അടുക്കള ജോലി എളുപ്പവും രസകരവുമാക്കാം
ചില പൊടിക്കൈകളിലൂടെ അടുക്കളയിലെ ജോലി എളുപ്പവും രസകരവുമാക്കി മാറ്റാന്‍ കഴിയും. മാത്രമല്ല തിരക്ക് പിടിച്ച് ജോലി ചെയ്യുന്ന വേളയില്‍ ഉണ്ടാവുന്ന പല തരത്തിലുള്ള പാചകപ്രശ്‌നങ്ങള്‍ക്ക് പരിഹാരം കാണാനും ഈ പൊടിക്കൈകളിലൂടെ കഴിയും. എന്തൊക്കെയാണെന്ന് നോക്കാം.
* തേങ്ങ അരച്ച കറികള്‍ പെട്ടെന്ന് ചീത്തയാകാറുണ്ട്. എന്നാല്‍ ആ പ്രശ്‌നം പരിഹരിക്കാനായി അടുപ്പില്‍ ചൂടുവെള്ളം വെച്ച് അതില്‍ തുടര്‍ച്ചയായി ഇളക്കിക്കൊണ്ടിരിക്കുക. ഇത്തരത്തില്‍ ചെയ്യുന്നത് കറി പിരിയാതിരിക്കാന്‍ സഹായകമാകും.
* ചോറ് അല്പം വേവ് കൂടാന്‍ ഇടയായാല്‍ അതുണ്ടാക്കുന്ന പ്രശ്‌നം ചില്ലറയല്ല. കുടുംബാംഗങ്ങള്‍ തമ്മില്‍ വഴക്ക് വരെ ഉണ്ടാവാന്‍ അത് ഇടയാക്കും. എന്നാല്‍ ഇനി ചോറ് വേവ് കൂടിയാല്‍ അതിലേക്ക് അല്പം നാരങ്ങ നീര് തളിക്കുക. അതോടെ ആ പ്രശ്‌നം തീരുകയും ചെയ്യും.
* ഇഞ്ചി കേടുവരാതിരിക്കാനായി ഉപയോഗിച്ചതിന്റെ ബാക്കി മണ്ണില്‍ കുഴിച്ചിടുക. ഇത്തരത്തില്‍ ചെയ്യുന്നത് മാസങ്ങളോളം ഇത് കേട് കൂടാതെ ഇരിക്കാന്‍ സഹായകമാകും.
* മിക്‌സിക്കുള്ളിലെ ദുര്‍ഗന്ധം ഇല്ലാതാക്കാന്‍ പുതിനയിലയോ നാരങ്ങ തൊലിയോ ഇട്ട് അടിച്ചെടുക്കുന്നതും നല്ലതാണ്.
* പലരിലും അസ്വസ്ഥത ഉണ്ടാക്കുന്ന ഒന്നാണ് ഉള്ളിമണം. എന്നാല്‍ നാരങ്ങയുടെ തൊലി കൊണ്ട് ഉള്ളിയില്‍ ഉരസിയാല്‍ ആ മണം ഇല്ലാതാകുകയും ചെയ്യും.
* പച്ചമുളക് ചീഞ്ഞ് പോവാതിരിക്കാനായി അതിന്റെ ഞെട്ട് കളഞ്ഞ് ഒരു പോളിത്തീന്‍ കവറിലിട്ട് വെക്കുന്നത് നല്ലതാണ്.
* മീന്‍ വറുക്കുമ്പോള്‍ പൊടിഞ്ഞ് പോവാതിരിക്കാന്‍ മുട്ട അടിച്ചത് മീനിന്റെ മുകളില്‍ പുരട്ടിയ ശേഷം വറുത്തെടുത്താല്‍ മതി. ചൂടായ എണ്ണയില്‍ ഒരു നുള്ള് മൈദാ ഇട്ടതിനു ശേഷം മീന്‍ വറുക്കുന്നതും ഈ പ്രശ്‌നത്തിനു പരിഹാരമാണ്.
* ഇഡ്ഡലിക്ക് മയം കിട്ടുന്നതിനായി അരി അരക്കുമ്പോള്‍ അല്പം അവല്‍ ചേര്‍ക്കുന്നതും നല്ലതാണ്.
https://www.facebook.com/Malayalivartha
