വാഹനത്തില്‍ ഇരുന്ന് കോവിഡ് വാക്സിന്‍ സ്വീകരിക്കാന്‍ കഴിയുന്ന ഡ്രൈവ് ത്രൂ വാക്സിനേഷന്‍ സംവിധാനം തിരുവനന്തപുരത്ത് തുടക്കം കുറിക്കുന്നു. ഇവിടെ 24 മണിക്കൂറും ആളുകള്‍ക്ക് വാക്സിന്‍ എടുക്കാനുള്ള സംവിധാനമുണ്ടാവും. വിമന്‍സ് കോളേജില്‍ നാളെ മുതലാണ് സെന്ററിന്റെ പ്രവര്‍ത്തനം കുറിക്കുന്നത്.

വാക്സിനേഷന്‍ സെന്ററിലേക്ക് വരുന്ന വാഹനത്തില്‍ തന്നെ ഇരുന്ന് രജിസ്റ്റര്‍ ചെയ്യാനും വാക്സിന്‍ സ്വീകരിക്കാനും ഒബ്സര്‍വേഷന്‍ പൂര്‍ത്തിയാക്കാനും സാധിക്കും. വാക്സിനേഷന്‍ പ്രക്രിയകള്‍ക്കായി നിയോഗിച്ചിട്ടുള്ള ഉദ്യോഗസ്ഥര്‍ വാഹനത്തിനു സമീപത്തേക്ക് എത്തി നടപടികള്‍ സ്വീകരിക്കും. സംസ്ഥാനത്ത് ആദ്യമായിട്ടാണ്‌ ഈ വാക്സിനേഷന്‍ ഡ്രൈവിന് വേണ്ട എല്ലാ സജ്ജീകരണങ്ങളും ഒരുക്കിയിട്ടുണ്ട്.