വിദേശികളെ പ്ര​തി​കൂ​ല​മാ​യി ബാ​ധി​ക്കു​ന്ന തീ​രു​മാ​ന​ങ്ങ​ളു​മാ​യി ഒ​മാ​ന്‍. മ​ല​യാ​ളി​ക​ള​ട​ക്കം ഒ​ട്ടേ​റെ ഇ​ന്ത്യാ​ക്കാ​രെ പ്ര​തി​കൂ​ല​മാ​യി ബാ​ധി​ക്കു​ന്ന നിർണായക തീരുമാനമാണ് ഒമാന്റെ ഭാഗത്ത് നിന്നും ഉണ്ടായിരിക്കുന്നത്. മലയാളികളടക്കവും ഒട്ടനവധി ഇന്ത്യക്കാരുടെ ചങ്കിൽ കുത്തികൊണ്ട് സ​ര്‍​ക്കാ​ര്‍ സ്കൂ​ളു​ക​ളി​ല്‍ വി​ദേ​ശി​ക​ളാ​യ അ​ധ്യാ​പ​ക​ര്‍​ക്ക് തൊ​ഴി​ല്‍ ക​രാ​ര്‍ പു​തു​ക്കി ന​ല്‍​കേ​ണ്ട​തി​ല്ലെ​ന്ന നി​യ​മം രാ​ജ്യ​ത്ത് നി​ല​വി​ല്‍ വ​ന്നു. ഒ​മാ​ന്‍ വി​ദ്യാ​ഭ്യാ​സ മ​ന്ത്രാ​ല​യ​ത്തിന്‍റേ​താ​ണ് തീ​രു​മാ​നം.

നി​ല​വി​ല്‍ നൂ​റി​ലേ​റെ ജോ​ലി​ക​ള്‍​ക്ക് വീസ വി​ല​ക്കു​ണ്ട്. വാ​ട്ട​ര്‍ ട്ര​ക്ക് ഡ്രൈ​വ​ര്‍​മാ​രാ​യി വി​ദേ​ശി​ക​ള്‍​ക്ക് വി​സ ന​ല്‍​ക​ണ്ട​തി​ല്ല എ​ന്നും അ​ടു​ത്തി​ടെ ഒമാന്‍ തീ​രു​മാ​ന​മെ​ടു​ത്തി​രു​ന്നു. വി​വി​ധ ജോ​ലി​ക​ള്‍​ക്ക് പ്ര​വ​ര്‍​ത്തി പ​രി​ച​യ സ​ര്‍​ട്ടി​ഫി​ക്ക​റ്റ് ന​ല്‍​കു​ന്ന​തി​നും നി​യ​ന്ത്ര​ണ​മേ​ര്‍​പ്പെ​ടു​ത്തി​യി​ട്ടു​ണ്ട്. തൊ​ഴി​ല്‍ മേ​ഖ​ല​ക​ളി​ല്‍ സ്വ​ദേ​ശി​ക​ളു​ടെ സ്വാ​ധീ​നം വ​ര്‍​ധി​പ്പി​ക്കു​വാ​നു​ള്ള ശ്ര​മ​ങ്ങ​ളു​ടെ ഭാ​ഗ​മാ​യാ​ണ് ഒമാന്‍റെ നടപടികള്‍.

വിവിധ വിദേശ യൂണിവേഴ്സിറ്റികളുടെ സര്‍ട്ടിഫിക്കറ്റുകള്‍ ഒമാന്‍ ഉന്നത വിദ്യാഭ്യാസ മന്ത്രാലയം വീണ്ടും തള്ളിയിരിക്കുകയാണ്. അമേരിക്ക, യു.കെ, ദുബൈ എന്നിവിടങ്ങളില്‍ നിന്നുള്ള യൂണിവേഴ്സിറ്റി സര്‍ട്ടിഫിക്കറ്റുകളാണ് മന്ത്രാലയം തള്ളിയിരിക്കുന്നത്. കാമ്പസ് കെട്ടിടങ്ങളോ മറ്റു സംവിധാനങ്ങളോ ഇല്ലാത്ത യൂണിവേഴ്സിറ്റികളുടെ സര്‍ട്ടിഫിക്കറ്റുകളാണ് മന്ത്രാലയം തള്ളിയത്. ഇവയില്‍ പലതും വ്യാജമായി നിര്‍മിക്കപ്പെട്ടതാണെന്ന് കണ്ടെത്തിയിട്ടുണ്ട്. അമേരിക്കയുടെ വിവിധ നഗരങ്ങളുടെ പേരിലുള്ള 12 യൂണിവേഴ്സിറ്റികളാണ് വ്യാജമെന്ന് കണ്ടെത്തിയത്.

ഒമാന്‍ ഉന്നത വിദ്യാഭ്യാസ മന്ത്രാലയം അംഗീകരിക്കാത്ത യൂണിവേഴ്സിറ്റികളുടെ സര്‍ട്ടിഫിക്കറ്റുകള്‍ ഉപയോഗിച്ച് ഒമാനില്‍ ജോലി നേടാനാകില്ലെന്ന് മന്ത്രാലയം അറിയിച്ചു. ഒമാന് പുറത്ത് അതാത് രാഷ്ട്രങ്ങളില്‍ സര്‍ക്കാര്‍ അംഗീകൃത യൂനിവേഴ്സിറ്റികള്‍ മാത്രമാണ് ഒമാന്‍ അംഗീകരിക്കുന്നത്