കെഎസ്‌ആര്‍ടിസി ജീവനക്കാര്‍ക്കും പെന്‍ഷന്‍കാര്‍ക്കും ക്ഷാമബത്ത കുടിശ്ശിക അനുവദിച്ചു സർക്കാർ ഉത്തരവായി. 2016 മുതലുള്ള ഡിഎ കുടിശ്ശികയാണ് സര്‍ക്കാര്‍ അനുവദിച്ചത്. പെൻഷൻകാർക്ക് രണ്ടും ജീവനക്കാർക്ക് മൂന്നും ഗഡുക്കളായാണ് കുടിശ്ശിക ലഭിക്കുക.

ശമ്പളപരിഷ്‌കരണം നടപ്പാക്കണം എന്നത് ഉള്‍പ്പെടെ വിവിധ ആവശ്യങ്ങള്‍ ഉന്നയിച്ച്‌ കഴിഞ്ഞ ദിവസം ഒരു വിഭാഗം ജീവനക്കാര്‍ 24 മണിക്കൂര്‍ പണിമുടക്ക് നടത്തിയിരുന്നു.

ഏപ്രില്‍ ഒന്നുമുതല്‍ ശമ്പള പരിഷ്‌ക്കരണം നടപ്പാക്കുന്ന വിധത്തില്‍ ഉത്തരവിറക്കണമെന്നതായിരുന്നു സമരക്കാരുടെ മുഖ്യ ആവശ്യം.