വിയര്‍പ്പ് നാറ്റം കൊണ്ട് നാണക്കേടുണ്ടാകുന്ന എത്രയോ അവസരങ്ങൾ നമുക്ക് ഉണ്ടായിട്ടുണ്ട്. നമ്മുടെ ആത്മവിശ്വാസത്തെ തകർക്കുന്ന ഒന്നാണ് വിയർപ്പ് നാറ്റം .മറ്റുള്ളവർക്കും അത് ബുദ്ധിമുട്ടുണ്ടാക്കുന്നു .ഇതിനെ മറികടക്കാനും പരിഹരിക്കാനും മാർഗങ്ങൾ ഉണ്ട് കേട്ടോ .ഒന്ന് മനസ്സ് വച്ചാൽ മതി . ചില മാർഗങ്ങൾ നമുക്കൊന്ന് പരീക്ഷിച്ച് നോക്കാം ;-

*നന്നായി വെള്ളം കുടിക്കുക.

*വറുത്തതും പൊരിച്ചതുമായ ഭക്ഷണ സാധനങ്ങള്‍ ഒഴിവാക്കുക.

*നാരങ്ങ ഒരു സിട്രസ് ഫ്രൂട്ടാണ്. ആസിഡിന്റെ അളവ് നന്നായി ഉള്ളതിനാല്‍ അമിത വിയര്‍പ്പ് അകറ്റാന്‍ നാരങ്ങ ഉപയോഗിക്കാവുന്നതാണ്.

* ഒരു ചെറു നാരങ്ങയുടെ പകുതി മുറിച്ചെടുത്ത ശേഷം കക്ഷത്തിന്റെ ഭാഗങ്ങളില്‍ നന്നായി മസ്സാജ് ചെയ്യുക .

*ചെറിയ അളവില്‍ നാരങ്ങയുടെ നീര് പിഴിഞ്ഞെടുത്ത ശേഷം ബേക്കിങ് സോഡയുമായി കലര്‍ത്തി പഞ്ഞിയില്‍ മുക്കി നന്നായി വിയര്‍ക്കുന്ന ഭാഗത്ത് പുരട്ടാം.

*ചെറുനാരങ്ങ നീര് വെള്ളത്തില്‍ കലര്‍ത്തി കുളിക്കുന്നത് വിയര്‍പ്പുനാറ്റത്തിന് പരിഹാരമാണ്.

*ചന്ദനം അരച്ച് ശരീരത്തില്‍ പുരട്ടി കുളിക്കാവുന്നതാണ്.

*കുളി കഴിഞ്ഞ ശേഷം തര്‍ക്കാരി കിഴങ്ങ് പിഴിഞ്ഞ് ഏതാനും തുള്ളികള്‍ ഇരു കക്ഷത്തും പുരട്ടുക.

*വിയര്‍പ്പ് നാറ്റം ഒഴിവാക്കുവാൻ സസ്യാഹാരം ശീലമാക്കുക.

*ചെറുചൂടുവെള്ളത്തിലേക്ക് ആര്യവേപ്പിന്റെ നീരു ചേർക്കുക. ഇതിലേക്ക് ഒരു ടവൽ മുക്കിയതിനു ശേഷം ഇരു കയ്യിടുക്കിലും നന്നായി പുരട്ടാം.

*സോപ്പും വെള്ളവും ഉപയോഗിച്ച് കയ്യിടുക്കുകൾ നന്നായി വൃത്തിയാക്കണം. ആന്റിബാക്റ്റീരിയൽ സോപ്പോ ഡിയോഡറന്റ് സോപ്പോ ഉപയോഗിച്ചു വേണം കഴുകാൻ

*ഇലവര്‍ഗ്ഗത്തിലുള്ള പച്ചക്കറികള്‍ ധാരാളം കഴിക്കാവുന്നതാണ്.

*ദുർഗന്ധമില്ലാതിരിക്കാൻ വൃത്തിയുള്ള അടിവസ്ത്രങ്ങളും സോക്സുകളും ധരിക്കാനും ശ്രദ്ധിക്കുക.

*കുളി കഴിഞ്ഞതിനു ശേഷം ഒരു ടേബിൾസ്പൂണ്‍ തേൻ ചെറുചൂടുവെള്ളത്തിൽ ചേർത്ത് ശരീരത്തിൽ ഒഴിക്കാം.

*അല്‍പം ബേക്കിങ് സോഡ എടുത്ത് കയ്യിടുക്കുകളിൽ പുരട്ടി അല്പസമയം കഴിഞ്ഞ് കഴുകിക്കളയാം.