രാവിലെ എഴുന്നേറ്റയുടൻ ഒരു കൈയിൽ ചായയും മറ്റേ കൈയിൽ പത്രവും എടുക്കാത്തവരായി ആരും തന്നെയില്ല. ലോകത്തുള്ള സർവ്വ വിവരങ്ങളും വിരൽ തുമ്പിൽ കിട്ടുമെങ്കിലും ഇപ്പോഴും പത്രത്തെ കൈ വിടാൻ കഴിയാത്തവരായി പലരുമുണ്ട്. അത്കൊണ്ട് തന്നെ വാർത്തകൾ അറിയാൻ എല്ലവരും പത്രം വായിക്കുന്നു. അറിവ് വർധിപ്പിക്കുന്നു. വിവരങ്ങൾ അറിയാൻ പത്രം നല്ലതാ. പക്ഷെ പത്രം ആരോഗ്യത്തിന് ഹാനികരമാണ്. നമ്മിൽ പലരും തുടരുന്ന മോശം ശീലമാണ് പത്രത്തിൽ ആഹാരം പൊതിഞ്ഞ് എടുക്കുന്നത്. എന്നാൽ ഈ ശീലത്തിന്റെ പിന്നിൽ ഒളിഞ്ഞിരിക്കുന്ന അപകടങ്ങൾ അറിയാതിരിക്കരുത്. മാരകമായ പല രോഗങ്ങളിലേക്കും ഇത് നയിക്കും. പത്രത്തിൽ ആഹാരം പൊതിഞ്ഞെടുക്കുന്നവരും പൊതിഞ്ഞു വാങ്ങിക്കുന്നവരും എണ്ണ കളയാൻ പത്രത്തിൽ പൊതിയുന്നവരുമൊക്കെ അറിയൂ. മാരകമായ പല ആരോഗ്യ പ്രശ്നങ്ങളിലേക്കും ഇത് നയിക്കും. മറക്കേണ്ട.

 പത്രക്കടലാസില്‍ പൊതിഞ്ഞ വടയും പഴംപൊരിയും മറ്റ് പലഹാരങ്ങളും കഴിക്കുന്നവര്‍ ഓർക്കുക. പേപ്പറിലും മഷിയിലും അടങ്ങിയിട്ടുള്ള മാരകമായ വിഷമാണ് ഉള്ളില്‍ ചെല്ലുന്നത്. ഗുരുതരമായ ആരോഗ്യ പ്രശ്‌നങ്ങളിലേക്ക് ഇത് നയിക്കും . കേന്ദ്ര ഭക്ഷ്യ സുരക്ഷാ അതോറിറ്റിയാണ് ഈ മുന്നറിയിപ്പ് അറിയിച്ചത്.  പത്രക്കടലാസില്‍ ആഹാര സാധനങ്ങൾ പൊതിയുന്നതും അതില്‍ വച്ചു കഴിക്കുന്നതും ഒഴിവാക്കാന്‍ ഉടന്‍ നടപടിയെടുക്കണമെന്ന് അതോറിറ്റി സംസ്ഥാനങ്ങളോട് ആവശ്യപ്പെടുന്നത്. ഇത്തരം ഭക്ഷണം സ്ഥിരമായി കഴിക്കുന്നവര്‍ കുറേശ്ശെയായി വിഷം അകത്താക്കുകയാണ് ചെയ്യുന്നതെന്ന് അവര്‍ പറയുന്നു. പല ആഹാര വസ്തുക്കളും പത്രക്കടലാസില്‍ നേരിട്ടു പൊതിയുന്നത് നമ്മുടെ രാജ്യത്ത് പതിവാണെന്ന് അതോറിറ്റി വ്യക്തമാക്കുന്നു. ഇതു ഒട്ടും നല്ലതല്ല. വൃത്തിയായി പാകം ചെയ്യുന്ന ആരോഗ്യകരമായ ആഹാരം പോലും ഇങ്ങനെ ചെയ്താൽ അപകടകരമാകും എന്ന കാര്യത്തിൽ സംശയമില്ല. ചെറിയ ഹോട്ടലുകള്‍, തട്ടുകടകള്‍ എന്നിവിടങ്ങളിലൊക്കെ ഭക്ഷണം പൊതിയാന്‍ ഉപയോഗിക്കുന്നത് പത്രക്കടലാസുകളാണ്.

ചോറും മറ്റ് ആഹാരവുമാണെങ്കില്‍ ഇലയില്‍ പൊതിഞ്ഞിട്ടാകും പത്രക്കടലാസില്‍ വീണ്ടും പൊതിയുക. ആ ഇല എങ്ങാനും കീറിയാല്‍ അതും പ്രശ്‌നമാകും. ന്യൂസ് പേപ്പര്‍, മറ്റു പേപ്പറുകള്‍, കാര്‍ഡ്‌ബോര്‍ഡ് പെട്ടികള്‍ തുടങ്ങിയവയൊക്കെ ഉണ്ടാക്കുമ്പോള്‍ അതില്‍ മലിനവസ്തുക്കള്‍ ഉള്‍പ്പെട്ടുവെന്നു വരാം. ഈ പേപ്പര്‍ കൊണ്ട് ഭക്ഷ്യവസ്തുക്കൾ സ്പര്‍ശിക്കുന്നത് അപകടകരം എന്നു പറയാതെ വയ്യ. അച്ചടി മഷിയില്‍ ആരോഗ്യത്തെ ഹാനികരമായി ബാധിക്കുന്ന പലതരം രാസവസ്തുക്കളുണ്ട്. അതു ഭക്ഷണവുമായി കൂടിക്കലർന്നാൽ അപകടമാണ്. രാസവസ്തുക്കള്‍ക്കു പുറമെ, രോഗത്തിലേക്ക് നയിക്കുന്ന സൂക്ഷ്മജീവികളും പത്രക്കടലാസില്‍ ഉണ്ടാകും എന്ന സാധ്യത തള്ളി കളയാനാവില്ല. കഴിക്കുന്നതിനു മുമ്പ് എണ്ണപ്പലഹാരങ്ങളിലെ എണ്ണ കളയാന്‍ പത്രക്കടലാസ് ഉപയോഗിക്കുന്നത് പതിവാണ്. ട്രെയിനുകളിലും തട്ടുകടകളിലും ഇതു കൂടുതലാണ്. ഇതും ആരോഗ്യത്തിന് ഹാനികരമാണ് . ഇത്തരം ശീലങ്ങള്‍ എത്രയും പെട്ടെന്ന് ഇല്ലാതാക്കാന്‍ ബോധവത്കരണ പരിപാടികളും മറ്റും തുടങ്ങണമെന്നാണ് അതോറിറ്റി നിര്‍ദേശിച്ചിട്ടുള്ളത്. നമ്മുടെ ആരോഗ്യം നമ്മുടെ കൈയിലാണ് എന്ന് മറക്കാതിരിക്കുക. ഇത്തരത്തിലുള്ള ശീലം സ്വയം ഒഴിവാക്കുക.