ജനിതക മാറ്റം വന്ന യു.കെ വൈറസ് കേരളത്തിൽ 11 പേരിൽ സ്ഥിരീകരിച്ചു; ആശങ്ക വർദ്ധിക്കുന്നു
ഇംഗ്ലണ്ടിൽ കണ്ടെത്തിയ ജനിതക മാറ്റം വന്ന വൈറസ് സംസ്ഥാനത്ത് ആദ്യമായി സമ്പർക്കത്തിലൂടെ ഒരാള്ക്ക് ബാധിച്ചതായി കണ്ടെത്തി. കോഴിക്കോടുകാരായ 72 കാരനാണ് വകഭേദം വന്ന വൈറസ് സമ്പർക്കത്തിലൂടെ ബാധിച്ചത്. സംസ്ഥാനത്ത് ജനിതക വകഭേദം വന്ന വൈറസ് സ്ഥിരീകരിച്ചവരുടെ എണ്ണം ഇതോടെ 11 ആയി. മറ്റു 10 പേരും യുകെയില് നിന്ന് വന്നവരാണ്.
കേരളത്തില് ഇപ്പോഴും കൊവിഡ് ശമനമില്ലാതെ തുടരുകയാണ്. സംസ്ഥാനത്ത് ഇന്നലെ കൊവിഡ് സ്ഥിരീകരിച്ച 4034 പേരില് 3674 പേര്ക്കും വൈറസ് ബാധിച്ചത് സമ്പർക്കത്തിലൂടെയാണ്. 258 പേരുടെ സമ്പർക്ക ഉറവിടം കണ്ടെത്താനായില്ല.
സംസ്ഥാനത്തിനു പുറത്തു നിന്നു വന്ന 81 പേരും 21 ആരോഗ്യ പ്രവര്ത്തകരും കൊവിഡ് പോസിറ്റീവായി. 69,604 സാംപിളുകള് പരിശോധിച്ചപ്പോള് ടെസ്റ്റ് പോസിറ്റിവിറ്റി നിരക്ക് 5.80 ശതമാനം ആയിരുന്നു ഇന്നലെ. ചികിത്സയിലായിരുന്ന 4823 പേരുടെ പരിശോധനാ ഫലം നെഗറ്റീവ് ആയി. ഇന്നലെ 14 മരണങ്ങളാണ് റിപ്പോര്ട്ട് ചെയ്തത്. ഇതോടെ കോവിഡ് ബാധിച്ച് മരണപ്പെട്ടവരുടെ എണ്ണം 4119 ആയി.
https://www.facebook.com/Malayalivartha