ദിവസവും നിരവധി യാത്രകൾ ചെയ്യന്നവരാണ് നാം. ജോലിക്കായി പഠിക്കാനായി തുടങ്ങിയ നിരവധി ആവശ്യങ്ങൾക്കായി നാം പോകാറുണ്ട്. യാത്രക്ക് പോകുന്നതിനു മുന്നോടിയായി നടക്കുന്ന ഒരുക്കങ്ങളിൽ ഒന്ന് ആഹാരം പാകം ചെയ്‌തു എടുത്തു വയ്ക്കുക എന്നതാണ്. രാവിലെയും ഉച്ചയ്ക്കും കഴിക്കാനുള്ള ആഹാരം നാം പൊതിഞ്ഞെടുത്ത് കൂടെ കൊണ്ട് പോകാറുണ്ട്. എന്നാൽ പലരും ആഹാരം എടുക്കുന്നത് പാത്രത്തിലോ പ്ലാസ്റ്റിക് പേപ്പറിലോ ആണ്. പ്ലാസ്റ്റിക് പേപ്പറിൽ ചൂടുള്ള പദാർഥങ്ങൾ എടുക്കരുതെന്ന് അറിയാമെങ്കിലും ആ അറിവിനെ തട്ടി മാറ്റി അത് ആവർത്തിക്കുന്നവരാണ് നാം ഓരോരുത്തരും . ആരോഗ്യത്തിനു ഹാനികരമായ ഈ ശീലത്തെ മാറ്റി പുതു ശീലങ്ങളിലേക്ക് നമ്മുക്ക് തിരിയാവുന്നതാണ്.വാഴയുടെ അടി മുതൽ മുടി വരെ മനുഷ്യന് ഉപയോഗപ്രദ\മാണ്. വാഴയിലയുടെ ഉപയോഗങ്ങൾ എന്തൊക്കെയാണെന്ന് നോക്കാം. വാഴയിലയിൽ ആഹാരം എന്നത് മലയാളികൾക്ക് പുതുമയുള്ള കാര്യമൊന്നുമല്ല. തൂശനില നിവർത്തി വച്ച് തുമ്പ പൂ പോലത്തെ ചോറും ആശിച്ച കറിയും വിളമ്പി പൊതിഞ്ഞെടുത്ത് കൊണ്ട് പോയി ഉച്ച സമയത്തു തുറക്കുമ്പോൾ തന്നെ ഒരു മണം നമ്മുടെ മൂക്കിനെ കീഴടക്കും. വാഴയിലയിൽ ആഹാരം എടുക്കുന്നത് നമ്മുടെ ആരോഗ്യത്തിനു തന്നെയാണ് നല്ലത്. വാഴയിലയിൽ ആഹാരം എടുത്താൽ ഒത്തിരി ഗുണങ്ങൾ ഉണ്ട്.

