അമിതാവേശം വേണ്ട... മണിക്കൂറുകള് നീണ്ട ഉദ്ധാരണം സിനിമകളില് മാത്രം
സെക്സ് സ്ത്രീ പുരുഷ ബന്ധത്തിന്റെ നാഴികക്കല്ലെന്ന് തന്നെ പറയാം. ശാരീരിക സുഖം എന്നതിനുപരിയായി പല തരത്തിലെ ആരോഗ്യപരമായ, മാനസികമായ ഗുണങ്ങള് നല്കുന്ന ഒന്നാണിത്. ആദ്യ സെക്സ് എല്ലാവരിലും ഉത്കണ്ഠ ഉളവാക്കുന്നതാണ്. സ്ത്രീയായാലും പുരുഷനായാലും ആശങ്കകള് സര്വ്വസാധാരണമാണ്. ആദ്യ ദിവസം തന്നെ സ്ത്രീയെ സംതൃപ്തയാക്കാന് സാധിയ്ക്കാത്തത് തങ്ങളുടെ പൗരുഷക്കുറവാണെന്ന ചിന്തയും പുരുഷ വര്ഗത്തിനു പൊതുവേയുണ്ട്.
ഒരിക്കലും ഉത്കണ്ഠയോടെ സെക്സിനെ സമീപിയ്ക്കരുത്. ഇത് ആദ്യത്തെ ഒരു ദിവസം കൊണ്ടു ശരിയാകുന്നതല്ല എന്നു മനസിലാക്കുക. എല്ലാവര്ക്കും ആദ്യ അനുഭവം അത്ര വിജയമാകണമെന്നില്ല. എന്നു കരുതി നിരാശപ്പെടേണ്ടതുമില്ല. നീണ്ടു നില്ക്കുന്ന ഉദ്ധാരണം, അതും മണിക്കൂറുകള് സിനിമകളില് മാത്രമേ കാണാനാകൂവെന്നു തിരിച്ചറിയുക. ഇതു പ്രതീക്ഷിച്ചിരുന്നാല് നിരാശയാകും, ഫലം.
പഠനങ്ങള് പ്രകാരം മിക്ക പുരുഷന്മാരിലും ലൈംഗിക ബന്ധം ആരംഭിച്ച് 3 മുതല് 5 മിനുട്ടിനുള്ളില് സ്ഖലനം സംഭവിക്കും. ലിംഗത്തിന്റെ വലിപ്പക്കുറവു കാരണം പ്രയാസമനുഭവിയ്ക്കുന്ന പുരുഷന്മാരുമുണ്ട്. എന്നാല് ലിംഗവലിപ്പമല്ല, സെക്സില് സ്ത്രീ സംതൃപ്തിയുടെ അളവു കോല്. അമിത വലിപ്പമുള്ള ലിംഗം പൊതുവേ സ്ത്രീകള്ക്കു വേദനയുളവാക്കുന്നതാണ്.
പങ്കാളിയുടെ ഇഷ്ടവും മാനസിക നിലയുമെല്ലാം സെക്സിന് പ്രധാനമാണ്. നിര്ബന്ധ സെക്സ് ദോഷം വരുത്തും. പങ്കാളിയെ വേദനിപ്പിയ്ക്കാതെ സെക്സിന് മുന്കയ്യെടുക്കുക.ഉഭയകക്ഷി സമ്മതത്തോടെയല്ലാതെ സെക്സിന് മുതിരരുത്. ഇത് പരസ്പരമുള്ള ബന്ധം തന്നെ ഇല്ലാതാക്കും.
https://www.facebook.com/Malayalivartha