അമിതവണ്ണം കുറയ്ക്കാന് ആഗ്രഹിക്കുന്നവര്ക്ക് അധികം പണിയെടുക്കാതെ തങ്ങളുടെ പ്രശ്നം പരിഹരിക്കാം; പഠനങ്ങളിൽ തെളിയുന്നത് ഞെട്ടിക്കുന്ന വിവരങ്ങൾ
ഈ തടി കുറയ്ക്കാൻ നൂറ് വഴികൾ പരീക്ഷിച്ചു. എന്നിട്ടും പ്രയോജനമില്ല എന്നു പറയുന്നവരാണ് പലരും. കേള്ക്കുമ്പോള് നിസ്സാരമെന്ന് തോന്നുമെങ്കിലും അമിതവണ്ണം ഭാവിയില് വലിയൊരു പ്രശ്നമായി മാറാറുണ്ട്. ശരീരവണ്ണം വർദ്ധിച്ച് രോഗാവസ്ഥയിലെത്തുന്ന സാഹചര്യമാണ് അമിതവണ്ണം. ശരീരത്തിന് മിതമായ തോതിൽ വേണ്ട കൊഴുപ്പ് അമിതമാകുമ്പോളാണ് അമിതവണ്ണം ഉണ്ടാകുന്നത്. അമിതവണ്ണമുള്ളവരിൽ കാൻസർ, പ്രമേഹം, സന്ധിവാതം, ഹൃദ്രോഗം, കരൾരോഗം എന്നീ രോഗങ്ങൾ പിടിപെടാനുള്ള സാഹചര്യം കൂടുതലാണ്. ലോഗാരോഗ്യസംഘടനയുടെ കണക്കുകൾ പ്രകാരം ലോകത്ത് അമിതവണ്ണമുള്ളവരുടെ എണ്ണം ദിനംപ്രതി വർദ്ധിച്ചു വരുന്നു.
ജീവിതശൈലിയുണ്ടാകുന്ന മാറ്റമാണ് അമിതവണ്ണത്തിനു പ്രധാന കാരണം. അമിതവണ്ണം മൂലം ശരീരഭാരം വർദ്ധിച്ച് എല്ലുകൾക്ക് തേയ്മാനം സംഭവിച്ച് സന്ധിവാതമുണ്ടാക്കുന്നു. ഇവരിൽ ഹൃദയം കൂടുതലായി പ്രവർത്തിക്കേണ്ടി വരുന്നു. ഹ്രദയാദ്ധ്വാനം കൂടുമ്പോൾ ഹൃദയത്തിനു ക്ഷീണവും രോഗവും ഉണ്ടാകാനുള്ള സാധ്യത കൂടുതലാണ്. ഇതുമൂലം ഹൃദയാഘാതം, രക്തസമ്മർദ്ധം എന്നിവ ഉണ്ടാകുന്നു.
എന്നാൽ അമിതവണ്ണം കുറയ്ക്കാന് ആഗ്രഹിക്കുന്നവര്ക്ക് അധികം പണിയെടുക്കാതെ തങ്ങളുടെ പ്രശ്നം പരിഹരിക്കാമെന്നാണ് പുതിയ പഠനങ്ങൾ തെളിയിക്കുന്നത്. പ്രത്യേകിച്ച് കഠിനാദ്ധ്വാനം ഒന്നും ചെയ്യേണ്ട. വെറുതേ നിന്നാല് മാത്രം മതി. അതേ, ദിവസവും കുറച്ച് മണിക്കൂറുകള് വെറുതെ ഓഫീസില് നിന്നാല് മതി തടി കുറയുമെങ്കിലോ? കുറച്ച് സമയം നില്ക്കുന്നത് പോലും കലോറി കുറയ്ക്കാന് സഹായിക്കുമെന്നാണ് പുതിയ പഠനം പറയുന്നത്.
ന്യൂയോര്ക്കിലെ Rochester എന്ന സ്ഥലത്തെ മയൊ ക്ലിനിക്കിലെ കാര്ഡിയോളജിസ്റ്റായ Dr Francisco Lopez-Jimenezന്റെ നേതൃത്വത്തിലാണ് പഠനം നടത്തിയത്. ആയിരത്തോളം പേരിലാണ് പഠനം നടത്തിയത്. അതില് നില്ക്കുന്നവരിലെ കലോറി പെട്ടെന്ന് എരിഞ്ഞതായാണ് കണ്ടെത്തല്. നില്ക്കുമ്പോള് 0.15 കൂടുതല് കലോറി ഒരു മിനിറ്റില് എരിയുമത്രേ. അതായത് 65 കിലോഗ്രാം ശരീരഭാരമുളളയാള് ആറ് മണിക്കൂര് ദിവസവും നില്ക്കുമ്പോള് 54 കലോറി വരെ കുറയുമെന്നാണ് പഠനം പറയുന്നത്.
അധികനേരം ഇരിക്കുന്നത് വണ്ണം കൂട്ടും എന്നുമാത്രമല്ല, പല തരത്തിലുള്ള ആരോഗ്യ പ്രശ്നങ്ങള് ഉണ്ടാക്കുകയും ചെയ്യുമെന്ന് നമ്മുക്ക് എല്ലാവര്ക്കുമറിയാം. കായികാദ്ധ്വാനം ഇല്ലാതെ ഉദാസീനമായ ജീവിതശൈലിയാണെങ്കില് അത് നിങ്ങളുടെ ആയുസ്സിനെ പോലും ബാധിച്ചേക്കാം. വെറുതേ ഇങ്ങനെ ഇരുന്നാല് ശരീരത്തില് ഫാറ്റ് അടിയും. നിങ്ങള് വ്യായാമം ചെയ്യാത്തവരോ ജിമ്മില് പോകാത്തവരോ ആണെങ്കില് ദിവസവും കുറച്ച് സമയം നില്ക്കുന്നത് നല്ലതാണ്.
https://www.facebook.com/Malayalivartha
