പ്രസവിച്ച് നിമിഷങ്ങള്ക്കകം കൊറോണ വൈറസ് ബാധിച്ച് അമ്മയെ നഷ്ടപ്പെട്ട കുഞ്ഞിന് ഇപ്പോള് മുലപ്പാല് നല്കാന് നിരവധി അമ്മമാര്....
പ്രസവിച്ച് നിമിഷങ്ങള്ക്കകം കൊറോണ വൈറസ് ബാധിച്ച് അമ്മയെ നഷ്ടപ്പെട്ട കുഞ്ഞിന് ഇപ്പോള് മുലപ്പാല് നല്കാന് നിരവധി അമ്മമാര്.
നാഗ്പുരിലെ എച്ച്.ആര് കണ്സല്ട്ടന്റ് ആയിരുന്ന 32കാരിയായ മിനാല് വെര്നേകറാണ് പ്രസവിച്ച് നിമിഷങ്ങള്ക്കുള്ളില് മരണപ്പെട്ടത്.
കൊറോണ സ്ഥിരീകരിച്ചതോടെ മിനാലിനെ ആശുപത്രിയില് പ്രവേശിപ്പിക്കുകയായിരുന്നു. പ്രത്യേക സിസേറിയനിലൂടെയാണ് കുഞ്ഞിനെ പുറത്തെടുത്തത്. കുഞ്ഞിന് ജന്മം നല്കി സെക്കന്റുകള്ക്കുള്ളില് മിനാലിന് ഹൃദയാഘാതമുണ്ടാകുകയും മരിക്കുകയുമായിരുന്നു. കഴിഞ്ഞ മാസം 8 ന് നാഗ്പുരിലെ കിങ്സ്വേ ആശുപത്രിയിലായിരുന്നു പ്രസവം.
മിനാല് കുഞ്ഞിനായി കണ്ടുവെച്ചിരുന്ന ഇവാന് എന്ന പേരാണ് കുഞ്ഞിന് ഇട്ടത്. കുഞ്ഞ് ഇവാന് അലര്ജി പ്രശ്നമുള്ളതിനാല് മുലപ്പാല് അല്ലാതെ മറ്റൊന്നും നല്കാന് സാധിക്കില്ലെന്ന് ഡോക്ടര്മാര് അറിയിക്കുകയായിരുന്നു.
ഇവാന് മുലപ്പാല് ആവശ്യമാണെന്ന വാര്ത്ത പരന്നതോടെ നിരവധി അമ്മമാരാണ് മുലപ്പാല് നല്കാനായി തയ്യാറായത്.
'ഏപ്രില് എട്ടിന് ഭാര്യ മരിച്ചത് അറിഞ്ഞ ശേഷം ഞങ്ങളുമായി ബന്ധപ്പെട്ട അമ്മമാരോട് ഞാനും കുടുംബവും നന്ദിയുള്ളവരായിരിക്കും. ഞങ്ങളുടെ കുഞ്ഞിന് മറ്റു പാലുകള് അലര്ജിയായതിനാല് നിരവധി സ്ത്രീകള് ദിവസവും കുഞ്ഞിനായി മുലപ്പാല് നല്കുന്നു.
മനുഷ്യത്വപരമായ ഈ പ്രവൃത്തിമൂലം ഞങ്ങളുടെ കുഞ്ഞ് അതിജീവിക്കുകയും ആശുപത്രി വിടുകയും ചെയ്തു' -ഇവാന്റെ പിതാവ് ചേതന് പറഞ്ഞു.
https://www.facebook.com/Malayalivartha