പേരയ്ക്കയെയും മറികടക്കും പേരയില
പേരയിലെ സമ്പുഷ്ടമായ ഗുണങ്ങള് പേരയ്ക്കയെയും മറികടക്കുന്ന ഒന്നാണ്. ആന്റി ഓക്സിഡന്റുകളുടെ കലവറയായ പേരയില ഒട്ടേറെ അസുഖങ്ങള്ക്കും ഫലപ്രദമായ പ്രതിവിധിയാണ്. അസഹ്യമായ വയറുവേദനക്ക് അതിവേഗം ശമനം കാണാന് പേരയില ചേര്ത്ത വെള്ളം കുടിച്ചാല് മതിയാകും.പേരയുടെ തളിരില നുള്ളിയെടുത്ത് വൃത്തിയാക്കി, ചൂടു ചായയിലോ തിളപ്പിച്ച വെള്ളത്തിലോ ഇട്ട് കഴിച്ചാല് നല്ല ഒരു ലിവര് ടോണിക്കിന്റെ ഫലം ചെയ്യും. കരളില്നിന്ന് മാലിന്യങ്ങള് പുറന്തള്ളാന് സഹായിക്കുന്ന പേരയില ടീ ഇത്തരത്തില് തുടര്ച്ചയായി മൂന്നുമാസം കഴിച്ചാലേ ഗുണം ലഭിക്കൂവെന്ന് അനുഭവസ്ഥര് പറയുന്നു.
ഒരു കപ്പ് തിളക്കുന്ന വെള്ളത്തില് പേരയിലയും വേരും ചേര്ത്ത് കുടിച്ചാല് വയറിളക്കം മൂലമുള്ള ബുദ്ധിമുട്ടുകള് പമ്പകടക്കും. പേരയില ചേര്ത്ത ചായ കുടിച്ചാല് ചീത്ത കൊളസ്ട്രോളിന്റെ അളവ് കുറക്കാനാകും. കൂടാതെ ഇവ നല്ല കൊളസ്ട്രോളിനെ ബാധിക്കുകയുമില്ല. പ്രമേഹം നിയന്ത്രണവിധേയമാക്കുന്നതിനും ഉത്തമ പ്രതിവിധിയാണ് പേരയില. ഭക്ഷണശേഷമുള്ള രക്തത്തിലെ പഞ്ചസാരയുടെ അളവ് നിയന്ത്രിക്കാനുള്ള കഴിവ് പേരയിലയിലടങ്ങിയിരിക്കുന്ന ഘടകങ്ങള്ക്കുണ്ട്.
അമിതവണ്ണംകൊണ്ട് അസ്വസ്ഥത അനുഭവപ്പെടുന്നവര്ക്കും പേരിയില വെള്ളം കഴിക്കുന്നത് നല്ലതാണ്. കാര്ബോഹൈഡ്രേറ്റ് ഷുഗറായി മാറ്റുന്ന പ്രവര്ത്തനത്തെ തടയുമെന്നതിനാല് ശരീരഭാരം കുറക്കാന് പേരയിലക്ക് കഴിവുണ്ട്. പല്ലുവേദന, വായിലെ അള്സര്, മോണയിലെ പഴുപ്പ് എന്നിവ അകറ്റുന്നതിന് പേരയിലയിലെ ആന്റിബാക്ടീരിയല് ഘടകങ്ങള് ഏറെ ഗുണം ചെയ്യും. ദഹനത്തിന് സഹായിക്കുന്ന എന്സൈമുകള് വര്ധിപ്പിക്കുന്നത് വഴി മികച്ച ദഹനം സാധ്യമാക്കാന് പേരയില ഫലപ്രദമാണ്. ശരീരത്തിലെ പ്രതിരോധ ശേഷി വര്ധിപ്പിക്കുന്നതിനും നല്ല ഉറക്കം ലഭിക്കുന്നതിനും പേരയിലയിട്ട വെള്ളമോ ചായയോ കഴിക്കുന്നത് പതിവാക്കിയാല് മതി.
https://www.facebook.com/Malayalivartha