നമ്മുടെ ആരോഗ്യം കുറേയെല്ലാം നാം കഴിക്കുന്ന ഭക്ഷണത്തേയും നമ്മുടെ ജീവിതശൈലികളേയും ആശ്രയിച്ചാണിരിക്കുന്നത്. പല അസുഖങ്ങളേയും മാറ്റി നിര്‍ത്താന്‍ ഭക്ഷണക്രമീകരണം കൊണ്ടു സാധിക്കുകയും ചെയ്യും. ആരോഗ്യഗുണം നല്‍കുന്ന ഭക്ഷണക്കൂട്ടുകള്‍ പലതുമുണ്ട്. സ്വാദിനേക്കാള്‍ കൂടുതല്‍ ആരോഗ്യഗുണങ്ങള്‍ നല്‍കുന്ന പലതും. ഇത്തരം ഭക്ഷണങ്ങള്‍ കഴിക്കുന്നത് ആരോഗ്യത്തിന് പല ഗുണങ്ങളും നല് കുക മാത്രമല്ല, പല അസുഖങ്ങളേയും തടഞ്ഞു നിര്‍ത്തുകയും ചെയ്യും. അതിലൊന്നാണ് എള്ള്.

നിരവധി ആരോഗ്യ ഗുണങ്ങളാല്‍ സമ്പന്നാണ് എള്ള്. രക്തത്തിലെ പഞ്ചസാരയുടെ അളവ് നിയന്ത്രിക്കാന് കഴിവുള്ളതിനാല് പ്രമേഹമുള്ളവര്‍ എള്ള് ഭക്ഷണത്തില്‍ ഉള്‍പ്പെടുത്തുക. എള്ളില്‍ ധാരാളം കാത്സ്യം അടങ്ങിയിട്ടുണ്ട്. കൊളസ്‌ട്രോള്‍ നില കുറയ്ക്കാനും സഹായിക്കും.
കൂടാതെ പ്രോട്ടീനിന്റെയും ഇരുമ്പിന്റെയും അപര്യാപ്തയും വിളര്ച്ചയും പരിഹരിക്കാനും എള്ള് വളരെ ഉത്തമമാണ്. ധാരാളം അമിനോ അമ്ലങ്ങളും എള്ളിലുണ്ട്. വാതരോഗങ്ങള്‍ക്ക് ശമനം നല്കും. ചര്‍മ്മത്തിന് തിളക്കവും യൗവനവും നല്കാനും എള്ളിന് കഴിവുണ്ട്.
ബുദ്ധിവികാസത്തിന് സഹായിക്കുന്നതിനാല് കുട്ടികളുടെ ഭക്ഷണത്തില് എള്ള് ഉള്‍പ്പെടുത്തുക. ശരീരത്തിന് ബലവും പുഷ്ടിയും നല്കുന്ന എള്ള് മുടിക്ക് മിനുസവും ലഭ്യമാക്കും. കഫദോഷങ്ങള്‍ ഇല്ലാതാക്കാനും ഉത്തമാണിത്.
എള്ള് -തേന്‍ മിശ്രിതം ഇരട്ടി ഗുണം നല്കും. ഈ മിശ്രിതത്തില്‍ നിന്ന് വൈറ്റമിന് എ, വൈറ്റമിന് ബി കോംപ്ലക്‌സ്, വൈറ്റമിന് ഇ, ഒമേഗ ത്രീ ഫാററി ആസിഡുകള്, ഒമേഗ 6 ഫാറ്റി ആസിഡ് എന്നിങ്ങനെ ധാരാളം ഘടകങ്ങള് ലഭിക്കുന്നു. എള്ള് തേന് മിശ്രിതം ഹൃദയാരോഗ്യം മെച്ചപ്പെടുത്തുകയും ചെയ്യും.

എള്ളില്‍ ധാരാളം കാത്സ്യം അടങ്ങിയിട്ടുണ്ട്. പ്രമേഹമുളളവര്‍ക്ക് മറ്റ് എണ്ണകളെ അപേക്ഷിച്ച് അധികം ഭയമില്ലാതെ ഉപയോഗിക്കാന്‍ പറ്റിയ ഒന്നാണ് എള്ളെണ്ണ. ഞരമ്പുകളെ പുഷ്ടിപ്പെടുത്തും. നിത്യേന എള്ള് കഴിച്ചാല്‍ സ്വരമാധുരി ഉണ്ടാകും. ചര്‍മ്മകാന്തി വര്‍ദ്ധിപ്പിക്കും. മുടിക്ക് മിനുസവും കറുപ്പുമുണ്ടാകും.എള്ളില്‍ പലതരം അമിനോ അമ്ലങ്ങള്‍ അടങ്ങിയിട്ടുണ്ട്. ഏകദേശം ഇരുപതോളം അമിനോ അമ്ലങ്ങള്‍ ചേര്‍ന്നതാണ് മനുഷ്യശരീരത്തിലെ മാംസ്യം. ഓരോ ആഹാര പദാര്‍ത്ഥത്തിലുമുളള മാംസ്യത്തിന്റെ ഘടന അതിലുളള അമ്ലങ്ങളുടെ അനുപാതത്തെ ആശ്രയിച്ചാണിരിക്കുന്നത്. ഈ വസ്തുതയാണ് ഓരോ ആഹാരസാധനങ്ങളിലുമുളള പോഷകമൂല്യം നിശ്ചയിക്കുന്നത്. വായുടെയും തൊണ്ടയുടേയും രോഗങ്ങള്‍ക്ക് എള്ള് പ്രതിവിധിയാണ്. വാതം, പിത്തം, കഫം എന്നിവ ശമിപ്പിക്കും.