മറുനാടന്‍ മലയാളികള്‍ എവിടയോ പോയി എന്തോ പിടിച്ചുപറിച്ചു കൊണ്ടുവരുന്നതു പോലെയാണ്‌. വിദേശത്ത്‌ നിന്ന്‌ എത്തുന്നവരെ നടുറോഡില്‍ തടഞ്ഞു നിര്‍ത്തിയുള്ള പരിശോധന വീണ്ടും പുനരാരംഭിച്ചു. വ്യാപകമായ പരാതിയെത്തുടര്‍ന്ന്‌ 12 വര്‍ഷത്തിലേറെക്കാലമായി നിര്‍ത്തി വച്ചിരുന്ന കസ്റ്റംസ്‌ പരിശോധനയാണ്‌ പുനരാരംഭിച്ചത്‌. നടുറോഡില്‍ നാട്ടുകാരുടെ മുന്‍പില്‍ വിദേശമലയാളികള്‍ അങ്ങനെ അപമാനിക്കപ്പെടുകയാണ്‌. വളരെ നാളുകള്‍ കുടുംബത്തിന്‌ വേണ്ടി അന്യദേശത്ത്‌ എല്ലു മുറിയെ പണിയെടുത്ത്‌ സന്തോഷപൂര്‍വ്വം നാട്ടിലേക്ക്‌ എത്തുമ്പോഴാണ്‌ റോഡിലെ ഈ ക്രൂര പീഠനം. വിമാനത്തില്‍ നിന്നും നേരെ വീട്ടിലേക്കിറങ്ങുന്നവരല്ല ആരും. എയര്‍പോര്‍ട്ടില്‍വെച്ചാകാമല്ലോ ഏത്‌ പരിശോധനയും എന്നാണ്‌ പ്രവാസികളുടെ ചോദ്യം. എന്നാല്‍ സിഗററ്റ്‌, പാക്‌ നിര്‍മ്മിത കള്ളനോട്ട്‌, കുങ്കുമപ്പൂവ്‌, ഇലക്‌ട്രോണിക്‌സ്‌ സാധനങ്ങള്‍ തുടങ്ങിയവയുടെ കള്ളക്കടത്ത്‌ തടയാന്‍ റോഡിലെ പരിശോധന ആവശ്യമാണെന്നാണ്‌ കസ്റ്റംസ്‌കാര്‍ പറയുന്നു. തീവ്രവാദം പ്രവര്‍ത്തനങ്ങള്‍ തടയാനും ഇത്‌ സഹായിക്കും.