ചട്ടിയും കലവുമായാൽ തട്ടിയും മുട്ടിയുമൊക്കെ ഇരിക്കും എന്ന് പറയുന്നത് പോലെയാണ് ദാമ്പത്യ ജീവിതത്തിലെ പല സന്ദർഭങ്ങളും. തട്ടുന്നതിനും മുട്ടുന്നതിനുമൊന്നും കുഴപ്പമില്ല. പക്ഷേ കാര്യങ്ങൾ ചീറ്റലിലേക്ക് പോകുമ്പോഴാണ് പ്രശ്നങ്ങൾ മാറി മറയുന്നത്. കല്യാണം കഴിഞ്ഞു ആദ്യം ഉണ്ടായിരിക്കുന്ന അതേ സ്നേഹം ജീവിതത്തിന്റെ ദൂരങ്ങൾ താണ്ടുമ്പോൾ അത് പോലെ തന്നെ ഉണ്ടായെന്ന് വരില്ല. ദാമ്പത്യ ജീവതത്തിന്റെ പകുതി എത്തുമ്പോൾ തന്നെ ഇണക്കുരുവികളിൽ പലരും കീരിയും പാമ്പുമായി മാറി കഴിഞ്ഞിരിക്കും. എന്നാൽ ഭാര്യ ഭർത്താക്കന്മാരിൽ ഉണ്ടാകുന്ന പല വഴക്കുകളും ബെഡ്‌റൂമിൽ ചില കാര്യങ്ങൾ ശ്രദ്ധിച്ചാൽ ഒഴിവാക്കാനാകും. ഇത്തരം വഴക്കുകള്‍ക്കു പ്രധാനപ്പെട്ട ഒരു കാരണം ബെഡ്‌റൂമാണ്. ചില ബെഡ്‌റൂം ശീലങ്ങള്‍, ചില ബെഡ്‌റൂം കാര്യങ്ങള്‍ ഇത്തരത്തിലെ വഴക്കുകള്‍ക്കു കാരണമാകുന്നുണ്ട് എന്ന കാര്യം പലരുംസമ്മതിക്കും അല്ലേ ? . . എന്തൊക്കെ കാര്യങ്ങൾ ബെഡ്‌റൂമിൽ ശ്രദ്ധിച്ചാൽ പ്രശ്നങ്ങളെ അകറ്റാം എന്ന് നോക്കാം.

ബെഡ്‌റൂമില്‍ വയ്ക്കുന്ന ചില ചിത്രങ്ങള്‍ ഇത്തരം വഴക്കിനും കണ്ണുനീരിനും കാരണമാകുന്നു. എന്നാല്‍ കരയുന്ന കുഞ്ഞിന്റെ ചിത്രം ബെഡ്‌റൂമിൽ വയ്ക്കരുത് കേട്ടോ . അത് പോലെ തന്നെ മൃഗങ്ങളുടെ ചിത്രം വേണ്ട. ആയുധ പോലുള്ളവയും കിടപ്പു മുറിയില്‍ വേണ്ട. ഇതെല്ലാം കലഹത്തിലേക്ക് നയിക്കും . പകരം പ്രണയം നിറയുന്ന ചിത്രങ്ങള്‍ മുറിയിൽ നിറയ്ക്കുക. ഇളം നിറത്തിലുള്ള ബെഡ്ഷീറ്റുകളാണ് ബെഡ്‌റൂമിന് നല്ലത്. നല്ല ഉറക്കം കിട്ടാനും ഇത് നല്ലതാണ്. കിടപ്പു മുറി ഇപ്പോഴും വൃത്തിയും വെടിപ്പുമുള്ളതാകണം.
രാവിലെ എഴുന്നേറ്റാല്‍ ഉടൻ തന്നെ കിടപ്പുമുറി വൃത്തിയാക്കി വയ്ക്കുക. കിടക്കയൊക്കെ തട്ടിക്കുടഞ്ഞ് വൃത്തിയായി വിരിയ്ക്കുക. പൊട്ടിയ സാധനങ്ങള്‍, പ്രത്യേകിച്ചും കണ്ണാടി പോലുള്ളവ പൊട്ടിയത് മുറിയിൽ വയ്ക്കരുത്. മുറിവുകൾ ഉണ്ടാകാൻ കാരണമാകും.ബെഡ്‌റൂമിൽ അലമാര ഇപ്പോഴും പൂട്ടി വയ്ക്കണം. അത് തുറന്നിടരുത്. .അലമാര തട്ടുകയോ മുട്ടുകയോ ചെയ്‌താൽ പിന്നെ ഈ ശീലം വഴക്കിനു കാരണമാകും കേട്ടോ.
കിടപ്പുമുറിയില്‍ വേറൊരാളെ കിടത്തുകയോ കയറ്റുകയോ ചെയ്യരുത് . ഇത് നെഗറ്റീവ് ഊര്‍ജത്തിലേക്ക് നയിക്കും . ദമ്പതിമാര്‍ തങ്ങളുടെ ബെഡ്‌റൂമില്‍ ആരേയും കിടത്തരുത്. ഇതു പോലെ നനച്ച തുണി ബെഡ്‌റൂമില്‍ ഇടുന്നത് ഒഴിവാക്കണം . ഇതെല്ലാം തന്നെ നെഗറ്റീവ് ഊര്‍ജം വരുത്തുന്നവയാണ്. വേസ്റ്റ് പോലുള്ള കാര്യങ്ങളും ബെഡ്‌റൂമില്‍ പാടില്ല.

ഈ കാര്യങ്ങളൊക്കെ ബെഡ്‌റൂമിൽ പരീക്ഷിച്ചു നോക്കൂ. മാറ്റം അനുഭവിച്ചറിയാം. പിന്നെ ഒരു കാര്യം ഓർക്കുക. കുടുംബ ജീവിതത്തിൽ ഉണ്ടാകുന്ന അസ്വാരസ്യങ്ങൾ ഏറ്റവും കൂടുതൽ ബാധിക്കുന്നത് ഭാര്യയെയോ ഭർത്താവിനെയോ അല്ല. നിങ്ങൾ ഭാവിയിൽ വഴക്കു കൂടും എന്ന കാര്യമൊന്നും അറിയാതെ ഭൂമിയിലേക്ക് വന്ന നിങ്ങളുടെ തന്നെ നിഷ്കളങ്കരായ മക്കളെയാണ്. നിങ്ങൾക്ക് ഇടയിൽ ഉണ്ടാകുന്ന പ്രശ്നങ്ങളിൽ കുട്ടികൾ പെട്ടു പോകുകയാണ്. അത് കൊണ്ട് തന്നെ മക്കളെ ഓർത്ത് ചില വിട്ടു വീഴ്ചകൾക്ക് തയ്യാറാകുക.ആത്‌മസംയമനം പാലിച്ച് കഴിവതും പ്രശ്നങ്ങളെ അകറ്റി നിർത്തുക.