സംസാരിക്കാനും പാടാനും കുടിക്കാനും കഴിക്കാനുമൊക്കെ നമ്മെ സഹായിക്കുന്ന ഒന്നുണ്ട്. തൊണ്ട! ആ തൊണ്ടയ്ക്ക് എന്തെങ്കിലും സംഭവിച്ചാൽ ബുദ്ധിമുട്ടു തന്നെയാണ് അല്ലേ ? തൊണ്ടക്കു പെട്ടന്നുണ്ടാകുന്ന ചില പ്രശ്നങ്ങൾക്ക് പ്രയോഗിക്കാവുന്ന ഒറ്റ മൂലികൾ നമ്മുടെ വീട്ടിൽ തന്നെയുണ്ട്. അവ എന്തൊക്കെയാണെന്ന് നോക്കാം;

* ഒരു ഗ്ലാസ് വെള്ളത്തിൽ ഒരു സ്പൂൺ തേയില ഇട്ടു തിളപ്പിച്ച് ഒരു സ്പൂൺ ഉപ്പും ചേർത്ത് കവിൾ കൊണ്ടാൽ
തൊണ്ട വേദന മാറി കിട്ടും.

*തൊണ്ട വേദനയെടുക്കുമ്പോൾ വെളുത്തുള്ളി ഒരെണ്ണം വെള്ളം തൊടാതെ അരച്ച് തൊണ്ട കുഴിയിൽ പുരട്ടുക.

*ഒരു ചെറിയ കഷ്ണം വയമ്പ് അരച്ച് ദിവസം മൂന്നു തവണ തൊണ്ടയിൽ പുരട്ടിയാൽ തൊണ്ട വേദന ഒച്ചയടപ്പ് എന്നിവ മാറിക്കിട്ടും.

*ഒരു സ്പൂൺ ഉപ്പു ചേർത്ത ഒരു ഗ്ലാസ് വെള്ളത്തിൽ കാൽ ടീ സ്പൂൺ മഞ്ഞൾ പൊടി ചേർത്ത് ചൂടാക്കി ഇളം ചൂടോടെ കവിൾ കൊണ്ടാൽ തൊണ്ട വേദനയെ അകറ്റാവുന്നതാണ്.

*ഒരു ഗ്ലാസ് കട്ടൻ ചായയിൽ അര മുറി നാരങ്ങ പിഴിഞ്ഞൊഴിച്ചു ചെറു ചൂടോടെ തൊണ്ടയിൽ കൊള്ളുക.
ദിവസം നാലു തവണയെങ്കിലും ഇങ്ങനെ ചെയ്താൽ തൊണ്ട വേദനയ്ക്ക് ശമനം വരും.

*ചുക്ക്,കുരുമുളകു, തിപ്പലി ഇവ സമം ചേർത്തു അത് ചാലിച്ച് കഴിച്ചാലും തൊണ്ട വേദനയെ അകറ്റാം.

*ഇരട്ടി മധുരം, ജാതിക്ക ഇവ സമം എടുത്തു അതിൽ തേൻ ചേർത്ത് ചാലിച്ചു കഴിച്ചാലും തൊണ്ട വേദനയെ
അകറ്റാം.

*മുയൽ ചെവി അരച്ചത് തൊണ്ടയിൽ പുറമെ പുരട്ടാം. മുയൽ ചെവി അരച്ചത് ഒരു നെല്ലിക്ക വലിപ്പത്തിൽ എടുത്തു ഒരു സ്പൂൺ ഉപ്പിട്ട ഒരു ഗ്ലാസ് വെള്ളത്തിൽ ചേർത്ത് കുമിളിക്കുക. തൊണ്ട വേദനയെ മാറ്റാം.

ഇനി തൊണ്ട വേദന വന്നാൽ ഇവയിൽ ഏതെങ്കിലും ഒറ്റ മൂലി ചെയ്യൂ. തൊണ്ട വേദന അകറ്റൂ.