പ്രമേഹ രോഗികൾ വ്യായാമം ചെയ്യുമ്പോൾ ശ്രദ്ധിക്കേണ്ടുന്ന കാര്യങ്ങൾ
പ്രമേഹം പലരെയും അലട്ടുന്ന ഒരു രോഗമാണ്. പ്രമേഹം നമ്മുടെ ശരീരത്തിൽ പിടിപ്പെട്ട് കഴിഞ്ഞാൽ അതിന് പിന്നാലെ ഒരു കൂട്ടം രോഗങ്ങൾ നമ്മുടെ പിന്നാലെ വരും. ചികിത്സയ്ക്കൊപ്പം ഡോക്ടറുടെ ഉപദേശവും പ്രമേഹരോഗികള്‍ക്ക് ആവശ്യമാണ്. അതോടൊപ്പം ചില കാര്യങ്ങളില്‍ പ്രത്യേക ശ്രദ്ധക്കൂടി വേണം. പ്രമേഹം ബാധിച്ചവര്‍ നിര്‍ബ്ബന്ധമായും വ്യായാമം ചെയ്യുക. ഇതുവഴി ക്ഷീണം കുറയുന്നതിനും പ്രമേഹം ഇല്ലാതാക്കാനും കഴിയുന്നതാണ്. എന്നാല്‍, പ്രമേഹരോഗികള്‍ വ്യായാമം ചെയ്യുമ്പോള്‍ ശ്രദ്ധിക്കേണ്ടുന്ന സ്\ചില കാര്യങ്ങൾ ഉണ്ട്. അത് എന്തൊക്കെയാണെന്ന് ഗവേഷകര്‍ പറയുന്നു. ഷുഗര്‍ എത്രയുണ്ടെന്ന് പരിശോധിച്ച ശേഷം മാത്രമേ വ്യായാമം ആരംഭിക്കാൻ പാടുള്ളൂ. ഇതിനായി വിദഗ്ധരുടെയോ ഡോക്ടര്‍മാരുടെയോ നിര്‍ദ്ദേശങ്ങള്‍ സ്വീകരിക്കാവുന്നതാണ്. വെറും വയറ്റില്‍ കടുത്ത വ്യായാമങ്ങള്‍ ചെയ്യാന്‍ പാടില്ല. അത് കൊണ്ട് ആഹാരം കഴിച്ച ശേഷമേ വ്യായാമം തുടങ്ങാവൂ. വ്യായാമം ചെയ്യുമ്പോൾ കൃത്യമായ ഇടവേളകളില്‍ വെള്ളം കുടിക്കണം. തിളപ്പിച്ചാറ്റിയ വെള്ളമാണ് കൂടുതലായി കുടിക്കേണ്ടുന്നത്. മധുരമടങ്ങിയ സോഫ്റ്റ് ഡ്രിങ്ക്‌സ് വ്യായമസമയതെന്നല്ല ഒരിക്കലും പ്രമേഹ രോഗികൾ കഴിക്കാതിരിക്കുക ഒഴിവാക്കുക.
