കേന്ദ്രസർക്കാരിന്റെ ദിനചര്യ തുടരുന്നു. ദിവസം തോറും പെട്രോളിനും ഡീസലിനും വില കൂട്ടുന്നതിന് പുറമെ ഇപ്പോഴിതാ പാചകവാതക വില വീണ്ടും വർദ്ധിപ്പിച്ചിരിക്കുകയാണ്.

വീടുകളിലെ ആവശ്യത്തിനുള്ള സിലിണ്ടറിന് 25 രൂപയാണ് കൂട്ടിയിരിക്കുന്നത്. കൊച്ചിയിൽ ഇന്ന് ഒരു സിലിണ്ടറിന് നൽകേണ്ട വില 801 രൂപയാണ്.
ഈ മാസം മൂന്നാം തവണയാണ് പാചകവാതക വില ഉയര്‍ത്തിയിരിക്കുന്നത്. ഫെബ്രുവരി 14ന് സിലിണ്ടറിന് 50 രൂപ കൂട്ടിയിരുന്നു. പാചകവാതകത്തിന് ഡിസംബറിന് ശേഷമുണ്ടാകുന്ന നാലാമത്തെ വര്‍ധനയാണിത്. ഡിസംബര്‍ ഒന്നിനും ഡിസംബര്‍ 16നും 50 രൂപ വീതം ഉയര്‍ത്തിയിരുന്നു.