കൊതുക് മാത്രമല്ല ഡെങ്കി പരത്തുന്നത് ; ആ രോഗം ഇങ്ങനെയും വരും; ശാസ്ത്രഞ്ജരുടെ ഞെട്ടിക്കുന്ന കണ്ടെത്തൽ
ഡെങ്കി എന്നത് ഒരു കാലത്ത് നമ്മുടെ നാട്ടിലുള്ളവരുടെ ആരോഗ്യത്തിന്റെ വിലങ്ങ് തടിയായിരുന്നു. മൂളിപ്പാട്ട് പാടി വരുന്ന ഇത്തിരി കുഞ്ഞൻ കൊതുക് നമ്മുടെ ശരീരത്തിൽ കുത്തുന്നത് വഴി ഡെങ്കി നമ്മെ കീഴടക്കിയിരുന്നു. മഴ കാലത്ത് ചിരട്ടകളിലെയും മറ്റിടങ്ങളിലെയും കെട്ടി കിടക്കുന്ന വെള്ളം കൊതുകളെ വളർച്ചയ്ക്ക് കാരണമാകും എന്നതിനാൽ നാം അതിനെ നശിപ്പിക്കാനായി പല കാര്യങ്ങളും ചെയ്യാറുണ്ട്. എന്നാൽ ഇപ്പോൾ
ഏവരെയും ഞെട്ടിക്കുന്ന കണ്ടെത്തലിലാണ് ശാസ്ത്രഞ്ജര് എത്തിയിരിക്കുന്നത്. ഡെങ്കിപ്പനി പടർത്തുന്നതിൽ കൊതുക് മാത്രമല്ല കാരണക്കാരൻ . ലൈംഗികബന്ധത്തിലൂടെയും ഡെങ്കിപ്പനി പകരാം എന്നാണ് പുതിയ കണ്ടെത്തല്. ഇത്തരത്തിലെ കേസ് ആദ്യമായി സ്പെയിനില് സ്ഥിരീകരിച്ചിരിക്കുകയാണ്. മാഡ്രിഡില് നിന്നുള്ള 41കാരനാണ് ഡങ്കിപ്പനി സ്ഥിരീകരിച്ചത്. മാഡ്രിഡ് ഹെല്ത്ത് ഓഫീസറെ ഉദ്ധരിച്ച് മാധ്യമങ്ങൾ ഈ വിവരം പുറത്തുവിട്ടു കഴിഞ്ഞിരിക്കുന്നു . കഴിഞ്ഞ സെപ്റ്റംബറിലായിരുന്നു ഇയാള്ക്ക് ഡങ്കിപ്പനി ബാധയുണ്ടെന്ന് സ്ഥിരീകരിച്ചത്.
എന്നാല് ഇയാള് താമസിച്ചിരുന്ന സ്ഥലത്തോ ഇടപഴകിയ ചുറ്റുപാടുകളിലോ നേരത്തെ ഡെങ്കി കേസുകള് റിപ്പോര്ട്ട് ചെയ്യപ്പെട്ടിരുന്നില്ല. മാത്രമല്ല രോഗം എങ്ങനെ ബാധിച്ചുവെന്ന് കണ്ടെത്താനും കഴിഞ്ഞിരുന്നില്ല. യാത്രക്കിടയിലോ മറ്റൊ രോഗം ബാധിച്ചിരിക്കാമെന്ന നിഗമനത്തിലായിരുന്നു ഡോക്ടര്മാര് എത്തിയത്. എന്നാല് രോഗിയുടെ പുരുഷസുഹൃത്തും സമാനമായ രോഗലക്ഷണങ്ങളോ ചികിത്സ തേടിയെന്ന റിപ്പോര്ട്ട് പുറത്തു വന്നതിന് പിന്നാലെയാണ് രോഗബാധ മനസ്സിലായത്.
ലൈംഗികബന്ധം പുലര്ത്തിയതിലൂടെയാണ് രോഗബാധയുണ്ടായതെന്ന് ഡോക്ടര് കണ്ടെത്തുകയായിരുന്നു . ശുക്ലത്തിലും വൈറസിന് ജീവിക്കാനാവുമെന്ന പഠനങ്ങള് നേരത്തെ പുറത്തുവന്നിരുന്നു. ഇത് വഴി ഡെങ്കി വൈറസ് ബാധയുണ്ടാവാമെന്ന പഠനങ്ങള് പുറത്തു വന്നിരുന്നു. എന്നാൽ ആദ്യമായിട്ടാണ് ഇങ്ങനെത്ത കേസ് റിപ്പോര്ട്ട് ചെയ്തത്. യൂറോപ്യന് സെന്റര് ഫോര് പ്രിവന്ഷന് ആന്ഡ് കണ്ട്രോള് അധികൃതരാണ് ഈ കാര്യം വെളിപ്പെടുത്തിയത്. വളരെ സാധാരണ കണ്ടുവരുന്ന ഒരു വൈറല് അണുബാധയാണ് ഡെങ്കി.
https://www.facebook.com/Malayalivartha