പ്രമേഹ രോഗികൾ വ്യയാമത്തിലേർപ്പെടുന്നതിനു മുമ്പ് ഡോക്ടറെ കണ്ട് ചെയ്ത് ആവശ്യമെങ്കിൽ ടി.എം.ടി പോലുള്ള ചെക്കപ്പുകൾ ചെ‍‍യ്യുന്നതു നന്നായിരിക്കും. വേഗത്തില്‍ നടക്കുകയോ ഓടുകയോ സൈക്കിള്‍ ചവിട്ടുന്നതോ ഒക്കെയാണ് പ്രമേഹരോഗികള്‍ പതിവായി ചെയ്യുന്ന വ്യായാമങ്ങള്‍. ഷുഗര്‍നില അപ്രതീക്ഷിതമായി താഴ്ന്നു പോകാന്‍ സാദ്ധ്യതയുള്ളതിനാല്‍ ഈ സമയങ്ങള്‍ രോഗി ഒരു എമര്‍ജന്‍സി കിറ്റ് കരുതുന്നത് നല്ലതാണ്.ആ കിറ്റില്‍ വെള്ളം, ഗ്ലൂക്കോസ്, മിഠായി, മരുന്നുകള്‍ എന്നിവ തീര്‍ച്ചയായും ഉണ്ടാകണം. ക്ഷീണം താങ്ങാന്‍ സാധിക്കില്ലെന്ന് വ്യക്തമായാല്‍ വിശ്രമിക്കുകയോ, മറ്റുള്ളവരുടെ സഹായം സ്വീകരിക്കുകയോ ചെയ്യണം. തനിച്ചുള്ള വ്യായാമം ഒഴിവാക്കുന്നതാകും നല്ലത്. ശരീരത്തിന് കൂടുതല്‍ ആഘാതമുണ്ടാക്കുന്ന വ്യായാമം പാടില്ല. പാദങ്ങളുടെ സുരക്ഷ എപ്പോഴും ശ്രദ്ധിക്കണം. മുറിവുകള്‍ ഉണ്ടായാല്‍ അണുബാധയുണ്ടാകുമെന്ന കാര്യത്തില്‍ സംശയമില്ല. അതിനാല്‍, പാദങ്ങളുടെ സുരക്ഷയ്ക്കായി ഷൂസും സോക്‌സും ധരിക്കുകയും വേണം. വ്യായാമം ചെയ്യുന്ന സമയം മുറിവുകൾ ഒന്നും ഉണ്ടാകാതിരിക്കാൻ ശ്രദ്ധിക്കുക.
ഇൻസുലിൻ പോലുള്ളവ ഉപയോഗിക്കുന്നവരാണെങ്കിൽ ഇവ ഉപയോഗിച്ച ഉടനെ വ്യായമത്തിൽ ഏർപ്പെടാതിരിക്കുക . വ്യായാമത്തിനു മുമ്പ് ബ്ലഡ് ഷുഗർ നില കുറവാണെങ്കിൽ 15 ഗ്രാം കാർബോ ഹൈഡ്രേറ്റ് അടങ്ങുന്ന ലഘുഭക്ഷണം കഴിച്ചതിനു ശേഷം ഒരു മണിക്കൂർ കഴിഞ്ഞു മാത്രം വ്യായാമത്തിലേർപ്പെടുകയായിരിക്കും നല്ലത്. ഒട്ടും വ്യായാമം ചെയ്യാത്തവരോ ദീർഘനാളായി വ്യായാമം നിർ‍ത്തിവച്ചവരോ ആണെങ്കിൽ വളരെ ചെറിയ ര‍‍ീതിയിൽ തുടങ്ങി പതിയെ കടുത്ത രീതിയിലുള്ള വ്യായമത്തിലേക്കു കടക്കുക. വ്യായാമത്തിന് മുമ്പ് ഒരു വാം അപും ശേഷം ഒരു കൂൾഡൗണും നി‍ർബന്ധമായും ചെയ്തിരിക്കണം. ജിം പോലുള്ള സ്ഥലങ്ങളിലാണു വ്യായാമം ചെയ്യുന്നതെങ്കിൽ. ഡയബറ്റിസ് ഐഡന്റിറ്റി കാർഡ് ഉള്ള ടാഗ് ധരിക്കാം. വ്യായാമസമയത്ത് ഷുഗർ താഴ്ന്ന് ബോധക്ഷയമോ മറ്റോ ഉണ്ടായാൽ സമീപത്തുള്ളവർക്ക് തിര‍ിച്ചറിയാനും ഉടനെ കുറച്ചു മധുരം നൽകാനായാൽ രോഗിയെ വേഗം സാധാരണ നിലയിലേക്ക് കൊണ്ടുവരാനുമാകും. പ്രമേഹരോഗികളിൽ കോശനഷ്ടസാധ്യത വളരെ കൂടുതലായതുകൊണ്ടു വ്യായാമത്തിനും മുമ്പും ശേഷവും പ്രോട്ടീൻ കൂടുതലായുള്ള ആഹാരപദാർഥങ്ങൾ കഴിക്കുക. വ്യായാമഫലം വർധിപ്പിക്കാനും പേശ‍ിനഷ്ടം തടയാനുമാകും. ബ്ലഡ് ഷുഗർ ലവലും അനിയന്ത്രിതമാകില്ല ഏർപ്പെടരുത്.
https://www.facebook.com/Malayalivartha
