റോബോട്ട് സെക്സ് കൊണ്ട് ഗുണവുമില്ലെന്നു വിദഗ്ധര്
മനുഷ്യന്റെ കിടപ്പറകള് സെക്സ് റോബോട്ടുകള് കീഴടക്കുന്നുവെന്നാണ് പറയുന്നത്. എന്നാല് സെക്ഷ്വല് ആന്ഡ് റിപ്രൊഡക്ടീവ് ഹെല്ത്തില് പ്രസിദ്ധീകരിച്ച ഒരു റിപ്പോര്ട്ടില് പറയുന്നത് സെക്സ് റോബോട്ടുകള് ഒരു പ്രയോജനവുമില്ലെന്നാണ്. ബ്രിട്ടനിലെ സെന്റ് ജോര്ജ് സര്വകലാശാല ആശുപത്രിയിലെ ഡോക്ടര് ചാന്റ്റല് കോക്സ്, ലണ്ടന് കിങ്ങ്സ് ആശുപത്രിയിലെ ഡോക്ടര് ബേവ്ലി എന്നിവരാണ് ഈ പഠനത്തിനു നേതൃത്വം നല്കിയത്. റോബോട്ടുകളുമായി സെക്സ് ചെയ്യുന്നത് കൊണ്ട് യാതൊരു വിധ ആരോഗ്യഗുണങ്ങളും ഉണ്ടാകുന്നില്ലെന്നാണ് ഇവരുടെ പഠനം പറയുന്നത്.
സെക്സ് റോബോട്ടുകളും മനുഷ്യരും തമ്മിലുള്ള ശാരീരിക ബന്ധം സംബന്ധിച്ച് ഇതുവരെ ഇത്തരമൊരു പഠനം നടന്നിരുന്നില്ല. അതുകൊണ്ടുതന്നെ ഈ പഠനം ആരംഭിച്ചത് പൂജ്യത്തില് നിന്നായിരുന്നു. ഷെഫീല്ഡ് സര്വകലാശാലയിലെ ആര്ട്ടിഫിഷ്യല് ഇന്റലിജന്സ് ആന്ഡ് റോബോട്ടിക്സ് പ്രഫസര് നോയേല് ഷാര്ക്ക്ലി പറയുന്നതും മനുഷ്യനും റോബോട്ടുകളും തമ്മിലെ ഈ ബന്ധത്തെക്കുറിച്ച് ഇതുവരെ പൂര്ണമായൊരു പഠനം പുറത്തുവന്നിട്ടില്ലെന്നാണ്.
സെക്സ് റോബോട്ടുകള്ക്കായി അടുത്തിടെ വന്തോതില് ആവശ്യക്കാര് ഉണ്ടായിട്ടുണ്ട്. ഇത് മനുഷ്യര് ഉപയോഗിച്ചു തുടങ്ങിയാല് മാത്രമാകും ചിലപ്പോള് ഇതിന്റെ കൂടുതല് പോരായ്മകള് കണ്ടെത്താന് സാധിക്കുകയെന്ന് കലിഫോര്ണിയ പൊളിടെക്നിക് സ്റ്റേറ്റ് സര്വകലാശാലയിലെ ഗവേഷണവിദ്യാര്ഥി ജൂലി കാര്പെന്റര് പറയുന്നു. പലരും ഡോക്ടര്മാരോട് സെക്സ് റോബോട്ടുകളെ ഉപയോഗിക്കുന്നതിനെപ്പറ്റി അഭിപ്രായം ആരാഞ്ഞു തുടങ്ങിയതോടെയാണ് അവര് ഇതിനെപ്പറ്റി പഠിക്കാന് തുടങ്ങിയത്.
https://www.facebook.com/Malayalivartha