൽ ..............
ആരോഗ്യം നമ്മുടെ ശീലങ്ങളിലൂടെയും ഭക്ഷണത്തിലൂടെയുമെല്ലാമാണ് പ്രധാനമായും ലഭിയ്ക്കുന്നത്. പ്രത്യേകിച്ചും ഭക്ഷണം. ആരോഗ്യം നല്‍കുന്ന ഭക്ഷണങ്ങളും ഇല്ലാത്തവയുമെല്ലാമുണ്ട്. ചില ഭക്ഷണങ്ങള്‍ ചില പ്രത്യേക രീതിയില്‍ കഴിയ്ക്കുന്നതു ഗുണം നല്‍കും. അല്ലെങ്കില്‍ ദോഷവും. ചില ഭക്ഷണങ്ങള്‍ കഴിയ്ക്കുന്ന രീതി കൊണ്ടും സമയം കൊണ്ടുമെല്ലാം ദോഷമായി ഭവിയ്ക്കുകയും ചെയ്യും. ആരോഗ്യത്തിന് ഏറെ ഉത്തമമാണ് ജലാംശം അടങ്ങിയിരിയ്ക്കുന്ന ഭക്ഷണങ്ങള്‍.
വിശപ്പും ദാഹവുമെല്ലാം പെട്ടെന്നു തന്നെ മാറാന്‍ ഇത് സഹായിക്കുകയും ചെയ്യും. ഇതിനു പുറമേ ആരോഗ്യ ഗുണങ്ങള്‍ ഏറെ ഒത്തിണങ്ങിയ ഒന്നുമാണിത്. വെള്ളം അടങ്ങിയ ഇത്തരം ഭക്ഷണങ്ങളില്‍ ഒന്നാണ് കുക്കുമ്പര്‍. ധാരാളം ജലാംശം അടങ്ങിയ ഇത് പല തരത്തിലെ ആരോഗ്യ ഗുണങ്ങള്‍ ഒത്തിണങ്ങിയ ഒന്നുമാണ്. കുക്കുമ്പര്‍ പ്രധാനമായും സാലഡിലാണ് നാം ഉപയോഗിയ്ക്കാറ്.
ജ്യൂസ് പൊതുവേ ആരോഗ്യകരമായ ഒരു ഭക്ഷണമാണ്. ശരീരത്തില്‍ പോഷകങ്ങള്‍ എളുപ്പത്തില്‍ ലഭ്യമാക്കാനുളള ഒരു വഴി. സാധാരണ രുചികരമാകും, ജ്യൂസുകള്‍, പ്രത്യേകിച്ചും പഴങ്ങളുടെ ജ്യൂസുകള്‍. കുക്കുമ്പര്‍ ജ്യൂസാക്കി അടിച്ചു കുടിച്ചാല്‍ അത്രയധികം രുചിയൊന്നും ഉണ്ടാകില്ല. എന്നാല്‍ ദിവസവും 1 ഗ്ലാസ് കുക്കുമ്പര്‍ ജ്യൂസ് കുടിയ്ക്കുന്നതു കൊണ്ട് പല തരത്തിലുള്ള ആരോഗ്യ ഗുണങ്ങള്‍ ലഭിയ്ക്കുകയും ചെയ്യും.
ശരീരത്തില്‍ ജലാംശം നില നിര്‍ത്തി ആരോഗ്യം നല്‍കാനുള്ള നല്ലൊരു വഴിയാണ് കുക്കുമ്പര്‍ ജ്യൂസ് കുടിയ്ക്കുന്നത്. ഇതു വഴി പെട്ടെന്നു തന്നെ ജലം ശരീരത്തിലേയ്ക്ക് ആഗിരണം ചെയ്യപ്പെടുന്നു.വേനല്‍ക്കാലത്ത് ശരീരത്തില്‍ ജലാംശം നില നിര്‍ത്താന്‍ കുക്കുമ്പര്‍ ജ്യുസിനു കഴിയും കഴിയും. ഇത് ഹൃദയപ്രവര്‍ത്തനങ്ങള്‍ വേണ്ട രീതിയില്‍ നടക്കാനുൂം ശരീരത്തില്‍ നിന്നും ടോക്‌സിനുകള്‍ പുറന്തള്ളാനും സഹായിക്കും.
