ജീവിത ശൈലീ രോഗങ്ങൾ ആരെ വേണമെങ്കിലും പിടിക്കൂടാം. ഷുഗർ എന്ന രോഗം എപ്പോൾ വേണമെങ്കിലും പിടിപ്പെടാം എന്ന സാഹചര്യമാണ്. എന്നാൽ അങ്ങനെ സംഭവിക്കാതിരിക്കാൻ ചില കാര്യങ്ങൾ ഇപ്പോഴേ നമുക്ക് ചെയ്യാവുന്നതാണ് . രെക്തത്തില്‍ ഗ്ലൂക്കോസിന്റെ അളവ് കൂടിയ അവസ്ഥയാണ് പ്രമേഹം.

ശരീര പ്രവര്‍ത്തനത്തിന് ആവശ്യമായ ഊര്‍ജ്ജം ലഭിക്കുന്നത് നാം നിത്യേന കഴിക്കുന്ന ഭക്ഷണത്തിലെ അന്നജത്തില്‍ നിന്നാണ്. ഭക്ഷണം ദഹിക്കുന്നതോടെ അന്നജം ഗ്ലൂക്കോസായി മാറി രക്തത്തില്‍ കലരുന്നു.

ഈ ഗ്ലൂക്കോസിനെ ശരീരകലകളുടെ പ്രവര്‍ത്തനത്തിനുപയുക്തമായ വിധത്തില്‍ കലകളിലേക്ക് എത്തിക്കണമെങ്കില്‍ ഇന്‍സുലിന്‍ എന്ന ഹോര്‍മോണിന്റെ സഹായം ആവശ്യമാണ്.

പ്രധാനമായും ടൈപ്പ് 1, ടൈപ്പ് 2 എന്നിങ്ങനെ രണ്ട് തരം പ്രമേഹം ഉണ്ട്. ടൈപ്പ് 1 പ്രമേഹം, പാന്‍ക്രിയാസ് ഇന്‍സുലിന്‍ ഉല്‍പ്പാദിപ്പിക്കാത്ത അവസ്ഥയാണ്. ഇന്‍സുലിന്റെ ഉല്‍പ്പാദനം തകരാറിലാകുന്നു. കുട്ടികളിലും ചെറുപ്പക്കാരിലുമാണ് ടൈപ്പ് 1 പ്രമേഹം സാധാരണയായി കാണുന്നത്.

ഏത് പ്രായക്കാരെയും ബാധിക്കുന്ന വളരെ സാധാരണമായ ഒന്നാണ് ടൈപ്പ് 2 പ്രമേഹം.അമിതവണ്ണം, തെറ്റായ ജീവിതശൈലി, ഉയര്‍ന്ന രക്തസമ്മര്‍ദ്ദം, ചീത്ത കൊളസ്ട്രോള്‍ എന്നിവയെല്ലാം പ്രമേഹം പിടിപെടുന്നതിന് ചില കാരണങ്ങളാണ്. പ്രമേഹ സാധ്യത കുറയ്ക്കുന്നതിന് മാർഗങ്ങൾ ഇതൊക്കെയാണ് ;

പ്രോട്ടീന്‍ ഉള്‍പ്പെടുത്തിയ ഭക്ഷണങ്ങള്‍ കഴിക്കുന്നത് പ്രമേഹ സാധ്യത കുറയ്ക്കും. പയര്‍വര്‍ഗ്ഗങ്ങള്‍, സോയ, പരിപ്പ്, ബീന്‍സ് തുടങ്ങിയവ പ്രോട്ടീന്‍ നിറഞ്ഞ ഭക്ഷണങ്ങളാണ്.

പ്ലേറ്റിന്റെ പകുതി പച്ചക്കറികളും നാലിലൊന്ന് കാര്‍ബണുകളും നാലിലൊന്ന് പ്രോട്ടീനും ഉള്‍പ്പെടുത്തണം. ആരോഗ്യകരമായ ഭാരം നിലനിര്‍ത്താനും മൊത്തത്തിലുള്ള ആരോഗ്യം നന്നാക്കാനും ഇത് സഹായിക്കും. പച്ചക്കറികളില്‍ നാരുകള്‍ അടങ്ങിയിട്ടുണ്ട്, ഉയര്‍ന്ന ഫൈബര്‍ ഡയറ്റ് പിന്തുടരുന്നത് പ്രമേഹ സാധ്യത കുറയ്ക്കും.

സമ്മര്‍ദ്ദം ഒന്നില്‍ കൂടുതല്‍ രീതിയില്‍ ആരോഗ്യത്തെ പ്രതികൂലമായി ബാധിക്കും. രക്തത്തിലെ പഞ്ചസാരയുടെ അളവ് നിയന്ത്രണത്തിലാക്കാന്‍ യോ​ഗ ശീലമാക്കാകുന്നതാണ് .

കാര്‍ബ് ഉപഭോഗം കുറയ്ക്കണം . പ്രമേഹ സാധ്യതയെ ചെറുക്കുന്നതിന് പഞ്ചസാരയുടെ ഉപഭോഗം നിയന്ത്രിക്കണം . കൃത്യമായ വ്യായാമം ആരോഗ്യകരമായ ഭാരം നിലനിര്‍ത്താനും പ്രമേഹ സാധ്യത കുറയ്ക്കാനും സഹായിക്കും. ഇത് രക്തത്തിലെ പഞ്ചസാരയുടെ അളവ് നിയന്ത്രണത്തിലാക്കും. പതിവായി വ്യായാമം ചെയ്യുന്നത് മാനസികവും ശാരീരികവുമായ ആരോഗ്യത്തിന് നിരവധി ​ഗുണങ്ങള്‍ നല്‍കുന്നു.