ഭക്ഷണത്തിന് രുചി നല്‍കുന്നതു മാത്രമല്ല ഇഞ്ചി മരുന്നിന്റെ ഫലവും ചെയ്യുന്നുണ്ട്. ആരോഗ്യം സംരക്ഷിക്കുന്നതിന് ഇഞ്ചിയുടെ പങ്ക് വളരെ നിസ്തുലമാണ്. ഭക്ഷണത്തില്‍ ചേര്‍ത്ത് കഴിക്കുന്നതിനു പുറമെ ആരോഗ്യ സംരക്ഷണത്തിനായി ഇഞ്ചി വെള്ളമുണ്ടാക്കി കുടിക്കുകയുമാകാം. കുറച്ച് ഇഞ്ചി കഴുകി വൃത്തിയാക്കി അരിഞ്ഞ് വെള്ളത്തിലിട്ട് തിളപ്പിക്കാം. ഇത് തണുപ്പിച്ച ശേഷം അരിച്ചെടുത്ത് കുടിക്കുക.

ഇഞ്ചിവെള്ളത്തിന്റെ ഗുണങ്ങള്‍ എന്തെല്ലാമെന്നു നോക്കാം

ഇഞ്ചിക്ക് ചീത്ത കൊഴുപ്പിനെ കുറക്കാനുള്ള ശേഷിയുണ്ടെന്ന് പഠനങ്ങള്‍ തെളിയിച്ചിട്ടുണ്ട്. ഇതുവഴി ഹൃദയാരോഗ്യം സംരക്ഷിക്കാനും സാധിക്കും. ചില ഭക്ഷണം കഴിച്ചാല്‍ ദഹനം കിട്ടാതെ വയറ് അസ്വസ്ഥമായിരിക്കും. ആ സമയം അല്‍പ്പം ഇഞ്ചിവെള്ളം കുടിച്ചാല്‍ ആശ്വാസം ലഭിക്കും. ഓക്കാനം, ഛര്‍ദ്ദി തുടങ്ങിയ പ്രശ്‌നങ്ങള്‍ക്കും ഇഞ്ചിവെള്ളം നല്ലതാണ്.
പലരും ആവശ്യത്തിന് വെള്ളം കുടിക്കാതെ ആരോഗ്യ പ്രശ്‌നങ്ങള്‍ ഉണ്ടാക്കുന്നു. ഇഞ്ചിവെള്ളം കുടിക്കുമ്പോള്‍ ലഭിക്കുന്ന അധിക ജലം വഴി നിര്‍ജലീകരണം തടയാം.
ഇഞ്ചിയുടെ ആന്റി ഓക്‌സിഡന്റ് സ്വഭാവം ഹൃദ്രോഗം, അല്‍ഷിമേഴ്‌സ്, കാന്‍സര്‍ തുടങ്ങിയ രോഗങ്ങളെ ചെറുക്കുന്നു.
ഇഞ്ചി രക്തത്തിലെ പഞ്ചസാരയുടെ അളവ് നിയന്ത്രിക്കും. ഇതുവഴി പ്രമേഹത്തെ തടയാനും സാധിക്കും
ആരോഗ്യകാരമായ ഭക്ഷണവും വ്യായാമവും പതിവ് ചര്യയാക്കുന്നത് അമിത ഭാരത്തെ നിയന്ത്രിക്കും. അതിനോടൊപ്പം ഇഞ്ചിവെള്ളം കുടിക്കുക കൂടി ചെയ്താല്‍ ഭാരം കുറയുന്നത് കുറേക്കൂടി വേഗത്തിലാകും