ധാരാളം ആന്റിഓക്‌സിഡന്റുകള്‍ അടങ്ങിയ ഒന്നാണ് കുക്കുമ്പര്‍ ജ്യൂസ്.ഇതിലെ ആന്റിഓക്‌സിഡന്റുകള്‍ ശരീരത്തിലെ വിഷാംശം പുറന്തള്ളാനുള്ള ഏറ്റവും മികച്ച വഴിയാണ്. ഇതുവഴി പല അസുഖങ്ങള്‍ക്കുമുള്ള പരിഹാരം കൂടിയാണ്. ധാരാളം ആന്റിഓക്‌സിഡന്റുകള്‍ അടങ്ങിയ ഒന്നാണ് കുക്കുമ്പര്‍ ജ്യൂസ്. ടോക്‌സിനുകള്‍ ലിവര്‍, കിഡ്‌നി ആരോഗ്യത്തിനും നല്ലതാണ്. ശരീരത്തിന് പ്രതിരോധ ശേഷി നല്‍കുകയും ചെയ്യും.
ധാരാളം സിലിക്ക കുക്കുമ്പര്‍ ജ്യൂസില്‍ അടങ്ങിയിട്ടുണ്ട്. ഇത് മസിലുകള്‍ക്ക് കരുത്തു നല്‍കുന്നു. പ്രത്യേകിച്ചും വ്യായാമങ്ങള്‍ക്കു ശേഷം ഇതു കുടിയ്ക്കുന്നത് നല്ലതാണ്.
കുക്കുമ്പര്‍ ജ്യൂസില്‍ വൈറ്റമിന്‍ കെ, സി, എ, പൊട്ടാസ്യം, കാല്‍സ്യം എന്നിവ അടങ്ങിയിട്ടുണ്ട്. ഇവയെല്ലാം ഒരു തരത്തില്‍ അല്ലെങ്കില്‍ മറ്റൊരു തരത്തില്‍ ശരീരത്തെ സംരക്ഷിയ്ക്കുന്നു.
ശരീരത്തിലെ ചീത്ത കൊളസ്‌ട്രോള്‍ കുറയ്ക്കാന്‍ കുക്കുമ്പര്‍ ജ്യൂസ് സഹായിക്കും. ഇത് ബിപി, ഹൃദയപ്രശ്‌നങ്ങള്‍ എന്നിവയില്‍ നിന്നും വിടുതല്‍ നല്‍കും.
ശരീരത്തിലെ യൂറിക് ആസിഡ് തോത് കുറയ്ക്കാന്‍ കുക്കുമ്പര്‍ ഇട്ട വെള്ളത്തിനു സാധിയ്ക്കും. ഇത് ഗൗട്ട് പോലുള്ള രോഗങ്ങള്‍ക്കുള്ള പരിഹാരമാണ്. ക്രിയാറ്റിനിന്‍, യൂറിക് ആസിഡ് പോലുള്ളവ കിഡ്‌നിയില്‍ നിന്നും നീക്കം ചെയ്യാന്‍ സഹായിക്കുന്നതു കൊണ്ട് കിഡ്‌നി ആരോഗ്യത്തിനും ഇത് നല്ലതാണ്.
വായിലെ ചീത്ത ബാക്ടീരിയയാണ് വായനാറ്റത്തിനു കാരണമാകുന്നത്. കുക്കുമ്പറിലെ ഫൈറ്റോകെമിക്കലുകള്‍ ഈ ദുര്‍ഗന്ധം ഒഴിവാക്കാന്‍ സഹായിക്കും. ഇതിലെ സിലിക്കോണ്‍, സള്‍ഫര്‍ എന്നിവ മുടി വളര്‍ച്ചയ്ക്കു സഹായിക്കും.
https://www.facebook.com/Malayalivartha
