മഞ്ഞുകാലത്തെ ആരോഗ്യപ്രശ്നങ്ങള്ക്ക് പരിഹാരം
മഞ്ഞുകാലമെത്തിയതോടെ പല ആരോഗ്യപ്രശ്നങ്ങളും മനുഷ്യനെ അലട്ടാന് തുടങ്ങി. അതിലൊന്നാണ്
കഫക്കെട്ടും ചുമയും തൊണ്ടവേദനയും. ഇത് അനുഭവിക്കാത്തവരായി ആരും തന്നെ ഉണ്ടാകില്ല. മഞ്ഞുതുടങ്ങിയതോടെ ചുമയും കഫക്കെട്ടും കലശലായിരിക്കുകയാണ്. ഇവക്ക് രണ്ടിനും ഫലപ്രദമായ ചില പൊടിക്കൈകളുണ്ട്. അവ എന്താണെന്ന് നോക്കാം.
തൊണ്ടവേദനക്ക് തേന് ഫലപ്രദമാണെന്ന് എല്ലാവര്ക്കുമറിയാം. ചുമക്കും ഇത് ഗുണകരമാണെന്ന് കണ്ടെത്തിയിട്ടുണ്ട്. അല്പ്പം നാരങ്ങ നീര് ചേര്ത്ത ചെറു ചൂടുവെള്ളത്തില് രണ്ട് ടീസ്പൂണ് തേന് ചേര്ത്ത് കഴിക്കാം. അല്ലെങ്കില് ഒരു സ്പൂണ് നിറയെ തേന് മാത്രമെടുത്ത് കഴിക്കുകയുമാകാം. കൂടാതെ ചുവന്നുള്ളി സമം ചെറുതേനില് ചേര്ത്ത് കഴിച്ചാല് കഫത്തിന്റെ ശല്യം ഒഴിവാകുക മാത്രമല്ല ചുമയ്ക്ക് നല്ല ശമനവും കിട്ടും.
പൈനാപ്പിള് ചുമക്ക് നല്ല പരിഹാരമാണ്. പൈനാപ്പിളിന്റെ എസന്സ് ആയ ബ്രൊമലെയ്നാണ് ചുമയെ തുരത്താന് സഹായിക്കുന്നത്. പൈനാപ്പിള് കഷണങ്ങളായി കഴിക്കുകയോ 3.5 ഔണ്സ് ഫ്രഷ് പൈനാപ്പിള് ജ്യൂസ് കുടിക്കുകയോ ആകാം.
വീട്ടില് ഏറ്റവും എളുപ്പത്തില് ലഭിക്കുന്നതും ചുമക്കും കഫക്കെട്ടിനും പരിഹാരം നല്കുന്നതുമായ ഒന്നായ പുതിയിന ഇല. പുതിയിനയിലടങ്ങിയ മെന്തോളാണ് കഫക്കെട്ടിന് പരിഹാരം നല്കുന്നത്
പുതിയിന ചായ കുടിക്കുകയോ ആവി പിടിക്കുകയോ ചെയ്യാം. ആവിപിടിക്കുന്നതിനായി പെപ്പര്മിന്റ് ഓയിന്റെ രണ്ടോ മൂന്നോ തുള്ളി ചൂടുവെള്ളത്തിലേക്ക് ഇറ്റിക്കുക. തലവഴി തുണിയിട്ട് മൂടി ഈ വെള്ളത്തിന്റെ ആവി കൊള്ളുന്ന വിധം ശ്വാസമെടുക്കുക
ഏറ്റവും എളുപ്പമുള്ള വിദ്യയാണ് ഉപ്പു വെള്ളം കവിളില് കൊള്ളുക എന്നത്. എട്ട് ഔണ്സ് ചൂടുവെള്ളത്തില് അരടീസ്പൂണ് ഉപ്പു ചേര്ക്കുക. ഈ വെള്ളം കവിള്ക്കൊള്ളുന്നത് ചുമക്കും കഫക്കെട്ടിനും തൊണ്ടവേദനക്കും ആശ്വാസം നല്കും.
"
https://www.facebook.com/Malayalivartha
