പേനയുടെ അടപ്പിലെ ദ്വാരത്തിന് പിന്നിൽ ഒരു ജീവന്റെ കഥ; മരണത്തിൽ നിന്നും രക്ഷിക്കും ആ ദ്വാരം, പേനയുടെ അടപ്പിലെ ദ്വാരം നിസ്സാരമല്ല, ഉപയോഗശൂന്യമെന്ന് നാം തള്ളിക്കളയുന്ന ഇത്തരം കാര്യങ്ങൾക്ക് പിന്നിലെ വലിയ ഗുണങ്ങൾ അറിയണം
നമ്മുടെ ദൈനംദിന ജീവിതത്തില് ഉപയോഗിക്കുന്ന പല വസ്തുക്കളിലും ശാസ്ത്രത്തിന്റെ അദൃശ്യ സാന്നിധ്യമുണ്ട് എന്നത് അറിയാക്കഥയല്ല. ചെറുതെന്ന് നമ്മള് തള്ളിക്കളയുന്ന പലകാര്യങ്ങള്ക്ക് പിന്നിലും വളരെ വലിയ കാരണമുണ്ടാകും. അത്തരത്തിൽ ഒന്നാണ് ഇപ്പോൾ പറയാൻ പോകുന്നത്. പേനയുടെ അടപ്പിലെ ദ്വാരം നിസ്സാരമല്ല. ഇത് നമ്മളില് പലരും ശ്രദ്ധിച്ചിട്ടുണ്ടാകുമെങ്കിലും ഇതുകൊണ്ടുള്ള ഗുണം എന്താണെന്ന് അറിവുള്ളവര് വളരെ കുറവായിരിക്കും. ഉപയോഗശൂന്യമെന്ന് നാം തള്ളിക്കളയുന്ന ഇത്തരം കാര്യങ്ങൾക്ക് പിന്നിലെ വലിയ ഗുണങ്ങൾ അറിയണം.
പേനയുടെ അടപ്പ് അടക്കുമ്പോഴും തുറക്കുമ്പോഴും വായു സമ്പര്ക്കം ഉണ്ടാവാന് ഇത് സഹായിക്കുമെന്നായിരിക്കും ഇതേക്കുറിച്ച് ആലോചിക്കുമ്പോള് ലഭിക്കുന്ന ആദ്യ ഉത്തരം എന്നത്. എന്നാൽ ഇത് ശരിയുമാണ്. മാത്രമല്ല അതിനേക്കാള് പ്രധാനമായ മറ്റു പല ഉത്തരവാദിത്വങ്ങളും ഈ ചെറിയ തുളക്കുണ്ട് എന്നതാണ് ശ്രദ്ധേയം. ഒരു ജീവന് രക്ഷാ ഉപാധി കൂടിയാണ് അടപ്പിലെ തുളയെന്നതാണ് പറഞ്ഞുവരുന്ന വസ്തുത.
പേനയുടെ അടപ്പ് വായിലിടുകയും കടിക്കുകയും ചെയ്യുന്നത് ലോകത്തെവിടെയുമുള്ള ചില മനുഷ്യരുടെ ഒരു ശീലമാണ്. ഈ ദുശ്ശീലം ചിലപ്പോഴെല്ലാം ദുരന്തകാരണമായി മാറുകയും ചെയ്യുമെന്നത് സാരം. അറിയാതെ അടപ്പ് വിഴുങ്ങി പോകുന്ന സാഹചര്യമുണ്ടായാല് മരണം പോലും സംഭവിക്കാറുണ്ട്. 2016ല് ദ ഇന്ഡിപെന്റന്റില് പ്രസിദ്ധീകരിച്ച ഒരു റിപ്പോര്ട്ട് പ്രകാരം അമേരിക്കയില് മാത്രം നൂറോളം മനുഷ്യര്ക്കാണ് തൊണ്ടയില് പേനയുടെ അടപ്പ് കുടുങ്ങി ദാരുണാന്ത്യം സംഭവിച്ചിരിക്കുന്നത്.
ആയതിനാൽ തന്നെ പേനയുടെ അടപ്പില് ആവശ്യത്തിന് ദ്വാരമുണ്ടെങ്കില് അടപ്പ് വിഴുങ്ങുന്ന സാഹചര്യമുണ്ടായാല് പോലും ശ്വാസം തടസം ഉണ്ടാകില്ല. ഇക്കാര്യം തിരിച്ചറിഞ്ഞ് ബിക് എന്ന കമ്പനിയാണ് ആദ്യമായി അടപ്പില് ദ്വാരം പരീക്ഷിച്ചത് തന്നെ. സംഭവം വിജയമാണെന്ന് തിരിച്ചറിഞ്ഞതോടെ ഐഎസ്ഒ 11540 സുരക്ഷാ മാനദണ്ഡത്തില് പോലും ഇക്കാര്യം നിഷ്ക്കര്ഷിക്കുന്ന സ്ഥിതിയിൽ എത്തിച്ചേർന്നു. വിഴുങ്ങാന് സാധ്യതയുള്ളതിനേക്കാള് വലിയ അടപ്പാണെങ്കില് മാത്രമാണ് ഒഴിവുകഴിവുകൾ നൽകിയിട്ടുള്ളത്.
അതോടൊപ്പം വിമാനങ്ങളിലെ ജനലുകളിലുള്ള ചെറിയ തുളകള്ക്കും ഇതുപോലെ ഒരു ദൗത്യം ഉണ്ട്. വിമാനത്തിനകത്തേയും പുറത്തേയും സമ്മര്ദം ക്രമീകരിക്കാന് ഈ തുളകളും സഹായിക്കുകയാണ് ചെയ്യുന്നത്. പേനയുടെ അടപ്പിലെ തുള പോലെ നമ്മള് ദിവസേന ഉപയോഗിക്കുന്ന പല വസ്തുക്കളിലും ശാസ്ത്രത്തിന്റെ ഇടപെടല് ചില മാറ്റങ്ങള് വരുത്തിയിട്ടുണ്ടെന്നതാണ് പ്രധാന വസ്തുത. ഇത്തരം മാറ്റങ്ങള് ചിലപ്പോഴെല്ലാം ജീവന് വരെ രക്ഷിക്കുന്ന കാരണമായി മാറാറുമുണ്ട്.
https://www.facebook.com/Malayalivartha