കോവിഡിനെ പ്രതിരോധിക്കാൻ നമുക്ക് മുന്നിലുള്ള ഒരേയൊരു മാർഗം വാക്സിനാണ്. കോവിഡിനെ പ്രതിരോധിക്കാൻ സകലരും വാക്സിന് വേണ്ടിയുള്ള നെട്ടോട്ടം തുടരുകയാണ്. ഇതിനോടകംതന്നെ നമ്മിൽ പലരും ഒരു ഡോസ് എടുത്തു കാണും. ഭൂരിഭാഗം ആൾക്കാരും രണ്ട് ഡോസ് എടുത്തു കാണും. എന്തായാലും വാക്സിൻ എടുത്തവർ ശ്രദ്ധിക്കേണ്ട നിരവധി കാര്യങ്ങളുണ്ട്. എന്തൊക്കെയാണെന്ന് നോക്കാം അത് പാലിക്കുകയും ചെയ്യുക. ഒന്നാമതായി നിങ്ങൾ ശ്രദ്ധിക്കേണ്ട കാര്യം. എവിടെപ്പോയാലും നിങ്ങൾ ഇത് പാലിച്ചേ പറ്റൂ.മാസ്ക് ധരിക്കുക, സാമൂഹികാകലം പാലിക്കുക എന്നീ രണ്ട് കാര്യങ്ങളാണ് പ്രധാനമായും കൊവിഡിനെ തുരത്താൻ നമ്മൾ ചെയ്യുന്ന കാര്യങ്ങൾ. പ്രതിരോധത്തിനായി വാക്സനെടുത്ത ശേഷവും ഇക്കാര്യങ്ങളിൽ ഒട്ടും വീഴ്ച വരുത്തരുത്. ജനിതകവ്യതിയാനം സംഭവിച്ച വൈറസുകള്ക്ക് വാക്സിന്റെ കഴിവിനെ മറികടന്നു നമ്മുടെ ശരീരത്തെ കീഴ്പ്പെടുത്താൻ സാധ്യതയുണ്ട്, അതിനാല് അത്തരം സാഹചര്യങ്ങള് തന്നെ ഒഴിവാക്കുക. പരമാവധി ഡബിള് മാസ്കിംഗ് രീതി തന്നെ തെരഞ്ഞെടുക്കുക. അതായത് രണ്ട് മാസ്കുകള് ഒരേസമയം ഉപയോഗിക്കുന്ന രീതി. സാധാരണ നമ്മള് ഉപയോഗിക്കുന്ന തുണി കൊണ്ടുള്ള മാസ്കിന് പുറത്തായി ഒരു സര്ജിക്കല് മാസ്ക് കൂടി അണിയുന്നതാണ് ഡബിള് മാസ്കിംഗ് രീതി. ഇടവിട്ട് സോപ്പുപയോഗിച്ച് കൈകള് കഴുകുന്ന ശീലവും തടസ്സമില്ലാതെ തുടരുക.വാക്സിന് സ്വീകരിച്ച ശേഷവും കൊവിഡ് പിടിപെടുന്നവരില് വലിയൊരു വിഭാഗം പേരും രോഗപ്രതിരോധ വ്യവസ്ഥയുമായി ബന്ധപ്പെട്ട് എന്തെങ്കിലും പ്രശ്നങ്ങള് അഭിമുഖീകരിക്കുന്നുണ്ടാകും. ആകെ ആരോഗ്യം ദുര്ബലമായിരിക്കുന്നവര്, മറ്റെന്തെങ്കിലും അസുഖങ്ങള് ബാധിച്ചവര് എന്നിവരിലെല്ലാം പ്രതിരോധശക്തി താരതമ്യേനെ കുറവായിരിക്കും. അങ്ങനെയുള്ളവർ വാക്സിനെടുത്ത ശേഷവും രോഗം വരാനുള്ള സാധ്യത കൂടുതലാണ്. അതിനാല് ഇവര് കൂടുതല് ജാഗ്രതയോടെ നീങ്ങണം.പ്രതിരോധവ്യവസ്ഥയുമായി ബന്ധപ്പെട്ട് പ്രശ്നങ്ങള് നേരിടുന്നവര്ക്കും മറ്റ് അസുഖങ്ങള് മൂലം പ്രതിരോധശക്തി ദുര്ബലമായവരിലുമെല്ലാം പ്രത്യേകമായി അധിക ഡോസ് വാക്സിന് നല്കുന്നതിനെ കുറിച്ച് വിദഗ്ധർ ചിന്തിക്കുകയാണ്. ഇപ്പോൾ എല്ലാവര്ക്കും ഒരേ രീതിയിലാണ് വാക്സിന് നല്കിവരുന്നത്.വാക്സിന് എടുത്തു എന്ന ആത്മവിശ്വാസത്തില് ആള്ക്കൂട്ടങ്ങളില് കാര്യമായി പങ്കെടുക്കുന്ന ഒരു രീതി പലരും അവലംബിക്കുന്നുണ്ട്. എന്നാല് ഈ രിതി ഒട്ടും സുരക്ഷിതമല്ലെന്ന് തിരിച്ചറിയുക. വാക്സിനെടുത്താലും ആദ്യം സൂചിപ്പിച്ചത് പോലെ വീണ്ടും രോഗം വരാനുള്ള സാധ്യത നിലനില്ക്കുന്നുണ്ട്. അപ്പോള് ആള്ക്കൂട്ടങ്ങള് അതിന് കൂടുതല് അനുകൂലമായ സാഹചര്യങ്ങളാണ് ഒരുക്കുക. അഥവാ ഏതെങ്കിലും തരത്തിലുള്ള കൂട്ടം കൂടുകയാണെങ്കില് തന്നെ, അത് ചെറുതും തമ്മില് അറിയാവുന്നവരുടെതുമായ കൂട്ടം ആണെന്ന് ഉറപ്പുവരുത്തുക. വാക്സിന് എടുത്തവര് മാത്രം കൂടുകയാണെങ്കില് അത് അത്രയും നല്ലത്. അതുപോലെ അകത്ത് കൂടുന്നതിനെക്കാള് എന്തുകൊണ്ടും നല്ലത് തുറസായ സ്ഥലങ്ങളില് കൂടുന്നതാണ്. യാത്രകള് പരമാവധി ഒഴിവാക്കുന്നത് തന്നെയാണ് വാക്സിനേഷന് ശേഷവും നല്ലത്. പ്രത്യേകിച്ച് പുറംരാജ്യങ്ങളിലേക്കുള്ള യാത്രകള്. നമ്മുടെ നാട്ടില് തന്നെ വ്യാപകമായിരുന്ന പല വൈറസ് വകഭേദങ്ങളും പുറംനാടുകളില് വ്യാപകമാകുന്നത് ഇപ്പോഴായിരിക്കും. വീണ്ടും അവിടങ്ങളിലേക്ക് പോകുന്നത് രോഗസാധ്യത കൂട്ടാനുള്ള സാധ്യത മുന്നിൽ കണ്ട് പ്രവർത്തിക്കുക. അപ്പോൾ വാക്സിൻ എടുത്തവരെല്ലാം ഇക്കാര്യമെല്ലാം പ്രത്യേകം ശ്രദ്ധിക്കുമല്ലോ.
"