വാഴയില എടുത്തു നന്നയി കഴുകിയ ശേഷം ചെറു തീയിൽ വാട്ടിആഹാരം പൊതിയാൻ എടുക്കാവുന്നതാണ്. വാഴയിലയിൽ എടുക്കുന്ന ആഹാരം ഏറെനേരം കേടുകൂടാതെ ഇരിക്കുമെന്നത് ഒരു നേട്ടമാണ്. വാഴയിലയിൽ മെഴുകു പോലുള്ള ഒരു ആവരണമുണ്ട്. ഇതാണ് ചൂടുള്ള ആഹാരം പൊതിയുമ്പോൾ പ്രത്യേക മണവും രുചിയും വരുവാൻ കാരണമാകുന്നത്. എണ്ണമെഴുക്കുള്ള ആഹാരങ്ങളും ചാറുള്ള കറികളുമൊക്കെ വാഴയിലയിൽ ഒഴിച്ചാലും വാഴയിലിയൊരിക്കലും കുതിർന്നു പോകാതിരിക്കാൻ സഹായിക്കുന്നതും ഈ ആവരണമാണ്. പോളിഫിനോളുകൾ, ക്ലോറോഫില്ല്, ലിഗ്നിൻ, ഹെമിസെല്ലുലോസ്, പ്രോട്ടീനുകൾ, വൈറ്റമിൻ എ, കാൽസ്യം, കരോട്ടിൻ, സിട്രിക് ആസിഡ് എന്നിങ്ങനെ ആരോഗ്യത്തിനു ഗുണകരമായ നിരവധി സംയുക്തങ്ങൾ വാഴയിലയിൽ അടങ്ങിയിട്ടുണ്ട്. ഗ്രീൻടീയിൽ അടങ്ങിയിട്ടുള്ള എപ്പിഗാലോകാറ്റേക്കിൻ എന്ന ഘടകം വാഴയിലയിലും അടങ്ങിയിട്ടുണ്ട്. ഇതു പ്രകൃതിദത്ത ആന്റിഓക്സിഡന്റാണ്. ശരീരത്തിലെ ഫ്രീറാഡിക്കലുകളോടു പൊരുതി അസുഖങ്ങളിൽ നിന്നും നമ്മെ രക്ഷിക്കാൻ ഇതു സഹായിക്കും. ഈ ആന്റിഓക്സിഡന്റുകൾ ഇലയിലെ ചൂടു ആഹാരത്തെ ആഗിരണം ചെയ്യും. പൊതിച്ചോറു കഴിക്കുന്നവർക്ക് ഇത് വഴി പോഷണം കിട്ടുകയും ചെയ്യും. ഫംഗസ്, ബാക്ടീരിയ, വൈറസ് തുടങ്ങി എല്ലാത്തരം രോഗാണുക്കളെയും ചെറുത്തു തോൽപ്പിക്കാനുള്ള കഴിവും വാഴയിലയ്ക്കുണ്ട്. ഇലയിലുള്ള ക്ലോറോഫിൽ കുടലിനുള്ളിലെ അൾസർ, ചർമസംബന്ധമായ രോഗങ്ങൾ എന്നിവയെ തടയാനും സഹായകമാണ്.

പ്ലാസ്റ്റിക് പേപ്പറിൽ ചൂടാഹാരം പൊതിയുന്നത് കാൻസറിനു കാരണമാകും എന്നതിനാലാണ് അതിൽ എടുക്കരുതെന്ന് പറയുവാൻ കാരണം. എന്നാൽ വാഴയിലയിൽ അടങ്ങിയിരിക്കുന്ന ആന്റിഓക്സിഡന്റുകൾ കാൻസർ പോലുള്ള മാരക രോഗങ്ങൾ തടയാൻ സഹായകമാണ്. വാഴയിലയിൽ അടങ്ങിയിട്ടുള്ള പോളിഫിനോൾ ഓക്സിഡേസ് എന്ന എന്‍സൈം പാർക്കിൻസൺ എന്ന രോഗത്തിൻറെ ചികിത്സയ്ക്കായി ഉപയോഗിക്കുന്ന L-DOPA ഉൽപാദിപ്പിക്കുന്നുണ്ട്. വാഴിയിലയിൽ അടങ്ങിയിട്ടുള്ള ഇജിസിജി എന്ന ഘടകം ആരോഗ്യപരമായി വളെരയധികം ഗുണം ചെയ്യുന്നവയാണ്. പ്രമേഹത്തെ പ്രതിരോധിക്കാണ് കഴിവുള്ളതാണ് ഇ ജി സി ജി. അതിറോസ്ക്ലിറോസിസ്, ഹൃദയാഘാതം, അകാല വാർധക്യം എന്നിവ തടയാനും ഇതിലെ എജിസിജി സഹായിക്കുന്നു. രക്തം ശുദ്ധീകരിക്കാനും മൂത്രസംബന്ധമായ രോഗങ്ങളെ പ്രതിരോധിക്കാനും വാഴയിലയിലെ ഘടകങ്ങൾക്കു സാധിക്കും. അപ്പോൾ ഇനി മുതൽ വാഴയിലയിൽ ചോറ് പൊതിയിൽ ശീലമാക്കികോളൂ.