ഉറങ്ങണമെങ്കിൽ കുളിക്കൂ; രാതിയിൽ കുളിക്കുന്നവർ ഇത് അറിയാതിരിക്കരുത്
രാവിലെ എഴുന്നേറ്റു കുളിച്ചില്ലെങ്കിൽ പലർക്കും ആ ദിവസം മുഴുവൻ അസ്വസ്ഥതയായിരിക്കും. ഒരു ദിവസം നന്നായി കുളിച്ചാൽ മാത്രമേ ഉന്മേഷത്തോടെയും ഉണർവോടെയും നമ്മിൽ പലർക്കും പ്രവർത്തിക്കാൻ കഴിയുകയുള്ളു. പക്ഷേ സ്ത്രീകളെ സംബന്ധിച്ച് രാവിലെത്തെ കുളി അവർക്കു ഒരു പ്രശ്നമാണ്. വേറൊന്നുമല്ല നനഞ്ഞ മുടി നമ്മുടെ ഇഷ്ടത്തിന് അനുസരിച്ചു കെട്ടി വയ്ക്കാൻ കഴിയില്ല. അതുകൊണ്ട് തന്നെ സ്ത്രീകളിൽ ഏറെപേരും രാത്രിയിൽ കുളിച്ചിട്ട് മുടി ഉണക്കി വയ്ക്കാറുണ്ട്. കിടക്കാൻ പോകുന്നതിന്ന് മുൻപ് കുളിക്കണം എന്ന ശീലമുള്ളവരും നമ്മുക്കിടയിൽ ഉണ്ട്. ഒരു ദിവസം രണ്ടു നേരവും കുളിക്കുക എന്ന ശീലം പുലർത്തുന്നവരും നമ്മുക്കിടയിലുണ്ട്.എന്നാൽ രാത്രിയിൽ കുളിച്ചാൽ അത് നമ്മുടെ ഉറക്കത്തെ തടസ്സപ്പെടുത്തും എന്ന ചിന്തയുള്ളവരും ഇല്ലാതില്ല . രാത്രയിൽ കുളിക്കുന്നവരും കുളിക്കാൻ താല്പര്യമുള്ളവരും ശ്രദ്ധിക്കുക. രാത്രിയിൽ കുളിക്കുന്ന ശീലത്തിന് ഒരുപാട് ഗുണങ്ങൾ ഉണ്ട്. ശരീരം വൃത്തിയാക്കാൻ മാത്രമല്ല ഉന്മേഷം വീണ്ടുക്കാനും നല്ല ഉറക്കം കിട്ടാനും ഇത് സഹായിക്കും.
ഒരു ദിവസത്തെ യാത്ര, ജോലി, അദ്ധ്വാനം എല്ലാം കഴിയുമ്പോൾ പൊടി. മാലിന്യം, വിയർപ്പ്, അഴുക്ക് തുടങ്ങിയവ ചർമത്തിലും മുടിയിലും അടിഞ്ഞു കൂടിയിരിക്കും. അതുകൊണ്ട് രാത്രി നന്നായൊന്നു കുളിക്കുന്നത് ചര്മത്തില് അടിഞ്ഞു കൂടിയ ബാക്ടീരിയകളെ നശിപ്പിച്ചു ചര്മത്തെയും മുടിയേയും വൃത്തിയോടെ സംരക്ഷിക്കാൻ സഹായകമാണ്. രാവിലെയുള്ള കുളി ഉന്മേഷം തരുമെന്നതു പോലെ തന്നെ വൈകിട്ടുള്ള കുളിയും ഉമേഷം നൽകുന്നു. രാത്രയിൽ കുളിക്കുന്നത് ഉറക്കത്തെ കളയും എന്ന് ചിന്തിക്കുന്നവർ ശ്രദ്ധിക്കുക. ഒരിക്കലും കുളി ഉറക്കത്തെ കെടുത്തില്ല. മറിച്ചു സുഖമായ ഉറക്കത്തെ പ്രധാനം ചെയ്യാൻ രാത്രിയിലെ കുളി വഴിയൊരുക്കും. നല്ല തണുത്ത വെള്ളത്തിൽ നന്നായി കുളിച്ചാൽ ശരീരത്തെ ശാന്തമാക്കാൻ സഹായിക്കുകയും ഇത് ഉറക്കത്തെ മാടിവിളിക്കുകയും ചെയ്യും. കുളി കഴിഞ്ഞു ശരീരം പതുക്കെ തണുക്കാൻ തുടങ്ങും. ഈ തണുപ്പ് നമ്മെ സുഖകരമായ ഉറക്കത്തിലേക്കു നയിക്കും. അത് കൊണ്ട് കുളി ഉറക്കത്തെ തടസ്സപ്പെടുത്തുന്നില്ല. കിടക്കയിലേക്ക് പോകുന്നതിനു മുൻപ് സമ്മർദ്ദങ്ങളേയും വിഷമങ്ങളെയും അകറ്റാനും രാത്രിയിലെ കുളി സഹായിക്കും. ശരീരത്തിലെ ഊഷ്മാവിനെ നിയന്ത്രിച്ച് രക്തസമ്മർദം കുറയ്ക്കാനും രാത്രി കുളി കൊണ്ട് സാധിക്കും. അലര്ജി പോലുള്ള രോഗങ്ങള് ഉള്ളവർക്കും വൈകിട്ടുള്ള കുളി ശീലമാക്കാവുന്നതാണ്.
എന്നാല് ഉറങ്ങുന്നതിന് തൊട്ടുമുമ്പ് കുളിക്കാന് പാടില്ല. അത് ശരീരത്തിന് ചൂടുകൂടാൻ കാരണമാകും.ഉറങ്ങാൻ പോകുന്നതിനു രണ്ട് മണിക്കൂര് മുന്പെങ്കിലും കുളിച്ചിരിക്കണം എന്നാണ് ആരോഗ്യ വിദഗ്ധർ പറയുന്നത്. രാത്രിയിൽ കുളിക്കുമ്പോൾ നാം നമ്മുടെ വൃത്തിയുടെ കാര്യത്തിൽ ഉറപ്പു വരുത്തുകയാണ് ചെയ്യുന്നത്. ശരീരത്തില് പിടിച്ച അഴുക്കും പൊടിയും കഴുകി കളയുന്നതോടൊപ്പം തന്നെ മനസിന് ഉണര്വ് പകരാനും ഈ കുളിക്ക് കഴിയും. രാവിലത്തെ കുളി ഉന്മേഷത്തിനും രാത്രിയിലെ കുളി നല്ല ഉറക്കത്തിനുമാണ്. എന്നാൽ രാത്രി ആഹാരം കഴിച്ചയുടൻ കുളിക്കുന്നത് ദഹന പ്രക്രിയയെ ബാധിക്കും. അത് കൊണ്ട് ആഹാരം കഴിച്ചയുടൻ കുളിക്കാതിരിക്കുക. ഒരു കാര്യം എല്ലാവരും ഓർക്കുക നമ്മുടെ ശരീരത്തെ പറ്റിയും ആരോഗ്യ സ്ഥിതിയ പറ്റിയും നമ്മുക്ക് മാത്രമേ നന്നായി അറിയാവൂ. എന്ത് കാര്യം ചെയ്യുന്നതിന് മുൻപും നമ്മുടെ ആരോഗ്യ നിലവാരം കൂടി പരിഗണിക്കുക.
https://www.facebook.com/Malayalivartha