അമിത വണ്ണം നിങ്ങളെ മാനസികമായി അലട്ടുന്നുണ്ടോ? ഇതാ തടികുറയ്ക്കാൻ ചില സൂപ്പുകൾ
അമിതവണ്ണം ഇന്ന് പലരുടെ മാനസിക പ്രശ്നങ്ങളിൽ ഒന്നായി മാറുകയാണ്. ചുരുക്കം ചിലർ മാത്രമാണ് അവരുടെ തടിച്ച ശരീരത്തെ അംഗീകരിക്കുന്നത്. എന്നാൽ, കൊളസ്ട്രോള്, പ്രമേഹമുള്പ്പെടെയുള്ള പല രോഗങ്ങളുടേയും പ്രധാന കാരണമാണ് അമിത വണ്ണം. അമിത വണ്ണത്തിന് കാരണം പലതുമുണ്ട്. ഭക്ഷണ ശീലങ്ങള് ഉള്പ്പെടെ പലതും. ഇതു പോലെ വ്യായാമക്കുറവ്, സ്ട്രെസ് എന്നിവയെല്ലാം തന്നെ ഇതിന് കാരണമാകുന്നു.
തടി കുറയ്ക്കാന് സഹായിക്കുന്നതില് പ്രധാനമാണ് സൂപ്പുകള്. ആരോഗ്യകരവും രോഗങ്ങള്ക്ക് മരുന്നുമാണിത്. ശരീരത്തിന് പെട്ടെന്നു തന്നെ പ്രതിരോധശേഷി നല്കുന്ന ഒന്നാണ് സൂപ്പുകള്. ഇത് പല തരത്തിലും ഉണ്ടാക്കാം. ഇതില് ചേര്ക്കുന്ന ചേരുവകളും ആരോഗ്യത്തിന് നല്ലതാണ്. പെട്ടെന്ന് വയര് നിറയ്ക്കുന്ന, ഇതു വഴി അമിതാഹാരം ഒഴിവാക്കാന് സഹായിക്കുന്ന ഒന്നാണ് സൂപ്പ്.
ഇതിനായി സഹായിക്കുന്ന ഒരു പ്രത്യേക തരം സൂപ്പുണ്ട്. ഇതാണ് ഓട്സ് കൊണ്ടുണ്ടാക്കുന്ന ഓട്സ് സൂപ്പ്. ഓട്സ് ഏറെ ആരോഗ്യകരമായ ഭക്ഷണമാണ്. ഏതു പ്രായക്കാര്ക്കും കഴിയ്ക്കാവുന്ന, ഏതു രോഗത്തിനും മരുന്നായ ഒന്ന്. വയറിന്റെ ആരോഗ്യത്തിന് മികച്ചതാണ് ഇത്. ഇതിലെ പോഷകങ്ങള് ഏറെ ആരോഗ്യകരവുമാണ്.
മാംഗനീസ്, ഫോസ്ഫറസ്, മഗ്നീഷ്യം, കോപ്പര്, അയേണ്, സിങ്ക്, ഫോളേറ്റ് , വൈറ്റമിന് ബി1, ബി5 തുടങ്ങിയ പല ഘടകങ്ങളും അടങ്ങിയിട്ടുമുണ്ട്. കാല്സ്യം, പൊട്ടാസ്യം, വൈറ്റമിന് ബി6, വൈറ്റമിന് ബി3, എന്നീ ഘടകങ്ങളും ഇതില് അടങ്ങിയിട്ടുണ്ട്. പെട്ടെന്നു ദഹിയ്ക്കാന് കഴിയുന്ന ഒരു ഭക്ഷണമാണ് ഓട്സ്.ഓട്സ് എന്നാല് ശുദ്ധമായ ഓട്സ് വേണം. ഇന്സ്റ്റന്റ് ഓട്സ് പോലുള്ളവ ഗുണം നല്കില്ലെന്നോര്ക്കുക.
ഈ പ്രത്യേക സൂപ്പില് പച്ചക്കറികളും ചേര്ക്കാം. ക്യാരറ്റ്, ബീന്സ്, ക്യാബേജ് തുടങ്ങിയ പച്ചക്കറികള് ആരോഗ്യത്തിന് ഏറെ ഉത്തമമാണ്. ഇവയിലെ നാരുകളും ആന്റി ഓക്സിഡന്റ് ഗുണങ്ങളുമെല്ലാം തന്നെ ആരോഗ്യപരമായി ഏറെ ഗുണങ്ങള് നല്കുകയും ചെയ്യുന്നു.
ഓട്സ് സൂപ്പ് തയ്യാറാക്കാന് സ്റ്റീല്കട്ട് ഓട്സാണ് ഏറെ ഗുണകരമായത്. ഇത് തയ്യാറാക്കാനും എളുപ്പമാണ്. ഇത് പാത്രത്തില് ഇട്ടു വേവിയ്ക്കുക. ഇതിനൊപ്പം ക്യാരറ്റ്, ബീന്സ്, ക്യാബേജ് പോലുള്ള പച്ചക്കറികളും ചേര്ക്കാം. ഇവയെല്ലാം തന്നെ തടി കുറയ്ക്കാനും അതേ സമയം ശരീരത്തിന് പോഷകം നല്കാനും നല്ലതാണ്.
ഇതില് പച്ചമുളക്, വെളുത്തുള്ളി എന്നിവയും ചേര്ത്തിളക്കുക. നല്ലതുപോലെ വെള്ളത്തിലിട്ട് വേവിച്ചുടച്ച് എടുക്കാം. ഇതിലേയ്ക്ക് കുരുമുളക് പൊടി, അല്പം വിനെഗര് എന്നിവ ചേര്ത്തിളക്കി കഴിയ്ക്കാം. തടി കുറയ്ക്കാന് സഹായിക്കുന്ന മികച്ച ഭക്ഷണമാണിത്. രാത്രി ഇതു മാത്രം ആഹാരമാക്കുന്നത് തടി കുറയ്ക്കാന് ഏറെ നല്ലതാണ്.
https://www.facebook.com/Malayalivartha