പൊതുചടങ്ങുകളിലും ആള്ക്കൂട്ടങ്ങളിലും പോകാതിരിക്കുക.; കല്യാണങ്ങള് തുടങ്ങിയവയില് ആളുകള് കുറവാണെങ്കില് പോലും മുതിര്ന്ന പൗരന്മാര് പങ്കെടുക്കാതിരിക്കുക; .ആരാധനാലയങ്ങളില് പോകുന്നതും ഒഴിവാക്കണം; ന്നു കോവിഡ് രണ്ടാം തരംഗത്തിൽ പ്രായമുള്ള വ്യക്തികൾക്കായി ഈ സംരക്ഷണങ്ങൾ ഒരുക്കുക
പെട്ടെന്നായിരുന്നു കോവിഡ് രണ്ടാം തരംഗം നമ്മുടെ നാടിനെ കീഴടക്കി തുടങ്ങിയത്. കോവിഡിന്റെ ഒന്നാം വരവിൽ പ്രായമുള്ള വ്യക്തികളെ റിവേര്സ് ക്വാറന്റീന് വഴി നമ്മള് സംരക്ഷിച്ചിരുന്നു .
ഇപ്പോൾ നിയന്ത്രണങ്ങള് മാറിയതോടെ വാക്സീന് എടുക്കാനും മറ്റു ചികിത്സകള്ക്കും പ്രായമായവര് പുറത്തിറങ്ങുന്ന അവസ്ഥയുണ്ട്. ഈ സാഹചര്യത്തിൽ അവരെ നമ്മള് കൂടുതല് കരുതേണ്ടതുണ്ട്. എന്തൊക്കെ കാര്യങ്ങളാണ് അവര്ക്ക് വേണ്ടി ചെയ്യേണ്ടുന്നത് ?
∙ നിലവില് ആദ്യ ഡോസ് വാക്സീന് എടുത്തവര് ഓണ്ലൈന് ബുക്കിങ് വഴി രണ്ടാം ഡോസിന് അപ്പോയിന്റ്മെന്റ് എടുത്ത ശേഷം നിശ്ചിത സമയത്ത് വാക്സിനേഷന് കേന്ദ്രങ്ങളില് എത്തി രണ്ടാം ഡോസ് എടുക്കുക.
∙ കോവിഷീല്ഡ് എടുത്തവര് ആറു മുതല് എട്ട് ആഴ്ച വരെയുള്ള കാലയളവിലും കോവാക്സിന് എടുത്തവര് നാലുമുതല് ആറ് ആഴ്ച വരെയുള്ള കാലയളവിലും രണ്ടാം ഡോസ് എടുക്കേണ്ടതാണ്.
∙ വാക്സിനേഷന് കേന്ദ്രങ്ങളില് കൃത്യമായി കൊവിഡ് പ്രോട്ടോകോള് പാലിക്കുവാന് ശ്രദ്ധിക്കുക.സാമൂഹിക അകലം പാലിക്കുക, മാസ്ക് കൃത്യമായി ഉപയോഗിക്കുക.
∙ വീടുകളില് പുറത്തു പോയി വരുന്നവരുമായി സാധിക്കും വിധം അകലം പാലിക്കുക. സാധ്യമെങ്കില് വീടിനുള്ളിലും മാസ്ക് ധരിക്കുക.
∙ കൂടെ താമസമില്ലാത്ത മക്കള്, പേരക്കുട്ടികള്, മറ്റു ബന്ധുക്കള്, സുഹൃത്തുക്കള് എന്നിവരോട് ഫോണ് വഴി ബന്ധം പുലര്ത്തുക, വിഡിയോ കാള് വഴി പരസ്പരം കാണുക, നല്ല കാര്യങ്ങള് സംസാരിക്കുക.
∙ പൊതുചടങ്ങുകളിലും ആള്ക്കൂട്ടങ്ങളിലും പോകാതിരിക്കുക. കല്യാണങ്ങള് തുടങ്ങിയവയില് ആളുകള് കുറവാണെങ്കില് പോലും മുതിര്ന്ന പൗരന്മാര് പങ്കെടുക്കാതിരിക്കുന്നതാകും അഭികാമ്യം.
ആരാധനാലയങ്ങളില് പോകുന്നതും ഒഴിവാക്കണം.
∙ ധാരാളം വെള്ളം കുടിക്കുക. സമീകൃതവും പോഷകസമൃദ്ധവുമായ ഭക്ഷണം കഴിക്കുക. പതിവായി ചെയ്യുന്ന വ്യായാമങ്ങള് വീടിനുള്ളിലും തുടരുക.
∙ മുതിര്ന്ന പൗരന്മാരുടെ വാക്സിനേഷന് തുടങ്ങിയിട്ട് നാളുകള് കുറച്ചായി. എങ്കിലും പലരും ഇനിയും വാക്സീന് എടുക്കാനുണ്ട്. അത്തരം ആളുകള് കോവിന് പോര്ട്ടല് വഴി റജിസ്റ്റര് ചെയ്ത് ലഭിക്കുന്നതീയതിയില് ആദ്യ ഡോസ് വാക്സീന് എടുക്കേണ്ടതാണ്.
https://www.facebook.com/Malayalivartha