വിവിധതരം പാസ്‌പോര്‍ട്ട്‌ സേവനങ്ങള്‍ക്കും എമര്‍ജന്‍സി സര്‍ട്ടിഫിക്കറ്റ്‌ ഉള്‍പ്പെടെയുള്ള മറ്റ്‌ യാത്രാ രേഖകളുടെ സേവനങ്ങള്‍ക്കും ഫീസ്‌ വര്‍ധിപ്പിച്ചതിനെതിരെ പ്രവാസികള്‍ പ്രിതിഷേധിക്കുന്നു. ഇന്ത്യയില്‍ അന്‍പത്‌ ശതമാനം ഫീസ്‌ വര്‍ധിപ്പിച്ചപ്പോള്‍ വിദേശത്ത്‌ 140 മുതല്‍ 250 ശതമാനം വരെയാണ്‌ ഫീസ്‌ വര്‍ധിപ്പിച്ചത്‌. പാസ്‌പോര്‍ട്ട്‌ സേവനങ്ങള്‍ക്ക്‌ ഇന്ത്യയിലും വിദേശത്തും രണ്ട്‌ തരം ഫീസ്‌ ഇടാക്കുന്നത്‌ പൊതുവേ പ്രതിഷേധത്തിനിടയാക്കിയിട്ടുണ്ട്‌. പൗരന്മാരെ രണ്ട്‌ തട്ടാക്കുന്ന ഈ തിരുമാനം വിവേചനമാണെന്നാണ്‌ പല പ്രവാസി സംഘടനകളുടേയും വിലയിരുത്തല്‍. ഇതിനെതിരെ നിയമപരമായി പോരാടാനും പ്രവാസികള്‍ തിരുമാനിച്ചു. അങ്ങനെയാണ്‌ വിദേശകാര്യ മന്ത്രാലയത്തിന്റെ ഈ നടപടിക്കെടിക്കെതിരെ ഹൈകോടതിയെ സമീപിച്ചത്‌.