വിദേശത്ത് നിന്ന് എത്തുന്ന എല്ലാവർക്കും കോവിഡ് പരിശോധന സൗജന്യം ആയിരിക്കുമെന്ന് ആരോഗ്യമന്ത്രി കെ.കെ ശൈലജ അറിയിച്ചു. വീണ്ടും കോവിഡിന്റെ വലിയ തരത്തിലുള്ള വ്യാപനം ഉണ്ടാകാൻ സാധ്യത ഉള്ളതിനാൽ വിമാനത്താവളങ്ങളിൽ വൻതോതിൽ പരിശോധന ഏർപ്പെടുത്താനാണ് കേന്ദ്രസർക്കാരിന്റെ നിർദ്ദേശം.

കോവിഡിന്റെ പുതിയ വകഭേദം ആയ യു.കെ വൈറസ് കേരളത്തിൽ സാമാന്യം പടരുന്ന സാഹചര്യത്തിൽ പ്രവാസികളെ കൂടുതൽ നിരീക്ഷണത്തിൽ കൊണ്ട് വന്ന് ആർ.ടി.പി.സി.ആർ പരിശോധന നടത്താനാണ് തീരുമാനം. വിദേശത്ത് നിന്ന് കോവിഡ് നെഗറ്റീവ് സർട്ടിഫിക്കറ്റുമായി വന്നാലും വീണ്ടും വിമാനത്താവളങ്ങളിൽ പരിശോധന നിർബന്ധമാണ്.

1700 രൂപയായിരുന്നു ആർ.ടി.പി.സി.ആർ പരിശോധന നിരക്ക്. എന്നാൽ ഇപ്പോഴിത് സൗജന്യം ആക്കിയിരിക്കുകയാണ്.