ആപ്പിളിനേക്കാള് ഗുണഫലമേറെ വാഴപ്പഴത്തിന്
വാഴപ്പഴത്തേക്കാള് വിലക്കൂടുതല് ആപ്പിളിനാണ്. എന്നാല് ഗുണമോ ആപ്പിളിനേക്കാള് ഏറെ വാഴപ്പഴത്തിനുമാണ്. ആപ്പിളിലുള്ളതിനേക്കാള് കൂടുതല് ജീവകങ്ങളും പോഷകങ്ങളും വാഴപ്പഴത്തിലാണുള്ളത് ! ആപ്പിളിലുള്ളതിന്റെ രണ്ടിരട്ടി കാര്ബോഹൈഡ്രേറ്റ് , അഞ്ചിരട്ടി ജീവകം എ, ഇരുമ്പു സത്ത് മൂന്നിരട്ടി ഫോസ്ഫറസ് എന്നിവയാണ് വാഴപ്പഴത്തെ പവന് മാറ്റുള്ളതാക്കുന്നത്. ഇരുമ്പ് ഹീമോഗ്ലോബിന്റെ അളവ് ഉയര്ത്തും. ശരീരത്തിലെ ജലാംശം നിലനിറുത്തുന്നതിലൂടെ മാനസിക സംഘര്ഷം നിയന്ത്രിക്കും.
പൊട്ടാസ്യത്തിന്റെയും പ്രകൃതിദത്ത പഞ്ചസാരയുടെയും കലവറയാണ് വാഴപ്പഴം. കുടലിലെ വ്രണങ്ങളും അസിഡിറ്റിയും കുറയ്ക്കും. നാരുകള് ദഹനപ്രക്രിയ സുഗമമാക്കും. ഇതിലുള്ള ട്രിപ്റ്റോഫാന് എന്ന പ്രൊട്ടീന് ദഹനത്തിലൂടെ സെറോടോണിനായി മാറുന്നു. ഇത് മാനസിക പിരിമുറുക്കവും നിരാശയും അകറ്റും. വാഴപ്പഴത്തില് അടങ്ങിയിരിക്കുന്ന 75% ജലം ചര്മ്മത്തെ ഈര്പ്പമുള്ളതാക്കും. പോഷകങ്ങള് ചര്മ്മത്തിലെ ചുളിവുകള് തടയും, യുവത്വം കാത്തുസൂക്ഷിക്കും.
പ്രഭാതഭക്ഷണത്തില് ഉള്പ്പെടുത്തുന്നത് തലച്ചോറിന്റെ പ്രവര്ത്തനം മെച്ചപ്പെടുത്തും. ഓര്മ്മശക്തി വര്ദ്ധിപ്പിക്കാനും കഴിവുണ്ട്.
"
https://www.facebook.com/Malayalivartha