തിളക്കമുളള മുടിക്ക് പഞ്ചസാരയും തേനും
അഴകും ആരോഗ്യവുമുള്ള മുടി ഏതു പെണ്‍കുട്ടികളുടെയും ആഗ്രഹമാണ്. മുടിക്ക് ഭംഗി കൂട്ടാനായി വിപണിയില്‍ കിട്ടുന്നതെല്ലാം വാങ്ങി ഉപയോഗിക്കാറും ഉണ്ട്. ദൂഷ്യഫലങ്ങളില്ലാതെ മുടിയുടെ അഴകും ആരോഗ്യവും വര്‍ദിധിപ്പിക്കാന്‍ ചില വഴികളുണ്ട്.
ഒലിവ് ഓയിലിനു ഗുണങ്ങള്‍ ഏറെയാണ്. കുഞ്ഞുങ്ങളുടെ ചര്‍മപ്രശ്‌നങ്ങള്‍ പരിഹരിക്കാന്‍ ഒലിവ് ഓയില്‍ ഉത്തമമാണ്, അതുപോലെ മുടിയുടെ ഇഴയടുപ്പം കൂട്ടാനുംഇത് എങ്ങനെയാണ് ഉപയോഗിക്കേണ്ടതെന്നു നോക്കാം. ഒരു ഒഴിഞ്ഞ ബോട്ടിലില്‍ ഒരു കപ്പ് ഷാംപൂ എടുക്കുക. എണ്ണമയമില്ലാത്ത മുടിയാണ് നിങ്ങള്‍ക്കെങ്കില്‍ ഇതിലേക്ക് രണ്ട് ടേബിള്‍ സ്പൂണ്‍ ഒലിവ് ഓയില്‍ ചേര്‍ക്കുക. എണ്ണമയമുള്ള മുടിയാണെങ്കില്‍ ഒരു ടേബിള്‍സ്പൂണ്‍ ഓയില്‍ മതിയാകും. ഡ്രൈ ആയ മുടി ഉള്ളവര്‍ കാല്‍കപ്പ് ഓയില്‍ എടുക്കുക. ശേഷം ബോട്ടില്‍ അടച്ചുവച്ച് നന്നായി കുലുക്കുക.ഉപയോഗത്തിനു മുമ്പു ബോട്ടില്‍ കുലുക്കിയ ശേഷം തലയില്‍ മസാജ് ചെയ്ത് കഴുകിക്കളയുക.
താരന്‍ അകറ്റന്‍ ഏറ്റവും നല്ല വഴിയാണിത്. രണ്ട് ടേബിള്‍സ്പൂണ്‍ ഷാംപൂവിനൊപ്പം അര ടീസ്പൂണ്‍ നാരങ്ങാനീര് ചേര്‍ത്ത് മുടി കഴുകുക. മുടിക്കു മാത്രമല്ല ശിരോചര്‍മത്തിനും ഉത്തമമാണ് പഞ്ചസാര. ഒരു സ്പൂണ്‍ പഞ്ചസാര ഷാംപൂവില്‍ ചേര്‍ക്കുക. ഇതുപയോഗിച്ച് തല കഴുകിയാല്‍ മുടിയുടെ കരുത്തു കൂടും. ശിരോചര്‍മത്തിനും ഗുണം ലഭിക്കും. മൃതകോശങ്ങളെ നീക്കാനും ഇത് ഉത്തമമാണ്. ഷാംപൂവിനൊപ്പം പഞ്ചസാര ചേര്‍ത്ത് തല കഴുകിയ ശേഷം കണ്ടീഷനറും ഉപയോഗിക്കാം. അര ടീസ്പൂണ്‍ തേന്‍ രണ്ട് ടേബിള്‍സ്പൂണ്‍ ഷാംപൂവിനൊപ്പം ചേര്‍ത്ത് ഉപയോഗിക്കുക. മുടിക്കു തിളക്കം നല്‍കാന്‍ ഇതു സഹായിക്കും. മുടി കൊഴിച്ചില്‍ തടയാനും മുടിയുടെ ഇഴയടുപ്പം വര്‍ധിപ്പിക്കാനും തിളക്കമുള്ള മുടിക്കും ഇത് ഉത്തമമാണ്.
https://www.facebook.com/Malayalivartha
