ചര്‍മത്തിന്റെ വരള്‍ച്ചയാണ് പാദങ്ങള്‍ വിണ്ടുകീറുന്നതിന്റെ പ്രധാന കാരണം . ഇതിനോടനുബന്ധിച്ചു ചര്‍മത്തിന്റെ കട്ടി വര്‍ധിക്കുകയും ചെയ്യുന്നു. കാല്‍വെള്ളയുടെ നിറം മഞ്ഞകലര്‍ന്നതോ ബ്രൗണ്‍ നിറമായോ മാറുന്നു. പാദങ്ങള്‍ ഭാരം താങ്ങുന്‌പോള്‍ കാല്‍വെള്ളയിലെ കട്ടികൂടിയ ചര്‍മം വശങ്ങളിലേക്ക് വികസിക്കുകയും വിണ്ടുകീറുകയും ചെയ്യുന്നു. ആരംഭത്തില്‍ ആഴം കുറഞ്ഞവയാണെങ്കില്‍ പിന്നീടതിന്റെ ആഴം വര്‍ധിക്കുകയും വേദനയ്ക്കു കാരണമായിത്തീരുകയും ചെയ്യുന്നു. ചിലപ്പോള്‍ വിണ്ടുകീറിയ പാദത്തില്‍നിന്നു രക്തം പൊടിയുകയും ചെയ്യാറുണ്ട്. വിണ്ടുകീറലില്‍ അണുബാധ ഉണ്ടാവുകയും അതില്‍ പഴുപ്പ് നിറയുകയും ചെയ്യും.

വരണ്ട ചര്‍മത്തിന്റെ പുറമേ താഴെപറയുന്ന ഘടകങ്ങളും പാദം വിണ്ടുകീറുന്നതിനു കാരണമാകാറുണ്ട്

അമിതഭാരം , തുടര്‍ച്ചയായി നിന്നുകൊണ്ടു ജോലിചെയ്യുക , നഗ്‌നപാദരായി നടക്കല്‍, പാദം മുഴുവനായി പൊതിയാത്ത പാദരക്ഷകള്‍ ഉപയോഗിക്കുന്നതുമൂലം ചില പ്രത്യേക ചര്‍മ്മരോഗങ്ങളുള്ളവരില്‍ പാദം വിണ്ടുകീറല്‍ സാധാരണമാണ്. അവ താഴെപറയുന്നവയാണ് എട്ടോപ്പിക് ഡെര്‍മറ്റൈറ്റിസ് ജുവനൈല്‍ പ്ലാന്റാര്‍ ഡെര്‍മറ്റോസസ് *സോറിയാസിസ് ,പ്ലാന്റാര്‍ കെരാറ്റോഡെര്‍മ , പ്രമേഹം , ഹൈപോതൈറോയിഡിസം.

പാദങ്ങള്‍ക്ക് ആവശ്യമായ വിശ്രമം നല്‍കണം. അണുബാധയുണ്ടെങ്കില്‍ ആന്റീബയോട്ടിക്കുകള്‍ ഉപയോഗിക്കണം. പാദം വിണ്ടുകീറലിന് ധാരാളം മരുന്നുകള്‍ വിപണിയില്‍ ലഭ്യമാണ്. യൂറിയ, ലാക്ടിക് ആസിഡ്, സാലിബിലിക് ആസിഡ് എന്നിവ ഇവയില്‍ ചിലതാണ്. ഇവ പലവീര്യങ്ങളില്‍ ലഭ്യമാണ്. പാദചര്‍മത്തിന്റെ കട്ടിയനുസരിച്ച് ഉപോഗിക്കേണ്ട ലേപനത്തിന്റെ വീര്യം വ്യത്യാസപ്പെട്ടിരിക്കും. ഉപ്പുചേര്‍ത്ത തണുത്തവെള്ളത്തില്‍ കാലുകള്‍ മുക്കിവയ്ക്കുന്നതു നല്ലതാണ്. എങ്ങനെ പ്രതിരോധിക്കാം

വരണ്ട ചര്‍മ്മമുള്ളവര്‍ എന്നും രാത്രി തണുത്ത വെള്ളത്തില്‍ കാലുകള്‍ മുക്കിവയ്ക്കണം. അതിനു ശേഷം എണ്ണമയം പ്രധാനംചെയ്യുന്ന ലേപനങ്ങള്‍ പുരട്ടണം. ചൂടുവെള്ളത്തിലുള്ള കുളി ഒഴിവാക്കണം എല്ലാദിവസവും രാത്രി കാലുകളില്‍ വ്രണങ്ങളോ, അണുബാധയോ ഉണ്ടാവുന്നുണ്ടോ എന്നു പരിശോധിക്കണം. ശരീരഭാരം നിയന്ത്രിക്കണം *ഹൈപോ തൈറോയിഡിസം, പ്രമേഹം എന്നിവയ്ക്ക് ചികിത്സ സ്വീകരിക്കുക.