കൊളസട്രോളിനെ തടഞ്ഞ് ഹൃദയാരോഗ്യം സംരക്ഷിക്കാന്‍...
ഹൃദയധമനികള്‍ക്കുണ്ടാകുന്ന രോഗങ്ങള്‍, പ്രമേഹം, രക്തസമ്മര്‍ദ്ദം എന്നിവ പ്രതിരോധിക്കാന്‍ സവിശേഷമായ കഴിവുള്ള ഫലമാണ് പിയര്‍. ഒരു ചെറിയ പിയര്‍ പഴം നമുക്ക് ഒരു ദിവസത്തേക്ക് ആവശ്യമായ നാരുകളുടെ 24 ശതമാനം പ്രദാനം ചെയ്യുന്നുണ്ട്. കലോറി കുറഞ്ഞ പിയര്‍ നാരുകള്‍, വിറ്റാമിന്‍ സി, കെ. കോപ്പര്‍ എന്നിവയാല്‍ സമ്പുഷ്ടമാണ്. ആന്റി ഓക്‌സിഡന്റുകളുടെയും ഫ്‌ളവനോയ്ഡുകളുടെയും സാന്നിധ്യം ഒരുപാടുണ്ട്. ഫ്രീറാഡിക്കലുകള്‍ക്കെതിരെ പോരാടുന്നു പിയര്‍.വൈറ്റമിന്‍ സി ധാരാളമുള്ളതിനാല്‍ ദഹനപ്രക്രിയ മെച്ചപ്പെടുത്തും.
രോഗപ്രതിരോധശേഷി വര്‍ദ്ധിപ്പിക്കുന്നതിനാല്‍ കുട്ടികളുടെ ആഹാരത്തില്‍ ഉള്‍പ്പെടുത്തുക. കോശങ്ങളുടെ നാശം തടയാനും പിയര്‍ മികച്ചതാണ്. ചര്‍മ്മത്തിന്റെ സൗന്ദര്യവും ആരോഗ്യവും വര്‍ദ്ധിപ്പിക്കാന്‍ പിയര്‍ സഹായിക്കും. മദ്ധ്യവയസില്‍ രോഗപ്രതിരോധശേഷി കുറയുന്ന അവസ്ഥ പരിഹരിക്കാന്‍ അത്യുത്തമമാണ് പിയര്‍ പഴം. ശരീരഭാരം കുറയ്ക്കാന്‍ ആഗ്രഹിക്കുന്നവര്‍ ഭക്ഷണത്തില്‍ പിയര്‍ ഉള്‍പ്പെടുത്തുന്നത് ഗുണം നല്‍കും. കൊളസ്‌ട്രോളിനെ തടഞ്ഞും പിയര്‍ ഹൃദയാരോഗ്യം സംരക്ഷിക്കുന്നുണ്ട്.
https://www.facebook.com/Malayalivartha
