ന്യൂഡില്സ് സ്ഥിരമാക്കിയാൽ ആയുസ്സ് കുറയുമെന്ന് പഠനം ...ഈ ഇഷ്ടഭക്ഷണം നിങ്ങളുടെ ആരോഗ്യത്തിന് ഉണ്ടാക്കിയേക്കാവുന്ന പ്രശ്നങ്ങള് ഇവയാണ്
ഏറ്റവും എളുപ്പം തയ്യാറാക്കാവുന്ന ഒന്നാണ് നൂഡിൽസ്.. കുട്ടികൾ മുതൽ മുതിർന്നവർ വരെയുള്ളവരുടെ ഇഷ്ട ഭക്ഷണമായി നൂഡിൽസ് മാറിയിട്ട് അധികം കാലമായിട്ടില്ല. ഉണ്ടാക്കാൻ എളുപ്പമായതിനാൽ വീട്ടമ്മമാരും ബാച്ചിലേഴ്സും എല്ലാം നൂഡിൽസ് ആരാധകരാണ് ..എന്നാൽ ഈ ഇഷ്ടഭക്ഷണം നിങ്ങളുടെ ആരോഗ്യത്തിന് ഉണ്ടാക്കിയേക്കാവുന്ന പ്രശ്നങ്ങള് എന്തൊക്കെയെന്ന് നിങ്ങള്ക്കറിയാമോ?
ഇന്സ്റ്റന്റ് ന്യൂഡില്സിൽ ടങ്ങിയിരിക്കുന്ന അമിത അളവിലുള്ള ഉപ്പ് തന്നെയാണ് പ്രധാന പ്രശ്നം ..ഉപ്പും കാര്ബോഹൈഡ്രേറ്റും നൂഡിൽസിൽ ഉയർന്ന അളവിൽ അടങ്ങിയിട്ടുണ്ട്.
എന്നാൽ വിറ്റാമിനുകള്, ഫൈബര്, ധാതുക്കള് എന്നിവപോലുള്ള ഒരു പോഷകമൂല്യങ്ങളും അവയില് അടങ്ങിയിട്ടുമില്ല .. അതിനാൽ നൂഡിൽസ് കഴിച്ചാൽ വിശപ്പ് ഇല്ലാതാക്കും എന്ന് മാത്രമേ ഉള്ളൂ. അല്ലാതെ യാതൊരു വിധത്തിലുള്ള ആരോഗ്യ ഗുണങ്ങളും ഇത് നല്കുന്നില്ല. മറിച്ചു ദോഷങ്ങൾ വേണ്ടുവോളം ഉണ്ട് താനും
ഭക്ഷണത്തിൽ കാർബോ ഹൈഡ്രേറ്റ് അധികമാകുന്നത് അമിതവണ്ണത്തിന് കാരണമാകും . ഭക്ഷണത്തിൽ ഉപ്പ് കൂടിയാൽ ഉണ്ടാകുന്ന ദോഷങ്ങൾ എല്ലാവർക്കും അറിയാവുന്നതാണ് . സോഡിയം ഒരു ഗ്രാമില് കൂടിയാല് രക്തസമ്മര്ദ്ദം ഉയരുമെന്നാണ് പറയുന്നത് .ഉപ്പ് കൂടുതലായാല് ഹാര്ട്ട് അറ്റാക്, സ്ട്രോക്, കരള് രോഗങ്ങള് തുടങ്ങിയവ ഉണ്ടാകാനുളള സാധ്യതയും കൂടുതലാണ്
ആഴ്ചയില് രണ്ടുതവണയെങ്കിലും ഇന്സ്റ്റന്റ് നൂഡില്സ് കഴിക്കുന്ന സ്ത്രീകളിൽ ഗൈനിക്ക് സംബന്ധിയായ പ്രശ്നങ്ങൾ ഉണ്ടാകാൻ സാധ്യതയുണ്ടെന്ന് പഠനങ്ങള് കാണിക്കുന്നു. പ്രമേഹവും ഹൃദ്രോഗവും ഉൾപ്പടെയുള്ള രോഗങ്ങൾക്കും നൂഡിൽസ് കാരണമായേക്കാം . ഇൻസ്റ്റന്റ് നൂഡില്സിൽ അടങ്ങിയിട്ടുള്ള എംഎസ്ജി ആണ് ഏറ്റവും അപകടകാരി.. ചിലർക്ക് നൂഡിൽസ് കഴിച്ചു കഴിഞ്ഞാൽ തലവേദന , ഓക്കാനം തുടങ്ങിയവ ഉണ്ടാകാറുണ്ട്. അതിനു കാരണം നൂഡിൽസിൽ അടങ്ങിയിട്ടുള്ള എംഎസ്ജി ആണ്
നൂഡിൽസ് പോലുള്ളവ വളരെക്കാലം നീണ്ടുനില്ക്കുന്ന തരത്തിലാണ് നിര്മ്മിച്ചിരിക്കുന്നത്. അതിനര്ത്ഥം ഇത്തരത്തിലുള്ള ഭക്ഷണത്തിൽ വിഷ അഡിറ്റീവുകള് അടങ്ങിയിരിക്കുന്നു എന്നാണ്. ഇത്തരം പദാർത്ഥങ്ങൾ ചിലരിൽ പാര്ശ്വഫലമായി കാഴ്ച മങ്ങുന്നതിന് കാരണമാകും.
ന്യൂഡില്സ് തയ്യാറാക്കുമ്പോള് ധാരാളം പച്ചക്കറികളും ആരോഗ്യകരമായ ചേരുവകളും ചേര്ത്തു പാചകം ചെയ്യുന്നത് ദോഷഫലങ്ങൾ ലഘൂകരിക്കാൻ സഹായിക്കും , നൂഡിൽസ് പായ്ക്കറ്റിൽ അടങ്ങിയിട്ടുള്ള ഫ്ലെവേഴ്സുകൾ ഒഴിവാക്കുന്നതാണ് നല്ലത് . പ്രത്യേകിച്ചും കുട്ടികൾക്കും ഗർഭിണികൾക്കും ഇത് നല്ലതല്ല. .
എന്നെങ്കിലും ഒരിയ്ക്കൽ കഴിച്ചതുകൊണ്ട് അപകടമൊന്നുമില്ല ..എങ്കിലും സ്ഥിരമായി ഭക്ഷണത്തിൽ നൂഡിൽസ് ഉൾപ്പെടുത്താത്തത് തന്നെ ആണ് നല്ലത് ..
https://www.facebook.com/Malayalivartha