നമ്മുടെ വീടിന്റെ തൊടിയില്‍ സര്‍വ സാധാരണയായി കണ്ടു വരുന്ന ഔഷധഗുണങ്ങളുടെ കലവറയാണ് തുളസി. ഇത് ആരോഗ്യത്തിനും സൗന്ദര്യത്തിനും ആത്മീയ കാര്യങ്ങള്‍ക്കും എല്ലാം ഉപയോഗിക്കുന്നുണ്ട്. ധാരാളം മരുന്നുകളും സിറപ്പുകളും വിപണിയില്‍ ലഭ്യമാണെങ്കിലും, ജലദോഷവും ചുമയും പോലുള്ള ദീര്‍ഘകാല പ്രശ്നങ്ങളെ പ്രകൃതിദത്ത ഔഷധസസ്യങ്ങള്‍ ഉപയോഗിച്ച് ചികിത്സിക്കുന്നത് എന്നും മികച്ചത് തന്നെയാണ്. മാത്രമല്ല, പ്രതിരോധശേഷി വര്‍ദ്ധിപ്പിക്കുന്നതിനും തുളസി സഹായിക്കുന്നുണ്ട്.

തുളസിയും മഞ്ഞളും ചേര്‍ത്ത പാനീയം തയ്യാറാക്കി കഴിച്ചാല്‍ പ്രതിരോധ ശക്തി കൂടും. വീട്ടിലുള്ള സാധനങ്ങള്‍ ഉപയോഗിച്ച് തന്നെ ഇത് തയ്യാറാക്കാവുന്നതാണ്. 10-12 തുളസിയില, മൂന്ന് ടേബിള്‍ സ്പൂണ്‍ തേന്‍, മൂന്നോ നാലോ ഗ്രാമ്ബൂ, ഒരു കഷണം കറുവാപ്പട്ട ഇത്രയും ആണ് ആവശ്യം.

ഒരു പാനില്‍ ഒരു ഗ്ലാസ് വെള്ളം തിളപ്പിച്ച് അതിലേക്ക് മഞ്ഞള്‍ പൊടി, തുളസിയില, ഗ്രാമ്ബൂ, കറുവാപ്പട്ട ഇവ ചേര്‍ക്കുക. 15 മിനിറ്റ് തിളപ്പിക്കുക. പതിനഞ്ചു മിനിറ്റിനു ശേഷം അരിക്കാം. ഇളം ചൂടോടെ തേന്‍ ചേര്‍ത്തിളക്കാം. ദിവസം രണ്ടോ മൂന്നോ തവണ ഈ പാനീയം കുടിക്കാം. പ്രതിരോധശക്തി മെച്ചപ്പെടുത്തുന്നതോടൊപ്പം ജലദോഷം, പനി ഇവയെല്ലാം അകറ്റാനും സഹായിക്കും.

എന്നാല്‍ പ്രമേഹ രോഗികളും ഗര്‍ഭിണികളും ആരോഗ്യ വിദഗ്ദന്റെ നിര്‍ദ്ദേശം അനുസരിച്ചു വേണം തുളസിയില ഉപയോഗിക്കാന്‍. രക്തത്തിലെ പഞ്ചസാരയുടെ അളവ് കുറയ്ക്കാന്‍ തുളസിക്ക് കഴിയുമെന്നാണ് വിവിധ പഠനങ്ങള്‍ അവകാശപ്പെടുന്നത്. പ്രമേഹത്തിനുള്ള മരുന്നുകള്‍ കഴിക്കുന്നവര്‍ തുളസി ഇലകള്‍ കഴിക്കുന്നത് ഫലം വര്‍ദ്ധിപ്പിക്കുകയും പഞ്ചസാരയുടെ അളവ് വളരെ കുറയുകയും ചെയ്യും.

എന്നാല്‍ വളരെയധികം കുറയുന്ന പഞ്ചസാരയുടെ അളവ് നിങ്ങളില്‍ കൂടുതല്‍ വെല്ലുവിളികള്‍ ഉണ്ടാക്കും. ഇത് ആരോഗ്യത്തിന് പ്രതിസന്ധി ഉണ്ടാക്കുന്ന അവസ്ഥയിലേക്ക് നിങ്ങളെ എത്തിക്കുന്നുണ്ട്. അതുകൊണ്ട് തന്നെ വളരെയധികം ശ്രദ്ധിക്കേണ്ടതാണ്. ഇത്തരം കാര്യങ്ങള്‍ ഓരോ പ്രമേഹ രോഗിയും വളരെയധികം ശ്രദ്ധിക്കേണ്ടതാണ്.

അതുപോലെ തന്നെ തുളസി ഇലകള്‍ ഗര്‍ഭിണിയായ സ്ത്രീയുടെയും അവളുടെ ഗര്‍ഭസ്ഥശിശുവിന്റേയും ആരോഗ്യത്തെ ബാധിക്കും. കഠിനമായ കേസുകളില്‍, ഇത് ഗര്‍ഭം അലസലിന് പോലും ഇടയാക്കും. സസ്യം ഗര്‍ഭാശയത്തിന്റെ സങ്കോചങ്ങള്‍ക്ക് കാരണമായേക്കാം, അത് അപകടകരമാണ്. അതുകൊണ്ട് തന്നെയാണ് ഗര്‍ഭിണികളായ സ്ത്രീകള്‍ ഒരു കാരണവശാലും തുളസി കഴിക്കരുത് എന്ന് പറയുന്നത്. ഇത് ഗര്‍ഭകാലത്ത് അസ്വസ്ഥതകള്‍ ഉണ്ടാക്കുന്നു.

അതുകൊണ്ട് വളരെയധികം ശ്രദ്ധിക്കണം. തുളസി ഇലകള്‍ ഗര്‍ഭാശയത്തിലേക്കും പെല്‍വിക് മേഖലയിലേക്കും രക്തയോട്ടം ഉത്തേജിപ്പിക്കാം, ഇത് സങ്കോചങ്ങള്‍ക്ക് കാരണമാകും. ഗര്‍ഭാവസ്ഥയില്‍ തുളസി ഉപയോഗിക്കുന്നതിന് അനുകൂലമോ പ്രതികൂലമോ ആയ തെളിവുകള്‍ ഇല്ലെങ്കിലും വളരെയധികം ശ്രദ്ധിക്കേണ്ടതാണ്. ഇത്തരം കാര്യങ്ങള്‍ ഗര്‍ഭിണികള്‍ വളരെയധികം ശ്രദ്ധിക്കേണ്ടതാണ്.