യോഗയിലൂടെ വെരിക്കോസ് വെയിന് നിയന്ത്രിക്കാം
ചര്മ്മത്തിന് തൊട്ടുതാഴെയുള്ള സിരകള് തടിച്ച് പിണഞ്ഞുകിടക്കുന്ന അവസ്ഥയാണ് വെരിക്കോസ് വെയിന് അഥവാ സിരാവീക്കം. കാലുകളിലാണ് വെരിക്കോസ് വെയിന് കൂടുതലായി കാണപ്പെടുന്നത്. നില്ക്കുമ്പോള് ശരീരഭാരം മുഴുവന് കാലുകളിലാകുന്നതിനിലാണ് ഈ സിരകള് പെട്ടെന്ന് രോഗബാധിതമാകുന്നത്.. പല ശാരീരിക പ്രശ്നങ്ങള്ക്ക് ഇടയാക്കുന്ന രോഗാവസ്ഥയാണ് വെരിക്കോസ് വെയിന്. മരുന്നിലൂടെ മാത്രമല്ല യോഗയിലൂടെയും വെരിക്കോസ് വെയിന് നിയന്ത്രിക്കാം.
വീരഭദ്രാസനം ചെയ്യുന്നതുമൂലം വെരിക്കോസ് വെയിനിനെ നിയന്ത്രിക്കാനാകും. ബാലന്സും ശാന്തതയും ഊര്ജവും തരുന്ന ആസനമാണ്.
ഇതു ചെയ്യുന്നതെങ്ങനെയെന്നു നോക്കാം
ആദ്യം നിവര്ന്നുനില്ക്കുക, കാലുകള് അകത്തുക. നാല് നാലര അടി അകലം കൈകള് ഭൂമിക്കു സമാന്തരമായി ചുമലുകള്ക്കു നേരെ വലിച്ചുപിടിക്കുക. വലതുകാല്പ്പത്തി വലത്തോട്ട് തിരിയുക. കൈകള് മുന്നില് ഭൂമിക്കു സമാന്തരമായി നെഞ്ചിനു നേരെ കൂപ്പിയ നിലയില് മുന്നോട്ടു (വലതു ഭാഗത്ത്) കുനിയുക. ഇടതുകാല് പിന്നില് ഉയര്ത്തുക. രണ്ടു കാലുകളും മുട്ടു മടങ്ങാതെയിരിക്കും. ഇപ്പോള് ഇടതുകാലും ശരീരവും കൈകള് ഒരേ നേര്രേഖയില് ഭൂമിക്കു സമാന്തരമായിരിക്കും. ദൃഷ്ടി മുന്നോട്ട് മൊത്തം ഒരു ആകൃതി. തിരിച്ചുവന്ന് ഇടത്തോട്ട് ആവര്ത്തിക്കുക.
ഇതു ചെയ്യുന്നതിലൂടെ കാലിലെ പേശികള്ക്ക് ആകൃതി ലഭിക്കും. വയറിലെ പേശികള് സുന്ദരമാവും. വെരിക്കോസ് വെയിന് പ്രശ്നങ്ങള് നിയന്ത്രിക്കാനും അരയുടേയും കാലിന്റേയും അമിതവണ്ണം കുറയ്ക്കാനും ഈ ആസനത്തിലൂടെ സാധിക്കും. അരയും നിതംബവും ഒതുക്കമുള്ളതാവാനും ഈ ആസനത്തിലൂടെ സാധിക്കും
തുടയിലെ ദുര്മേദസ് കുറഞ്ഞുകിട്ടുന്നു. പുറത്തെയും കഴുത്തിലെയും കൈകളിലെയും പേശികള് ദൃഢമാക്കാനും ഈ യോഗാഭ്യാസത്തിന് സാധിക്കും.
"
https://www.facebook.com/Malayalivartha