അറുപതുവയസുകഴിഞ്ഞവര്‍ക്ക് തിങ്കളാഴ്ച മുതല്‍ രാജ്യത്ത് കോവിഡ് വാക്സിന്‍ വിതരണം ചെയ്യും. സര്‍ക്കാര്‍ കേന്ദ്രങ്ങളില്‍ സൗജന്യമായിട്ടായിരിക്കും വാക്സിന്‍ വിതരണം ചെയ്യുന്നത്. വാക്സിന്‍ വിതരണത്തിന് 10000 കേന്ദ്രങ്ങളാണ് സര്‍ക്കാര്‍ ഏര്‍പ്പെടുത്തിയിരിക്കുന്നത്. ഇരുപതിനായിരം സ്വകാര്യ കേന്ദ്രങ്ങളിലും വാക്സിന്‍ വിതരണം ചെയ്യും.

ജനുവരി 16 മുതല്‍ രാജ്യത്ത് കൊവിഡ് വാക്സിന്‍ വിതരണം കേന്ദ്രസര്‍ക്കാര്‍ ആരംഭിച്ചത്. രാജ്യത്തെ 3 കോടി ആരോഗ്യപ്രവര്‍ത്തകര്‍ക്കാണ് ആദ്യഘട്ടത്തില്‍ വാക്സിന്‍ നല്‍കിയത്. പ്രധാനമന്ത്രി നരേന്ദ്രമോദിയാണ് വാക്സിന്‍ വിതരണം ഉദ്ഘാടനം ചെയ്തത്.

കേരളം ഉൾപ്പെടെ ചില സംസ്ഥാനങ്ങളിൽ കോവിഡ് രോഗികളുടെ എണ്ണത്തിൽ വലിയ മാറ്റമൊന്നും ഇല്ലാതെ തുടരുകയാണ്. ഇതിൽ കേന്ദ്ര ആരോഗ്യ മന്ത്രാലയം ഉൾപ്പെടെ ആശങ്ക അറിയിച്ചിരുന്നു. വൈറസിന്റെ യുകെ വകഭേദം ഉൾപ്പെടെ കേരളത്തിലും ചില സംസ്ഥാനങ്ങളിലും വ്യാപിക്കുകയാണ്. വൈറസിനെ പിടിച്ചു കെട്ടാനാണ് വലിയതോതിൽ വാക്‌സിൻ വിതരണം രാജ്യത്ത് നടത്താൻ പോകുന്നത്.