ഓമനിച്ച് വീട്ടിൽ വളർത്തുന്ന നായ്ക്കൾ ; നിങ്ങൾക്ക് തിരിച്ച് നൽകുന്നത് എന്താണെന്നോ ? ശാസ്ത്രീയ പഠനം ഞെട്ടിക്കുന്നു
പട്ടികളെ സ്വന്തം വീട്ടിൽ ഓമനിച്ച് വളർത്താത്തവരായി ആരും തന്നെയില്ല. ഭൂരി ഭാഗം ആളുകളുടെ വീടുകളിലും പട്ടികളെ ഓമനിച്ച് വളർത്താറുണ്ട്. എന്തിന് അവയെ സ്വന്തം വീട്ടിലെ ഒരു അംഗത്തെ പോലെ തന്നെ കരുതുന്നവരുമില്ലാതില്ല. ഒരുപാട് പട്ടി സ്നേഹികള് നമ്മുടെ സമൂഹത്തിൽ നമുക്ക് ചുറ്റുമുണ്ട്. എന്നാൽ പട്ടികളെ താലോലിച്ച് വളര്ത്തുന്നവര്ക്ക് ആഹ്ളാദിക്കാനുള്ള വിവരമാണ് ഇപ്പോൾ പുറത്ത് വരുന്നത്. പുതിയ പഠനത്തിൽ പറയുന്ന കാര്യം ഇങ്ങേനെയാണ്. പട്ടിയെ വളര്ത്തുന്നവരില് നല്ല ഹൃദയാരോഗ്യം ഉണ്ടാകുമെന്നാണ് പഠനത്തിലൂടെ പുറത്ത് വരുന്നത്. അമേരിക്കന് ഹാര്ട്ട് അസോസിയേഷന് നടത്തിയ പഠനത്തിലാണ് ഈ കണ്ടെത്തൽ ഉണ്ടായിരിക്കുന്നത്. ഹൃദയാഘാതം, സ്ട്രോക്ക് എന്നി രോഗങ്ങൾ പിടിപ്പെട്ടിട്ടുള്ളവർ പട്ടികളെ വളര്ത്തുന്നത് അവരുടെ ഹൃദയത്തിന്റെ ആരോഗ്യത്തിന് നല്ലതാണ് എന്നാണ് പഠനത്തിൽ സൂചിപ്പിക്കുന്നത്. അതിനാൽ , ഹൃദ്രോഗികള് വീട്ടില് പട്ടികളെ വളര്ത്തുന്നത് നല്ലതാണെന്നും പഠനം എടുത്ത് പറയുന്നു.
കാര്ഡിയോ വാസ്കുലാര് ക്വാളിറ്റി ആന്റ് ഔട്ട്കംസ് എന്ന ജേണലില് ഈ പഠനം പ്രസിദ്ധീകരിച്ചിട്ടുണ്ട്. മാത്രമല്ല നായകളെയും പൂച്ചകളെയും വളര്ത്തുന്നത് മാനസികാരോഗ്യത്തിന് നല്ലതാണെന്ന് മുന്പും പല പഠനങ്ങളിലും പറഞ്ഞിട്ടുണ്ടായിരുന്നു.മാത്രമല്ല നായ്ക്കളെ വളര്ത്തുന്നത് വിഷാദവും മാനസീക സമ്മര്ദ്ദവും കുറയ്ക്കാന് സഹായിക്കുമെന്നും ഗവേഷകര് പഠനത്തിൽ സൂചിപ്പിക്കുന്നു. നായകളെ വളര്ത്തുന്ന വീട്ടിലും വ്യക്തിക്കും പോസിറ്റീവായ മനോഭാവം ഉണ്ടാകുമെന്ന് ഗവേഷകര് വ്യക്തമാക്കുന്നു. മാത്രമല്ല ഒറ്റപ്പെടല് അനുഭവിക്കുന്നവര് വീട്ടില് നായക്കുട്ടികളെ വളര്ത്തുന്നത് വിഷാദം കുറയ്ക്കാന് സഹായിക്കും. ലാബ്രഡോര്, പഗ്ഗ്, പോമറേനിയൻ, ഡാൽമേഷ്യൻ , ബോക്സര് അങ്ങനെ നിരവധി തരത്തിലുള്ള പട്ടികളെ നാം വളർത്തുന്നു. നായ വളർത്തൽ ഇന്ന് കേരളത്തിൽ സർവ സാധാരണമായിരിക്കുന്നു.
https://www.facebook.com/Malayalivartha