'ഈ റൂട്ട്' നല്ലതാ...ബീറ്റ്റൂട്ട് കഴിക്കുന്നതിനു മുൻപ് ഈ കാര്യങ്ങൾ അറിയണം
മലക്കറി കടയിൽ മഴ വില്ല് വിരിച്ചതു പോലെ മലകറികൾ പല നിറത്തിൽ ഇരിക്കുന്നത് കണ്ടിട്ടുണ്ടാകും. അതിൽ കാരറ്റ്, ബീറ്റ് റൂട്ട്, തക്കാളി, വഴുതനങ്ങ, വെള്ളരി, സവാള അങ്ങനെ പല മലക്കറികൾ പല നിറത്തിലുണ്ടല്ലോ. അതിൽ ബീറ്റ്റൂട്ട് നൽകുന്ന ആരോഗ്യ ഗുണങ്ങളും മറ്റും എന്തൊക്കെയാണെന്ന് നോക്കാം. ബീറ്റ്റൂട്ട് തോരൻ, ബീറ്റ്റൂട്ട് കിച്ചടി, ബീറ്റ്റൂട്ട് ജ്യൂസ് എന്നിങ്ങനെ നാം ബീറ്റ്റൂട്ടിനെ പാകം ചെയ്തു കഴിക്കാറുണ്ട്. സാധാരണ ബീറ്റ് റൂട്ട് കഴിക്കുന്നത് രക്തം വര്ദ്ധിക്കാന് വേണ്ടി മാത്രമാണ് സഹായകം എന്നൊരു ധാരണയുണ്ട്. എന്നാല് പോഷകങ്ങളുടെ ഒരു കലവറ തന്നെയാണ് ബീറ്റ് റൂട്ട്. ബീറ്റ്റൂട്ട് ജ്യൂസ് അടിച്ചു കുടിച്ചാൽ അത് നൽകുന്ന ആരോഗ്യ ഗുണങ്ങൾ ഏറെയാണ്. ബീറ്റ്റൂട്ട് ജ്യൂസ് കൊളസ്ട്രോള് കുറയ്ക്കാനും, ബ്ലഡ് ഷുഗര് നിയന്ത്രണത്തിനും സഹായകമാണ്. മാരക രോഗമായ ക്യാന്സറിനെതിരെ ചെറുക്കാൻ ബീറ്റ്റൂട്ട് ജ്യൂസിനു കഴിയും. ക്യാന്സര് കോശങ്ങളോട് പോരാടാന് ഇതിന് കഴിവുണ്ട്. ബീറ്റ്റൂട്ട് ജ്യൂസില് ഒരുപാട് മിനറല്സ്, ഫൈബര്, ആന്റിയോക്സിഡന്റുകള് തുടങ്ങിയവ അടങ്ങിയിട്ടുണ്ട്. ഹൃദയസംബന്ധമായ രോഗികൾക്കും ബീറ്റ്റൂട്ട് കഴിക്കാവുന്നതാണ്.
ബീറ്റ്റൂട്ടിലെ നൈട്രേറ്റ് വളരെയധികം ആരോഗ്യ ഗുണങ്ങൾ ഉള്ളവയാണ്. ബീറ്റ്റൂട്ട് ജ്യൂസ് കഴിച്ചാല് ഫുട്ബോള് താരങ്ങള്ക്ക് നന്നായി കളിക്കാന് കഴിയുമെന്നാണ് പറയുന്നത്. ഹൃദയത്തിന് രക്തചംക്രമണം സുഗമമാക്കുന്നതിലൂടെ ഹൃദയത്തിൻറെ പ്രവർത്തനത്തെ സഹായിക്കും. ബീറ്റ്റൂട്ടിലുള്ള നൈട്രേറ്റിനു ഇതിനു കഴിവുള്ളതിനാലാണ് ഇങ്ങനെ പറയുന്നത്. കൊളസ്ട്രോളിന്റെ അളവ് കുറയ്ക്കാന് ശ്രമിക്കുന്നവര് ദിവസവും ഒരു ഗ്ലാസ് ബീറ്റ്റീട്ട് ജ്യൂസ് കുടിച്ചാല് മതി. പ്രമേഹം രക്തത്തിലെ പഞ്ചസാരയുടെ അളവ് കുറയ്ക്കാനും ഇതിനു കഴിവുണ്ട്. മനുഷ്യശരീരത്തിൽ കരളിനെപ്പോലെ കഷ്ടപ്പെടുന്ന മറ്റൊരവയവും ഇല്ല. ശരീരത്തിന്റെ പ്രതിരോധ ശേഷി നിലനിർത്തുക ദഹനപ്രക്രിയ നിയന്ത്രിക്കുക എന്നിവയൊക്കെ കരൾ നിർവഹിക്കുന്ന പ്രവർത്തികളാണ്. ജീവന്റെ നിലനിൽപ്പിന് ഇത്രമേൽ നിർണായകമായ കരളിൻറെ സംരക്ഷണത്തിനായി ബീറ്റ് റൂട്ട് കഴിക്കാവുന്നതാണ് .കരളിന്റെ ആരോഗ്യത്തിന് ആവശ്യമായ പോഷകങ്ങളാൽ സമ്പുഷ്ടമാണ് ബീറ്റ്റൂട്ട്. മഗ്നീഷ്യം, കാൽസ്യം, അയൺ, പോട്ടാസ്യം തുടങ്ങിയ മൂലകങ്ങളാൽ സമൃദ്ധമായ ബീറ്റ്റൂട്ട് കരളിലെ പ്രവർത്തനങ്ങളെ ഉദ്ദീപിക്കും.
ബീറ്റ് റൂട്ട് കഷണങ്ങളാക്കി, നന്നായി വേവിച്ചു വെയ്ക്കുക പഞ്ചസാര പാനിയാക്കി, ചൂടാറിയ ശേഷം ബീറ്റ്റൂട്ട് ചേർത്ത് മിക്സിയിൽ അരച്ച് അരിച്ചെടുക്കണം. ഇത് കഴുകി ഉണക്കിയ കുപ്പിയിലാക്കി ഫ്രിഡ്ജിൽ സൂക്ഷിക്കാം .വിളമ്പാൻ നേരം കാൽ കപ്പ് ജൂസിൽ ഫ്രിഡ്ജിൽ വച്ചു കട്ടയാക്കിയ പാൽ അടിച്ചത് ചേർത്തിളക്കി കുടിക്കാവുന്നതാണ്. രോഗപ്രതിരോധ ശേഷിക്ക് അത്യന്താപേക്ഷിതമായ ഒന്നാണ് ആന്റിഓക്സിഡന്റുകൾ. കളറുള്ള പഴങ്ങളിലും പച്ചക്കറികളിലും ആന്റി ഓക്സിഡന്റുകൾ കൂടുതലായി കാണപ്പെടാറുണ്ട്. ചുവന്ന നിറത്തിലുള്ള ബീറ്റ്റൂട്ടിൽ ബീറ്റാ സിയാനിൻ അടങ്ങിയിരിക്കുന്നു. ഇതാകട്ടെ, വളരെ നല്ല ആന്റിഓക്സിഡന്റാണ്. ചീത്ത കൊളസ്ട്രോൾ ആയ എൽഡിഎൽ കുറയ്ക്കാൻ ഇതേറെ സഹായകവുമാണ്. ബീറ്റ്റൂട്ടിൽ ഫൈബറിന്റെ അളവ് കൂടുതലും കാലറി കുറവുമാണ്. ഈ ഫൈബറുകൾ ശരീരത്തിലെ കൊഴുപ്പിനെതിരെ പ്രവർത്തിക്കുന്നതു വഴി ശരീരഭാരം കുറയാൻ ഒരുപരിധി വരെ സഹായകവുമാണ്. കൂടാതെ ശരീരത്തിലെ വിഷാംശം ഇല്ലാതാക്കാനും ജലാംശം നിലനിർത്താനും സഹായിക്കുന്നു. അതുകൊണ്ട് ബീറ്റ്റൂട്ട് ധാരാളം കഴിക്കുന്നവരുടെ ശരീരത്തിന്റെ തിളക്കം വർധിക്കുന്നതായി കാണുന്നുണ്ട്. അപ്പോൾ ബീറ്ററൂട് തോരൻ വച്ചോ കിച്ചടി വച്ചോ ജ്യൂസ് അടിച്ചോ ധാരാളം കഴിക്കാൻ തുടങ്ങിക്കൊള്ളൂ.
https://www.facebook.com/Malayalivartha